الوساوس دمرتني...

السلام عليكم
انا اعاني من الوسواس من ٥ سنوات تقريبا جربت برنامج الخبير النفسي والحمدلله قدرت اتخلص من وساوس عمري ما كنت متوقعه اني بقدر اتخلص منها بس مشكلتي اني ما طبقته صح في وساوس كنت اتساهل فيها وبسببها رجعت لي الوساوس مره ثانيه وخصوصا آخر ٣ شهور مرره متسلطه علي لدرجة ان نفسيتي تعبت مرره واهلي لاحظوا ذا الشي بس ما قلت لهم السبب... مشكلتي اني بطيئه في كل شي لا وضوء ولا صلاة في وضوئي اجلس فتره اناقش نفسي عشان اتوضأ واقول في نفسي اني نويت وكذلك في الصلاة والاغتسال بعد وكان في نية صيام رمضان بعد ولله الحمد قدرت اسيطر عليه من ناحية نية صوم رمضان بس مشكلتي تسلط علي في اشياء ثانيه مثلا لما اتمضمض للوضوء اجلس اطلع المويه اكثر من مره حتى ينشف فمي وخصوصا ان عندي التهاب في اللثه فدايم تنزف فعشان كذا اتمضمض اكثر من مره عشان ما يكون فيه اثر دم باقي في فمي
وابي اسأل لما امسح شفايفي بمناديل او بقماش وبعدين العق شفتي وابلع ريقي هل يفسد صيامي لان يمكن يكون فيه اثر من مسحي وكذلك لما اغسل بصابون يدين معطر تكون ريحته قويه لدرجة احس فيها بفمي وحلقي واحس بمروره في فمي ولما ابلع ريقي هل يفسد صيامي بعد في البدايه كنت اتجاهله لاني كنت اظنه وسوسه بس حتى في الايام العاديه اذا غسلت به احس بطعم مروره في فمي ونفس الشي في معطر الجسم والعطر اذا حطيته بليل تفوح ريحته اذا تحركت في النهار لما اشمه اشعر بطعم مروره بفمي ولما ابلع ريقي ونفس الشي اذا حطيت كريمات على وجهي هل هذا بعد يأثر على صيامي ؟ وحتى لما احط مرطب على وجهي اذا جا للوضوء اجلس اغسل وجهي اكثر من مره حتى ماينزل اثر الكريم داخل فمي
ولما اتمضمض من نزيف اللثه هل ابتلاعي الرطوبة الماء الباقيه في فمي بعد ما اخرجه مره او مرتين يفسد صيامي..
وآخر شي وساوس النيه بسبب هذا الوسواس رجعت لي باقي وساوسي زي مثلا لما ابي انوي اصوم القضاء كيف انويها والاغتسال لما يكون علي اكثر من اغتسال واحد

يعطيكم العافيه الي مر بمثل الي مريت فيه في الصيام يقولي هل هي وساوس او حقيقه لاني اليوم رجعت اطبق برنامج الخبير الحمدلله كبدايه يبشر بالخير بس المشكله ما قدرت اطبقه من ناحية الصيام لاني خفت اتجاهل الي يصير لي وقت الصيام بعدين يطلع حقيقه موب وسواس

كل اللي ذكرتيه وسوسه وليست حقيقه فجميع الناس تتمضمض وقت الصيام واذا اخرحتي الماء ابسقي مره واحده فقط ولاتزيدين وطعم العطر بالحلق لايفطر واذا مسحتي الشفتين بمنديل او غيره لايفطر والنيه بالبقضاء امرها سهل فمن قررت ان تبدأ في القضاء غدا فهي قد نوت والنيه في الصيام ان الانسان يكون عالم من الليل انه غدا صيصوم ولااعتقد الامر صعب الا على اهل الوسواس
فلاتتشددين على نفسك وتعامل مع الوساوس الجديده بقاعده بيضه التمساح للخبير النفسي

انتي حتى لو كنتي نائمة فقط انك تعلمين انك بتصومين بكره يكفي