منتدى قاهروا الوسوس القهري
سجل في المنتدى لتتمكن من المشاركة ..
للتواصل مع الخبير النفسي2 :
تويتر [@ALmohimeed3]
سناب [ alkhabeer2 ]


منتدى قاهروا الوسوس القهري

الوسواس القهري ، القلق ، الاكتئاب ، اختلال الآنية ، الرهاب ، الخوف وسواس النوم وسواس الأمراض
 

أهلا وسهلا بك في منتديات الخبير النفسي 2

الرئيسيةالرئيسية  التسجيلالتسجيل  دخولدخول  

http://www.alkhabeer2.com






شاطر
 

 تعبت ساعدووني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Doaa
Doaa


عضو جديد

عضو جديد
معلومات إضافية
فلسطين
انثى
عدد المساهمات : 6
تاريخ التسجيل : 25/02/2018
تعليقك : الحمد لله رب العالمين

تعبت ساعدووني Empty
مُساهمةموضوع: تعبت ساعدووني   تعبت ساعدووني Empty2019-11-09, 4:42 am

كانت شخصيتي ضعيفة خجولة مش واثقة بحالي مع اني شاطرة كتير ولازم اشوف حالي زي ما الناس شايفة حالها فيي
للاسف من اول يوم وعيت فيه وانا شخصيتي ضعيفة مع انه تربيت بين شباب ولازم اكون مفرعنة زي ما بقولو بس علفاضي ضليت ضعيفة ومكسورة وخجولة
امي بتقلي انك من يوم يومك بتخافي
معرفتش شو سبب الخوف وليش ما طلعت شخصية قوية ولا واثقة بحالها
وضليت هيك والخوف ملازمني مش خوف مرضي لكن خوف من كل اشي من اللي من الوحدة من الانفصال اهلي
ضليت مرتبطة باهلي كتير وعطول حاسة انه الامان بس بكون معهم مش مع غيرهم
ولو بعدت عنهم رح اكون بعيدة عن الاماان
ومشت الايام لحد ما وصلت الثانوية وبيوم كنت في امتحان وبلشت امسك الورقة وقلبي بيدق وبرجف خايفة انسى اللي درسته خايفة مااحل
وبالفعل زادت دقات قلبي والخوف اثر على مخي وبطلت استوعب حسيت اني اول مرة بشوف هادي الاسئلة وخفت بزيادة وقلت لمعلمتي هيك هيك لكن معلمتي كانت عارفة اني متفوقة وقلتلي مش مشكلة سكري ورقتك واقري قران وقرت علية وهدتني وبعدين قلتلي يلا سمي وحلي وبالفعل ارتحت وحليت
مش هان المشكلة المشكلة اني لما روحت حكيت لامي وبهدلتني اني ليش خفت وشو الداعي للخوف وحسستني انه الخوف اشي كبير ومش لازم وصار عندي بهاللحظة وساوس وزيادة دقات قلبي انه خايفة بكرا بالامتحان الجاي يصيؤ معي نفس الاشي واخاف وصرت ابكي وقلبي يدق وبعدها هديت بمساعدة بنات عمي لكن اهلي مة خلوني ادرس ورخو علمتحان وما صار معس ومشت الايام لكن تولد عندي شعور الخوف
صار عندي عبارة بتراودني بكل مكان انا بخاف اخاف
لحد ما وصلت توجيهي وصرت خايفة ادرس علفاضي ويجي الامتحان واقلهم خايفة وما اقدم الامتحان وارسب بهادي اللخظة اتزكر اهلي وكيف تعبو معي وليش اخذلهم عشان خوف صرت اضغط ع حالي واتخطى الخوف
وخلصت السنة ونجحت ونسيت اشي اسمه خووف وصارت حياتي حلوة لحد ما سجلت بالجامعة ودخلت ع حياة الجامعة الكبيررة
صرت اروح ع ٥ المسا واروح انام واصحى صرت احس امي غريبة عني وجها غريب ملامحها غريبة
عارفة وحاسة انها امي بس وجها بقلي انه مش امي
صار ضميري يأنبني انه ليش بعمل هيك صرت اصرخ من جواتي اقول لا ليش هادي امي حبيبتي
وصرت اسيب الدار وانام عند دار اخواتي لحتى انسى هالشعور وبالفعل كنت انساه كليا ولما يجو عنا انساه وغاب فترة عني هالشعور
