بسم الله الرحمن الرحيم
السلام عليكم و رحمة الله و بركاته
أنا أعاني من الوسواس القهري منذ سنوات .. و ما كنت أعرف إنه اللي فيني وسواس قهري .. إلا بعد ما ساءت حالتي كثيرا و رحت للطبيب النفسي .. و عرفت إني مبتلاة بهالمرض ..
و الوساوس عندي في أكثر من شي .. أفكار مزعجة .. عقيدة .. عبادة .. طهارة !!!
و ألحين عندي فكرة بما يتعلق بـ الذات الإلهية :
من قبل كم سنة كنت مضايقة من الحالة اللي عايشتها كلها هم و حزن و ضيق ( طبعا ما كنت أعرف إني مصابة بالوسواس القهري ) .. و كنت أقول في نفسي ليش الله ابتلاني بالهم ؟ و كأني أستغفر الله معترضة على حكمة الله .. و جاء في بالي كلام مسيء لله سبحانه و تعالى .. و جاني إحساس إنه خلني أبرد غليلي بهالكلام اللي يجي في بالي .. و كانت الكلمات المسيئة تتردد في بالي .. و بعدين ما أذكر زين وش صار .. بس وقفت هالتفكير حسيته من الشيطان ..
و بعدها بـ فترة صرت أوسوس هل أنا سبيت الله " أستغفر الله " أو لا ؟
و سألت أمي و قالت لي لا و ارتحت و انتهى التفكير بهالشي ..
و ألحين و بعد ما صار هالشي بسنوات .. رجع لي الوسواس إني هل أسأت للذات الإلهية أو لا ؟
و عشت حالة من اليأس و الحزن .. أقول في نفسي ما دام سبيت ربي .. خلاص أنا ارتكبت أعظم الذنوب و مصيري النار .. حتى صار تجيني فكرة ليش أنا أصلي ما دام ارتكبت هالذنب العظيم ؟ صلاتي ما راح تنقبل ..
و عشت فترة من العذاب النفسي لا يعلم بها إلا الله .. بعدين خف تأثير الفكرة علي و كان لزيادة جرعة الدواء اللي آخذه ( بروزاك ) تأثير إيجابي علي بتخفيف القلق المصاحب للفكرة .. و لكن ما زلت أحس بعدم الاطمئنان .. مع إني تكلمت مع أمي و زوجي و الأخصائية النفسية بخصوص هالشي .. و قالوا لي إنها أفكار مو صحيحة .. بس ما أحس نفسي مطمئنة تمامًا .. فما رأيكم هل هي وسواس من الشيطان أم مني ؟
أرجوكم ساعدوني و الله يجزاكم خير