السلام عليكم ورحمة الله
راح ادخل بالموضوع بلا مقدمات انا عضوه قديمة بالمنتدى طبقت علاج الخبير عشرات المرات لكن الوسواس مازال موجود حتى انه زاد جداً فتمنيت اني لم اطبق البرنامج ماهو عيب بالبرنامج لكن لأني عجزت اطبقه حرفياً احس اني مسلوبة الارادة للأمانة عقلي ماهو تحت سيطرتي..
بحثت كثيييير بموضوع الوسواس القهري عرفت اغلب علاجاته السلوكية حاولت افهم نفسي نفسياً واتحكم بوساوسي اخر ماتوصلت له كان علاج التعرض ومنع الاستجابة في البداية فرحت وتوقعت بهالاسلوب راح اتخلص من وساوسي لأن نظرياً العلاج ناجح وبيفيد معاي لكن عند التطبيق كل شي يتبخر!!
انا وسواسي في العبادات وضوء وصلاة اجلس ست ساعات اصلي!!
ساعه كاملة اتوضأ ولكم ان تتخيلوا طالبة جامعية تقضي معظم يومها بالصلاه والوضوء مع اني جداً متفوقة لكن بالاخير مستواي تدنى يعني حتى هالوسواس اللعين ما أثر ع صلاتي فقط حتى ع دراستي، راح تقولون علاجك بسيط فقط تجاهلي واعتقد لو ارمي نفسي من أعلى قمة جبل راح يكون اسهل بكثييير من التجاهل!
انا اعرف لو تجاهلت راح يختفي الوسواس لكن ما اقدر اتجاهل مجرد اني أكبر لصلاتي اقطعها وانا ماكملت التكبيرة بدون سبب حتى لو صح راح اقطعها، احس راح اظل كل عمري والوسواس ملازمني ماعاد صار عندي امل بالعلاج
وجداً خايفة من هالشعور.. احتاج علاج حقيقي ينتشل الوسواس من داخلي
واحتاج افهم كيف اعالج نفسي بالتعرض ومنع الاستجابة وهل هي فعّالة مع وسواس العبادات!