بس بعد فترة رجعت وزاد الخوف وصرت اخاف اروح ع الجامعة واركب بالسيارة لحالي صرت اعاني كتيير وبكل لحظة احس اني رح انزل من السيارة واصرخ رح اطلب المساعدة من اي حد وبعدها افكر حيقلي مالك واقله خايفة مش حيفهم عليا ويستهبلني واضغط ع مشاعري ويروح الخوف ويتلاشى وتاني يوم نفس الشي
وشعور الغربة اتجاه امي بسسس ملازمنيي
وشويشوي صار الشعور والخوف يزيد صرت اقول طب ليش ما بحس مع صحباتي واخوتي صرت اتامل وجوهم وشوي شوي احس بالغرابة والخووف والرعب من هيك شعور وصرت اتقوقع لحالي والهي حالي بالجوال لاني هيك بحكي مع الناس بس بدون ما اشوف وجوههم
وهيك ضل شعور الخوف ملازمني وشعور الغربة وبالعافية خلصت الجامعة مع ضغوطات امي وتحفيزاتها
كان مفروض تخرجي انه يدعمني ويخليني اقوى اكتر وثقتي بنفسي تزيد والشعور يتلاشى لكن للاسف
بديت مزاولة وكنت اخاف فعليا وانا راكبة السيار بس ما كنت مهتمة كتير بشعور الغربة نسيته شوي ونبسطت بهاي الفترة وشوي وشوي خلصو المزاولة ورجعت للبيت حتى اني صرت اخاف اطلع من البيت
لحالي او حتى مع حدا صرت بيتوتية بس من الخوف مع اني نفسي اطلت واشوف الدنيل بس الخوف ماثر عليا كتيير وموققف حياتي ومحدش حاسس ولا انا قادرة اشكي وبضغط ع حالي كتيرر
لحد ما اجى يوم وانفجرت فيه علاخر رحت ع بنت عمي وحكتلها القصة وقلتلي في ددكتور منيح بدي اخدك عليه واقنعت امي بالقصة وقلتلي ناشي الدكتور سمع مني وشخصلي حالتي صدمة نفسية فوبيا ورهاب اجتماعي
مع اني ما كنت مقتنعة يالتشخيص تبعه وكنت مشخصة حالي من قبل من خلال النت انه اختلال انه وغربة واقع
بس قلي الدكتور لا مش هيك تشخيصك وراح تاخدي الدوا لحد ما يخف وبدك علاج ٥ جلسات
وبالطبع
وشوي شوي بديت اخف مع الدوا والجلسات وصرت اطلع لحالي ومع الناس صرت اشتغل بس الا انه الشعور بالغربة موجود لكن نا بخوفني زي قبل وموقف حياتي
بس الاشي المدهي انه زاد وزني كتيير بسبب الادوية النفسية
وكل يعلق عليا كتيييير
وقتها قلت خلص لازم اوقف الدوا من راسي مع انه صارلي ٦ شهور باخده يعني بفترات اني اوقفه وارجعه واقفه وارجعه
لحد ما وقفته بلمرة قلت مش مشكلة النفسية المهم الشكل والوزن وبكرا بتجوز ونسى
وبالفعل تعودت بدون دوا وبطلت اخاف والشعور يجيني بس مش دايما
وبعد فتررة رجع الشعور من تاني والخووف منه زاد والخوف من الضياع والاحساس بعدم الامان
رحت ع معالج نفسي وحكتله قصتي وقلي انتي مش لازمك ادوية وبكم جلسة رح يتصل الوضع لكن انا ما كملت العلاج للاسف لعدم توفر فلوس
وصرت اتجاهل الشعور شوي شوي
وهو يرجع بقوة وارجع اتجاهله من تاني
وحاليا انا بعاني بشدة منه وخووف شديد اني مش حقدر اتخلص من هادي الغربة وسط الناس ووسط اهلي وسط كل الناس صرت احب اقعد مع حالي حتى لما اقعد ما حالي بزيد الوسواس واليأس وخلص مش قادرة اتحمل وبدي حل معقول يكون في حل
انا بحس انه الحل بسييط رغم طول سنين المرض
بحس انه الحل بايدي بس بقدرش امنع الخوف اللي هو معطل قدرتي ع التخلص من هالشعور
بفكر ارجع اخد ادوية لحتى اتخلص منه
بفكر اشكي واحكي
بس مفش حل
ونفسي الاقي حل
الرجوع الى أعلى الصفحة اذهب الى الأسفل
خائفة وموسوسة
خائفة وموسوسة


