استشارة بخصوص وسواس العبادات ..... بالله عليكم أحتاج المساعده العاجلة و بشده

عزيزتي الدرة 
أنا لما بقوم من النوم سواء احتلمت او شكيت في الاحتلام بلاقي الهدوم جافة تماما 
لكن الفرج نفسه ممكن يبقي عليه رطوبة ايه نوعها بقا الله أعلم عشان كده دخلت ف دايرة الشك والوسواس 
وبقيت كل نوم احس انى احتلمت واغتسل

هو أنا ممكن أكتب مشاركة أشرح لكم الحاله كلها بالتفصيل الممل وأذكر لكم جميع أنواع الوسواس اللي عندي؟

نعم اطرحي مشكلتك ووساوسك جميعها حفظك الله

السلام عليكم و رحمة الله و بركاته
أنا النهارده بعرض على حضراتكم المشكلة بالكامل والوساوس اللي عندي


النية
نية الوضوء والصلاة والغسل صعبه أفضل أقول جوايا نويت الوضوء نويت صلاة كذا نويت غسل الجنابة واخد وقت وخاصة في نية الغسل
 
وسواس تغيير النية وأنا بغتسل من الجنابة مثلا أحس إني غيرت نيتي وإني باأتطهر من نجاسة مثلا مش من جنابة 

في الصلاة أقعد أنوي صلاة كذا وفريضة مش سنه وحاضر مش قضاء



الإستنجاء
باخد وقت طويل في الاستنجاء وميه كتير جدا ومش بس بقوم بغسل السبيلين .. لأ بقوم بغسل مساحة كبيرة جدا حول السبيلين لأني أشك إن الماء لما بيجي على نجاسة بيتنجس يبقي نجس لي جسمي وطبعا بقوم بالاستنجاء عن طريق اليد مع الماء فمن شدة المياه مع اليد بعض المياة تتساقط على الأرض وطبعا اعتقد الماء ده نجس مش طاهر فبعدها بقوم بغسل الارض بالمياه

في حاجه كمان مثلا لو انا بستنجي من افرازات بس  مش من قضاء حاجه بوجه المياه نحو مكان الافرازات طبعا وقتها المياه بتعمم المكان كله هل المياه دي تبقى نجسة بعد اختلاطها بالافرازات والا لأ ؟



الوضوء
وقت طويييييييييييل 
ماء كثييييييييييييييييييييييييير جدا

مبالغة في مسح أعضاء الوضوء 

التسمية في أول الوضوء صعبة

الإحساس الدائم بخروج ريح ... أول ماأقرر أقوم أتوضى أحس إن في هواء كثير جدا تجمع عندي لدرجة إني مبقيتش عارفه هو الهواء ده طبيعي ومن السبيل والا منين بالظبط

كثرة إعادة الوضوء
دخل برده في وسواس جديد اسمه أنا اللي قاصده 
يعني لو طولت في الوضوء يجيلي صوت في دماغي خلصي يلا وضوئك هايتنقض ماخلصش وأقوله يتنقض ملكش دعوه ساعتها احسن انه اتنقض بجد يبقي انا قصدت أقوم عايدة الوضوء من تاني 
وهكذا في الصلاة أنا شديت اعصابي او اتحركت فوضوئي اتنقض يبقي انا قاصده 


الصلاة
تكرار الآيات 
تكرار السور أحيانا
صوت عالي جدا ولو أخفضت صوتي بيبقي صوت باين زي الوشوشة كده ومبعرفش أتنفس وبعمل مجهود كبير جدا في القراية وده موجوده في الصلاة والقرآن والدعاء والأذكار 

توتر شديد ... أعصاب مشدوده ... أحيانا رعشة خفيفة وده مديرتي في العمل اللي لاحظتها بتقولى صوتك بيترعش وانتي بتصلي

 خروج الريح في الصلاة سواء وهم أو حقيقة وبضطر أخرج من الصلاة وأعيد الوضوء وممكن أعيد أكثر من مرة

وقت طويل في الصلاة ممكن الفرض أربع ركعات عشر دقائق 
أحيانا إعادة الصلاة 

لازم أما أصلي أركز في كل كلمة بنطقها ولو مافهمتش كلمه بقولها بعيدها تاني

ولو سرحت في الصلاة يااما اعيد الفاتحه او السورة القصيرة يااما اعيد الصلاة على بعضها 

