بعد كتابتي موضوعي الأول في هالمنتدى و اللي كان عن وسواس الوضوء و الصلاه و الحلف ! دخلت النت و شفت كذا فيديو عن الوسواس !
و خلاص قررت اني صدق اتعالج من الوسواس ! تقريباً يومين قدرت اصلي و اتوضأ مثل الناس الطبيعين و كانت تيني وايد افكار بس اتجاهل قد ما اقدر لاني سمعت ان الاستجابة للوسوسة تعتبر معصية فكنت كل ما احس نفسي ما توضيت مع اني توضت اقول ما بلتفت و كل ما اصلي و احس اني ما صليت او نسيت كم ركعه او نسيت صلاه او او اقول ما بلتفت و الحمدلله قدرت !
بس في شي احسه ان قبل موعد الصلاه اخاف احاتي شو بسوي يعني صدق بتجاهل ولا بضعف و هالشي يتعبني وايد ! امس صليت الفجر ، بوضوء واحد بس عقب ما خلصت و قريت الاذكار ياني احساس اني ما صليت تميت اتجاهل و ما اتناقش الفكره عشان ما اتعب و ما عدت الصلاه !
بس لما ييت بصلي العصر ، توضيت مرتين مع انه ما صار شي بس حسيت اني ما توضيت ، عقب جمعت الظهر مع العصر لانها فاتتني ، عقب ما خلصت يلست اقول صليت ولا ؟ بس بعد طنشت !!
الشي اللي متعبني هو فكرة الوضوء يعني يمكن الصلاه شوي اخف عليّه بس الوضوء لاا !! يعني عندي مكان معين اتوضأ فيه بس اذا توضيت ف مكان آخر احس اني ما توضيت !
و مثلا قبل الوضوء احس لازم اشرب ماي ! واذا ما شربت احس اني ما توضيت ! او لازم ارتب سجادتي و الشيله قبل لا اتوضأ ، يعني الشي متعب وايد ..
ماعرف كيف اتجاهل !!
حسام الدين
عضو فضي
معلومات إضافية
عدد المساهمات : 792
تاريخ التسجيل : 10/01/2015
تعليقك : لا يصل المرء إلى بهجة النجاح
من دون أن يمر بمحطات الفشل واليأس
و ذو الإرادة القوية لا يطيل الوقوف عندها
موضوع: رد: تعبت من الوسواس :( 2015-04-11, 10:46 pm
أختي الكريمة الوسواس ارتبط عندك بالعادات للأسف ولكي تتجاهلي بشكل صحيح يجب عليكِ كسر الروتين والعادات ومحاولة تغيير كل شيء في حياتك أماكن وضوءك , سجادة الصلاة , الشيلة ...الخ غيريها وامنعي نفسك عن النقاش والحوار والأخذ والرد فيها عندما تقومي بأمر كوني على يقين أنك تنفذيه ولن تكرريه بهذا الشكل ستتجاهلي ويزول عنك الوسواس اللعين تشجعي وأبعدي عنك الخوف فهو ما يريده الشيطان منكِ ! إن لم تخافي لن يحدث شيء وسيموت الشيطان كمداً من عدم خوفك وتجاهلك وأيضاً عندما تلح عليكِ فكرة معينة تجاهليها واسخري منها وابتسمي ولا تستجيبي لها أبداً فإنها حتماً وسواس شيطاني لعين وإن شاء الله ترتاحي بعدها وتتخلصي من كل هذه الوساوس
ا.ب.م
عضو متألق
معلومات إضافية
عدد المساهمات : 385
تاريخ التسجيل : 04/04/2015
تعليقك : الحمد لله رب العالمين
موضوع: رد: تعبت من الوسواس :( 2015-04-12, 11:16 am
مشكور أخي و ما قصرت ، ان شاء الله اتجاهله تماماً !!