وسواس الاحتلام تعببببت

السلام عليكم ، تكفون يابنات تعبت والله العظيم ابي جواب شافي مليت من الاغتسال يومياً اللحين اذا شفت شي مثير غير الجماع هل يعتبر احتلام ؟ ، يعني اشياء خرابيط مثل (اشوف حيوانات ترضع ، او انا عاريه كذا بس بدون شي ومامعي احد او يشوفوني من بعيد او اشياء ثانيه بس بنفس الشي سخيف مو جماع يعني )بس يعني احس باثاره خفيفه
واذا صحيت احاول اشم الريحه بس ما افرق وامسح ولا يطلع شي واظل طول اليوم خايفه وصلاتي مو مقبوله وصيامي وكلل شي
حاول اتجاهله برمضان صار يزيد اببي حل تكفون

نفس وسواس اختي ،، الحل انك لا تفتشين ولا شي ، امسكي نفسك عن الاسترسال ولا تغتسلين الا بعد يوم ، وباذن الله بيروح 
صلي ولا تغتسلين ابدا ،،

كمان لا تطمنين نفسك ، ولا تقنعين نفسك ،،يعني كانك تقولين ايوا بصلي وبصوم وانا علي نجاسه ،، واهم شي تنشغلين ذهنيا عنه ،،،وباذن الله ترجعين زي قبل.

مافهمت شلون ما اغتسل الا بعد يوم !؟ يعني فيه اغتسال بالموضوع! ولازم اقضي صلوات امس !

انا احاول اتجاهله بس مرات احسه صدق وخلاص فيه يقين بس اذا اغتسلت مرا اتضايق واقعد ابكي لاني عارفه اني ماراح اخلص ولا ارتاح ، وطول اليوم تفكيري بالنوم اخاف انام
واول ما اشوف شي اقوم مفزوعه وقلبي يدق بسرعه وخايفه

مع اني قبل كنت انام عادي وبرمضان بعد مابحياتي شفت شي بالنوم وهءا الوسواس جاني قبل رمضان واستمر وانا اللي مخوفني ومضايقني انه رمضان احس كل شي اسويه مو مقبول لا صلاة ولا صيام لاني من اول رمضان متجاهلته علما بانه ٦ مرات احلم وماغتسلت ولامره واليوم شفت شي وقمت بسرعه ورحت الحمام وكذا بس تجاهلته وطلعت صليت مادري هل تصرفي صح او لا

الحين الاحتلام يوجب الغسل ،،وابليس دخل من هذه النقطه ،مسوي فيها حريص علي دينك ،،
الحل طنشيه لا تفتشين ولا تغتسلين ،، لا تقنعي نفسك انك علي طهاره ولا تطمنين نفسك ،،، 


فهمتي علي ؟؟؟/

كمان اشغلي نفسك ذهنيا عنه وباذن الله بيرووووح وتقولي شي تافه .

تبغين تعرفين انك علي الطريق الصح ،، انك تصلين وتصومين وتحسين ان صومك وصلاتك وعباداتك باطله ،،هنا قولي له احسن ،، ولا تسترسلي معاه ..

ايه فهمت الله يجزاك خير ويشفيك ويشفي كل عزيز عليك
وانا بإذن الله بتجاهله ولا راح اغتسل خلاص بإذن الله يارب ادعولي
بس شعور الذنب والضيقه مع التجاهل طبيعي صح !
صادقه والله اخت منيره انا انشغلت عنه فتره ارتحت وخف بس اللحين رجع
الله يجزاك خير ويشفيك ويعافيك
ويفرج عن وعنكم اجمعين ياكريم

تري والله هذه الوساوس في العباده سهله تتخلصين منها ،، اهم شي لا تبحثين عن شي يطمنك ولا تستجيبين لها
وتدريجيا تخف وباذن الله تشوفين  العاااافيه .

بإذن الله ، الحمدلله
الله يطمن قلوبكم ويريحكم ياكريييم ويجعله بموازين حسناتكم