لو صليت وورايا حاجه اعملها بيقولى انتي بتتسرعي عشان خاطر حاجه تانيه وبشد اعصابي وقتها في الصلاة وبقعد اعيد واكرر

عندي مشكلة في الوضوء والصلاة بره البيت بسبب الاعاده وبسبب التوتر من الناس وبسبب الخوف الشديد 

الا لو بقيت في مكان مقفول لوحدي اعيد براحتي فيه او مش مهم اعيد بس محش يبص ليا وينتقدني حتى لو في سره
لساني ثقيل في الصلاة مخارج الحروف بتتعبني لأني بحاول أطلع كل حرف صح ميه في الميه والمشكله دي بدأت لما اتعلمت مبادئ التجويد ومخارج الحروف 


الطهارة والنجاسة
بشك في طهارة كل حاجه 

مثلا بعد قضاء الحاجة لازم اغسل مكان قضاء الحاجه ولازم اقف تحت الدش واغتسل بالكامل ولازم اغسل الارض واغسل الحنفيات 

الملابس الداخلية عند غسلها بغسل الحوض بالميه والصابون ولو ميه وقعت على رجلى لازم اغسل رجلي

لو متوضية وايدي لمست اى شئ لازم اسأل اللي حواليا الشئ ده طاهر والا نجس



الجنابة
و ده بقا مصيبة لوحده ويعتبر أصعب واحد فيهم
هو جالى في نص فترة مرضي بالوسواس .. كان أي انقباضات طبيعيه تحصلي أحس إن كده حصل شئ يستدعي غسل الجنابة 

أى حاجة تحسسني بشئ يثيرني لحظيا أحس إني لازم أغتسل 

مكنتش بقدر أمشي زي الناس لأن مجرد مشيتي ورجلي جمب بعض دي يبقي حصل حاجه تتطلب الغسل 
كنت بغتسل في اليوم حوالي 5 مرات 
وبطبيعة شغلي كنت في حضانة فلو ولي أمر مثلا سأل على حاجه يبقى أنا كده اتكلمت مع راجل يبقى لازم أغتسل 
أنا أصلا وقتها ببقى شده أعصابي جا فبتحصل انقباضات مهبلية وده اللي بيزود شكوكي
الوسواس ده الحمد لله راح مني بالعلاج النفسي


رجعلي اليومين دول في شكل تانى ألا وهو وسواس الإحتلام  
كل ماأنام أصحي أحس إني شفت حاجه 
سببه أصلا إني لما كنت بشوف راجل في الحلم مثلا أو أي حاجه تثير أو مداعبه سواء معايا أو بين أي حد قدامي في الحلم كنت أحسب ده احتلام وأغتسل
بعد كده فهمت انه معناه رؤية الجماع وشرط أساسي كمان إنه ينزل مني يعني حتي لو رأيت الجماع ومرأيتش مني يبقي مفيش غسل 
ولو نزل المني ومفتكرتش احتلام أصلا يبقي وجب الغسل 
بدأ الموضوع يتطول إني كل ماأنام أصحي أحس إني فعلا شفت حاجه مع اني مفتكرش اني شفت الجماع في الحلم غير نااااااااااااادر جدا 
لدرجة وصلت اني بقيت بترعب من فكرة إني أنام لأني هقوم أغتسل .. الوسواس ده بدأ معايا قبل رمضان بيومين أو تلاته حاجه زي كده
أول ماأقوم من النوم أقوم مرعوبة وقلبي مقبوض أقعد أفكر وأعصر دماغي وأغلب الأوقات طبعا بقول لا انا مشفتش حاجه في الحلم بس من كتر خوفي بقول لأ شفت 
وأقوم أغتسل .. أوقات وأنا بفتكر بروح في النوم فمن كتر التفكير ممكن أحلم بالحاجه اللي فكرت فيها وطبعا ساعتها بقول لازم أغتسل
وأوقات مش بفتكر وبتخيل موقف من دماغي وأقول إنه حصل فعلا  
مشلكتى بقا إني بصحي ألاقي إفرازات بس طبعا نوعها ايه ؟ .. الله أعلم 

برده نفس وسواس الجنابة  في الإستنجاء لأتي بستعمل ايدي وقتها وببالغ في التنظيف وبمسح المكان بشده فبحس بحدوث شئ يستدعي الغسل 
 
