السلام عليكم ورحمة الله وبركاته ..
اصلِ واسلم على نبينا في بداية حديثي معكم ..
انا فتاه ابلغ من العمر 25 عام متزوجه ..
كنت في بداية زواجي اعاني من الوسواس القهري بالموت ..
عانيت منه 3 الى 4 اشهر وكنت اعالج نفسي بالقران وكنت اذهب اللى المشايخ ..
نتوقف لغه عربيه لا اجيدها 😋..
بعد مارحت المشايخ نصحوني بزيارة الطبيب النفسي..
كان عمري وقتها 21 عاما ف كنت استخير الى ان رحت الطبيب النفسي اكلت الحبوب وكانت لوسترال..
اكلتها تقريبا سنه ونص .. وتركتها ل نيتي للحمل ..
سنه كامله م اكلتها وبعدها من علي الله وحملت..
وانا كان لي سابقة حمل 3 مرات انتهت ب الاجهاض ..والعياذ بالله
ف في فترة حملي هاذي رجع لي الوسواس من جديد ..
اصبحت اعاني منه وافكر مرارا اني اروح لدكتور نفسي واخذ حبوب نفسيه ولاكن خوفي على حملي يردني ..
رجع لي بطريقه اني اخاف على حملي ودايم يوهمني انه والعياذ بالله بخسره وان بتصير لي مشكله بالحمل.. وان تعبي بيروح ..وكل يومين او 3 ايام انا بالمستشفى..
واموري ولله الحمد والمنه ب اتم اصحه ولا يوجد مشاكل ..
وزني لايزيد بل ينقص ..مً اكل م اشرب م اتغذى دايم هم في هم ..
لا اطيق زوجي وجوده لا اطيق النظر الى وجهي بالمرايه ..
كل شي مسكر بوجهي ..
مع اني ولله الحمد مصليه وذاكره لربي ..واعرف ان كل شي بيد الله وان المكتوب يبي يصير ..
ولاكن قلبي بدون راحه اخاف من كل شي من الاكل والشرب من السيارات من الطلعات من المعاشره الزوجيه .. اخاف حتى من نفسي ..
على حملي..
انا ماابي اتعالج بالحبوب النفسيه الى مابعد الولاده..
انا قرات برنامج الاستاذ الخبير النفسي 2 واستفدت منه .. وحسيت براحه من علي الله بها ..
انا اتمنى ان القى استشاره جيده ودعاء منكم لي بثبات الحمل والذريه الصالحه المتعافيه ..
استنى ردكم