وسواس الافكار

انا عندي عدة وساوس كان وسواس الخوف من الموت وتعديته وبعدها كان الم في راسي وجاني وسواس انه ورم عندي وكان يخيلي الاعراض انه فيني دوخه وانه الم في راسي واستمربت شهر ع ذا الحال ولمن سويت اشعه تيقنت انه كل ذا وسواس وكان لمن اقعد مع الناس يخليني احس اني موطبيعيه واقوم من الخوف وابكي واشكي لااهلي وجابو قارئ وقالي مافيكي شي كان عندي وسواس انه فيني مس وانه موطبيعيه والقارئ اكد لي اموري تمام ومافيني شي ولمن تغلبت ع هالوساويس جاني وسواس الجنون اي تصرف اسويه كانه حد يقولي هالتصرفات تصرف مجانين كلامك موطبيعي واي تصرف واي فعل احس حد يقولي موطبيعي ورغم انها نفس تصرفاتي العاديه  لدرجه صرت اركز ع كل كلمه وكل فعل تعبت من هالوساوس تعبت من كلشي بليز ساعدوني خايفه اكون مجنونه او شي من ذا

من كثر ماتكررين الافعال القهريه وتعودتي عليها صرتي تشوفينها طبيعيه

مثل مره كنت اشوف كاس الشاي واشوفه من داخل عشان اتأكد نظيف او لا
وحسيت نفسي عادي بس واحد من الشباب شافني وشاف حركاتي قالي خل عنك الوسواس وخذه

حنا مانحس باللي نسويه لكن غيرنا ينتبه

تجاهلي الاصوات اللي بداخلك اللي تقولك سوي وافعلي او راقبي

والوسواس القهري لايؤدي للجنون ومافي شخص مصاب صار بعدها مجنون  كلها اوهام ووساوس

طيب اي حركه اعملها او كلام اقوله فيه صوت من داخلي يقول هاذي حركه غبيه احس وكانه يبغا يكرهني باافعالي رغم انها زي العاده نفس الافعال والتصرفات وماصرت اقدر اركز او استوعب واحس فهمي صار بطيئ والم براسي قوي لدرجه فاقده التركيز وسويت اشعه كلشي سليم حاليا صار يوسوس لي انه انا مجنونه او بجن ماصرت اميز بين افكاري والوسواس ساعدوني تكفون كيف اميز وكيف ابطل افكر في الوسواس لاني احس بااحاسيس نفس الافكار هل كلها اوهام يبدا الوسواس الصباح لين اصلي الظهر يخف احسه مسيطر علي تكفون ساعدوني ابا ارجع طبيعيه

العلاج والحل الوحيد والفعال هو التجاهل

تجاهلي كل شيء كل الافكار الوسواسيه او غيرها

لانه ماتقدرين تميزينها وانتي بهالحاله

الافكار السلبيه تبقى افكار لاتعطينها اكبر من حجمهت وهي فعلا تكون قويه اول مايصحى الشخص من النوم هذا اللي نحسه

بس المعلوميه عقلك الباطن يكون شغال حتى وانتي نايمه وشغال بسلبيه وبسببنا هالشي

ابدأي بالتجاهل
اشغلي نفسك ولاتجلسين لوحدك
كل الافكار اللي تلح عليك او تسمعين صوت لها مع تجاهلها بتبدا تقل تقل الى ان تختفي

وترجعين طبيعيه بس مو معناتها طبيعيه بدون افكار
لان الكل تجيه هالافكار بس حنا نتعامل معها بطريقه خاطئه

لما تبدأين بالتجاهل عقلك الباطني بيتبرمج على انها افكار تافهه وترجعين طبيعيه الموضوع يحتاج لوقت ولوقت بسيط
جاهدي نفسك

يعني الوساوس ماتسبب الجنون طيب وش الاحاسيس والالام الي احسها وفقدان التركيز والنسيان هل هي بسبب التفكير مع العلم انه عندي جرثومه المعده ولسا مابديت في علاجها وسمعت انه هي تسبب وساوس ياليت تعطوني برنامج اتعلم كيف اتجاهل هالافكار

https://www.alkhabeer2.com/t23-topic

ادخلي على هذا الرابط فيها طريقة للتجاهل

بليز ساعدوني احاول اطبق برنامجكم بس ماراح الوسواس وكليوم وسواس شكل كل مااتغلب ع فكره تجي فكره اليوم احس اني مو مع اهلي ابدا احس وكاني موموجوده واطالع بااهلي وكانه اول مره اشوفهم هل هاذي خدعه وسواسيه ولماذا نشعر بهاذي الاحاسيس وكانه حلم تكفون ياعدوني ودلوني عشان اتخلص من هالاحاسيس نهائيا

هذا يسمى بأختلال الانيه

في مثبتات بالمنتدى لنفس الموضوع
اقرأيهم بيفيدونك

هل التحدث مع الذات من الوساوس وكمان بداخلي احس وكاني اكلم احد واشاوره هل هاذا يعتبر وسواس او امر طبيعي عندي وسواس الجنون تعبت من هالوساوس وصار عندي التحدث مع الذات لداخلي كثير معاد صرت افرق بين انه خاذي افكار او جنون او وساوس او اي شي ارجوكم ساعدوني عندي وسواس الجنون تعبني والتحدث مع الذات كثيرا اعطوني الحل ارجوكم

وعليكم السلام ورحمة الله وبركاته،

الحل أختي الكريمة في الرقية الشرعية يومياً وإذا استطعت قراءة سورة البقرة فافعلي

وأسأل الله العظيم أن يشفيك شفاءً تاماً لا يغادر سقماً