عضو متألق

عضو متألق
معلومات إضافية
فلسطين
انثى
عدد المساهمات : 339
تاريخ التسجيل : 03/07/2018
تعليقك : اللهم أحسن لي خاتمتي

تعبت ساعدووني Empty
مُساهمةموضوع: رد: تعبت ساعدووني   تعبت ساعدووني Empty2019-11-09, 4:00 pm

السلام عليك أختي
أولاً شفاك الله وعافاك من كل ما تعانينه
ثانياً أعتقد أنك مصابة بالوسواس القهري وعلاج الوسواس تجاهله تجاهلاً تاماً
واعتقد ان استمريتي بالتجاهل فيمكن التخلص من هذا الشعور
وفقكك الله لما يحب ويرضى
الرجوع الى أعلى الصفحة اذهب الى الأسفل
Hayshbeek
Hayshbeek


عضو جديد

عضو جديد
معلومات إضافية
الكويت
ذكر
عدد المساهمات : 1
تاريخ التسجيل : 16/09/2017
تعليقك : الحمد لله رب العالمين

تعبت ساعدووني Empty
مُساهمةموضوع: رد: تعبت ساعدووني   تعبت ساعدووني Empty2019-11-13, 2:09 am

السلام عليكم
اختي الكريمة
نصيحة لوجه الله من أخ كان مريض بالوسواس القهري بدون أن يعلم لمدة ٢٠ سنة تقريباً وتخلص من الوسواس القهري بنسبة تفوق ٩٠٪؜ خلال أشهر بسيطة.
خذي مني الكلام والعلم الأكيد:
- أول نصيحة هي البحث عن الطبيب المتقن البارع المتفاني في عمله وانا ولله الحمد وجدته بتوفيق من الله والطبيب كان هو الدكتور خليل فاضل في مصر القاهرة عمارات العبور عمارة رقم ٧ الدور الخامس.
- التزام العلاج التزاماً صارماً بغض النظر عن الأعراض الجانبية.

اختي الكريمة:
الاضطرابات العصبية ومنها الوسواس القهري تختلف عن باقي الأمراض في طريقة علاجها والتشافي منها من حيث:
- طول فترة العلاج.
- طريقة التشافي والشعور به.
- تراكمية الدواء في الجسم حتى يبدأ الشعور بالتحسن.

يعني مضادات الاكتئاب ومضادات الذهان المستخدمة في علاج هذه الاضطرابات تحتاج فترة طويلة حتى يبان مفعولها وليست مثل البنادول لعلاج الصداع.
العلاج الوحيد هو في الصبر وتحمل الاعراض الجانبية من ثقل الرأس والشعور بالغرابة.
بعدها سيأتي اليوم وتنعمين مثلي بالشفاء التام.
الرجوع الى أعلى الصفحة اذهب الى الأسفل
 
تعبت ساعدووني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى قاهروا الوسوس القهري :: منتدى المشاكل النفسية :: الوسواس القهري في العقيدة وفي دين الإسلام-
انتقل الى:  

روابط هامة

رابط نصيرابط نصيرابط نصي
تكويد : JAR7