- Yoyo abdelazez كتب:
- وساوسي حساها غريبة عن اي وساوس فياريت اللي يرد عليا يكون حد متخصص بالرد وبلاش حد موسوس يقراها عشان ميتعديش وتجيله
دلوقت عندي وساوس غريبة
منها افكار غير منطقية وسخافات يعنى مثلا وساوس تركب جمل من كلمات غير متناسقة
اشوف حاجة ففكرة تيجى تقولي استخدام غريب للحاجة دي
وساوس كلها كلام اهبل غير منطقي
دي اول شىء
في وساوس تانية منها مثلا مش بس تخيلات وحشة او عدوانية
لا دة وسواس اتهام ليا ان ممكن تكونى عملتى حاجة وانتى مش حاسة
انتى اللي ضربتى كذا
انتى قتلتى كذا
انتى فجرتى كذا
فمنها وساوس اتهام ومنها وساوس تهيؤات وكأنى كمان مش حاسة بنفسي
وساوس بقي كرتونية زي مثلا كرتون في حاجات بتتحول لحاجات تانية فتيجى فكرة وسواسية ان حاجة قدامى ممكن تتحول لحاجة تانية وانا عارفة ومتأكدة انها لا هتتحول ولا نيلة بس مجرد وجود الفكرة مستفز
انا مرت عليا وساوس كتير وبفضل الله بطنشها وبجاهدها علي قد ما اقدر وكل شوية بتيجى وساوس اصعب من اللي قبلها
وكان في اختلال انية بيروح ويجى بردة وربنا وحده عالم الواحد بيكون عامل ازاى خصوصا انه بيحسسك ان كل حاجة غريبة وكمان وساوس انى مش موجودة في الحياة واي حاجة قدامى شايفاها او سمعاها بردة مش موجودة سواء بنى آدمين /أكل / شرب / أحداث معينة في يومى او في حياتى عموما ( بتكون فكرة وسواسية بردة)
وساوس حاسة انها عايزة تجننى مش مجرد وسواس قهرى
ولا هى وساوس منصبة من وساوس الجنون وفقدان السيطرة و بتجيب لي أعراض الامراض النفسية و العقلية في هيئة وساوس ولا دة مرض تانى مش وساوس
ولا ممكن مرض روحى يوصل للوساوس غير المنطقية دي 😞
أرجو الدعاء لي بفك الكرب و الرد عليا واطمئنانى
أختي الفاضلة
لا تظني انك الوحيدة ابتُليت بالوساوس السخيفة
الوسواس كله غير منطقي وكله سخيف
ولكن الموسوس يُكبّره ويجعله جبالا
بمجرد انك عرفتِ ان الوسواس سخيف وغير منطقي
يعني انك عرفتِ حقيقة الوسواس
والذي يجب أن تعلميه الان هو كيفية التعامل
مع هذا الوسواس السخيف الغير المنطقي
وقد قسم الخبير برنامجه علي ثلاثة أقسام
قسم العقيدة وقسم العبادات وقسم الأفكار المزعجة
أختي انت بس طبقي قسم الأفكار المزعجة
هو أكبر علاج وأنجح طريقة للتغلب علي وسواسك نهائيا
وفي هذا البرنامج أفضل نصيحة
ولا يخفي هذا علي من قرأ البرنامج بدقة وفهم
ولكن لا تنسين أختي الفاضلة
ان الهمة والارادة والعزيمة والثقة بالنفس
مُقَدَّمٌ علي تطبيق العلاج
من لم يكن له ثقة بالنقس ولم يكن له همة وارادة وعزيمة
لا ينفعه البرنامج ولا النصائح
ان الوسواس أنواع كلها حقير ولكن بعضها أحقر من بعض
وجدنا بعض الموسوسين واقفا في الشارع
بس يعدّ السيارات واحد اثنين ثلاثة وهكذا
وبعض الموسوسين كان وسواسه في رقم أربعة
والله هو الان موجود في المنتدي
أردت أن أرد عليه ولكن مع الأسف نسيت موضوعه
وبعض الموسوسين كان وسواسه
في ضرب الأرض برجله أثناء الصلاة
كأنه تدريب عسكري وغير ذلك من الوسواس السخيفة
يا أختي لا تقولي وساوسي غريبة
لا تقرئي شكاوي الموسوسين ولا تستمعي اليهم
ليس فيه فائدة بل يزيد وسواسك
ولكن إبدئي أو جدّدي حربك مع الوسواس
أبشرك بالنجاح والنصر بعون الله
بشرط الثقة بالنفس والعزيمة والاستمرار
وعدم العودة الي الوسواس الذي تخلصت منه أبدا
ان الوسواس بالاستجابة يزيد
وبالتجاهل والصمود والثبوت ينقص وينتهي