بداية قصتي مع الوسواس من المخدرات الله يسامحنا ويغفرلنا عمري ١٨ انا من زمان يوم كنت صغير وقتها عمري ١١ تعبت بالمدرسة جلست ابكي وفيني خوف شديد بدون سبب شي مجهول واكتئاب شديد وقلق وتوتر كلها جتني مع بعض بالمدرسه رحت البيت جلست ٣ اسابيع على هاذي الحاله واخذني الوالد لشيخ بس مابغا اظلمه اتوقع مايعرف يقرأ بس يبغا فلوس جلست عنده مسك راسي وجلس يتمتم بصوت واطي لمدة دقيقتين بعدين قال خلاص واعطاني مويه مقري عليها وورقة مكتوب عليها الاذكار والرقية الشرعية بعدين خفت عني شوي البكاء والخوف والأشياء الثانية بس صارت تجيني كل بعد شهر شهرين احيان اربع اشهر ترجعلي الحالة انسدح بالبيت لمدة يوم يومين ويقرون علي اهلي واقوم وخلاص تأقلمت على هاذا الشي واعرف مواعيدها وكمان اذا ضحكت مثلا مع اصحابي وانبسطنا وسولفت عليهم على طول ترجعلي الحالة ومحد وداني لشيخ او شاف حالتي وانا صغير ماعرف شي احيان صح اقول يمكن فيني عين ولاشي بعدين اقول لا لانه اهلي يقولون مافيك شي والمهم بعدها كرهت المدرسة وصرت اتغيب عنها ونزل مستواي وانا كنت زمان اخذت الثاني بمستوى الفصل والحين تارك الدراسة المفروض اني السنة الي فاتت متخرج من الثانوي وصرت اميل للشهوات واصحاب السؤء اول كنت قبل اتعب كنت اكرهم بالمدرسة صح اني اعرف كم واحد بس ما امشي معاهم بس اعرفهم بالفصل وكنت اتطنز عليهم وكان اذا احد من اصحابي مشى مع واحد داشر اسحب عليه وفجأة بعد ماتعبت صرت اميل لهم حتى الدخان محد مده لي انا اشتريت بنفسي قبل امشي معهم وبعدين اتعرفت عليهم وصارت عندي شهوة للمخدرات ابغا اجربها اشوف هي حياتي وانا للحين ما اكلتها ادمنت عليها وبعدين خشيت بالمخدرات وصرت مدمن بشده عليها حبوب وشراب وحشيش لدرجة الشباب يقولون علي عماد لو تشرب معه حشيش انت تطفي وهو مايجيه شي واخر شي السنة الي فاتت كنت مع واحد من العيال بالاستراحه قاعدين نحشش وفجأة انسدحت على ظهري اتفرج على التلفزيون فجأة حسيت بصوت صفيره في اذني وهبطت ماني قادر احرك جسمي احركه شوي بعدين احس يجيني مثل الإغماء ونبضات قلبي اسمعها في اذني وعاد القصة طويلة رحت المستشفى واذكر انسدحت على السرير وشافو نبضاا قلبي وخلو الدكاتره كلهم الي بقسم الطوارئ يتجمعون علي ووقتها انا كل شوي جسمي يطفي وبعدين يرجع وقمت اصارخ بالمستشفى واناقز بالسرير اخر شي جتني دكتورة اعطتني حبتين حقت قلق اظن ونمت ماصحيت الا بعد ثلاث أيام بالبيت وطلعت الشارع اشوف الدنيا متغيره كني بحلم بعدين جتني وسواس اختلال الآنية وما اشعر بجسمي احيان وتفكيري يتوقف بنفس اللحظة وخوف واحس اني بدوخ بعدين خف عني جاني بعده احس كتمه بالتنفس مافي مستشفى ماخليته يقولون أكسجينك سليم وكل شوي يجيني وسواس الحين عندي وسواس التنفس السريع واختلال الانية على خفيف ََال الحين مسبب لي مشكلة جاني وسواس اذا كنت عند ناس لساني من وحده يتحرك ويسد مجرى التنفس وقوم اتنفس بسرعة وابغا ابلع ريقي بس يخنقني وخصوصاً لاجيت اكل عند أحد لدرجة هذاك اليوم كنت اتغدا مع واحد وجتني هاذي والاكل مو راضي ينزل اخاف ينشب بحلقي اخر شي قلت هاذي وساوس ماعلي فيها وتحديت نفسي وبلعت الاكل بس اخر شي شرقت منه قدام الناس وحتى اذا كنت ساكت احس بضيقة بحلقي واحس شي يخنقني وانكتم واحس بدوخه واقوم اناقز وبس هاذي حالتي ياليت اذا تقدرون تساعدوني الله يسعدكم