أوقات كتير وأنا متوضية أو بصلي أو مثلا مستنية وقت الصلاة عشان أذهب للوضوء بيجيبلي أفكار جنسية ف رأسي فبخاف يكون نزل مذي فبضطر أروح أستنجي للتأكد وأتوضى تاني أو أغامر وأكمل صلاة وبعد الصلاة أذهب للتأكد ولو حصل ولقيت أى إفرازات بعتبرها مذي مع إني معرفش شكله أصلا 
 
 
الحيض
على الرغم من إن دي أكتر فترة بحبها وبرتاح فيها و بستناها بفارغ الصبر إلا إنها أكيد فترة مقرفة ومش كل الوساوس بتقف فيها
يعنى وسواس الطهارة والنجاسة بيفضل موجود بل وبيزيد كمان 

لازم اغسل الحمام والارض وبقرف من أوي هدوم ليا وقتها وبشك في نجاسة الهدوم وإني أنجس الأماكن اللي حواليا
وسواس قراءة القرآن والأذكار بيفضل زي ماهو برده

الغسل 
سواء جنابة أو حيض
وقت طويل جدا مع إني أغتسل غسل مجزئ تعميم الجسم بالمياه ومضمضة واستنشاق وليس غسل مسنون
ماء بكمية كبيييييييييييييييييييييييييييييرة
لازم أدلك كل منطقة في الجسم للتأكد إن المياه وصلتلها 
غسل الجنابة ممكن ياخد أقل وقت نص ساعه وممكن يصل لساعه 
غسل الحيض ساعه فأكثر 


قراءة القرآن والدعاء والذكر
صوت عالي 
تكرار للآيات   و الدعاء  و الأذكار 
محاولة تركيز شيدة تؤدي لتعب أعصابي 
لازم أفهم كل كلمة بنطقها 
لو سرحت بعيد الآيه اللي سرحت فيها
بضغط على نفسي جدا  إني لازم أقرأ قرآن كتير وأقول الأذكار حتى لو جزء منها ولو مقلتش أبقى عاصية ولو يوم مثلا مادعيتش يبقى حرام عليا
شد الأعصاب وحركات كتير أثناء الذكر وفي الصلاة .. مثلا الله يبقى أشاور على السماء بصباعي وهكذا وخاصة في الأذكار بحس انى بتشنج 
وبتبقى مشكله لو ذكرت الله في الشارع زي عند رؤية مبتلى أو هل ذكرت الله اليوم وهكذا بحس الناس بتقول انى مجنونه وبكلم نفسي وبخاف ماقولش الذكر ساعتها يبقى حرام

الذات الإلهية
كان عندي شديد جدا بس الحمد لله بعد العلاج النفسي لفترة خف معايا شوية 
ولما رجع مرجعش بنفس شدته .. رجع معايا في شكل إني لما أقول اللهم صل على محمد بيدخل في دماغي إن محمد مش اسم الرسول وإنه اسم أي شخص وكده يعني 
وساعات يجي في مخي بعد اسم محمد الحي القيوم بدلا من علية الصلاة والسلام وهكذا في اسم سيدنا إبراهيم 


الإفرازات المهبلية
أنا طبيعتي كثيرة الإفرازات وخاصة في الفترة بعد الحيض فترة التبويض إفرازات كثيرة جا ومستمره لمدة حوالي خمس أيام وممكن أكثر
طبعا بضطر كل وقت صلاة أدخل أستنجي وأتوضأ للصلاة وكل ده طبعا ضغط شديد على أعصابي
المشكله اني مش عارفه هي طاهره والا نجسة والا ناقضة للوضوء والا مش ناقضة للوضوء ولازم الملابس تتغسل والا مش شرط أنا تعبت بجد 

الصيام 
والوسواس ده بدأ معايا قبل رمضان بحوالي شهرين تلاته لما بدأت أقضي صيام الأيام اللي عليا
اعتقاي إن ريقي بيفطر وممكن أعي صيام اليوم بسبب اني بلعت ريقي
ببصق ريقي كتير جدا وبمسح بمنديل لدرجة اني شفاهى التهبت وتشققت 
الوضوء في الصيام مشكله ببصق كثير جدا في الوضوء ولازم أنشف فمي وأنفي من المياه 
والوسواس بيخليني أحيانا أبالغ في المضمضة والاستنشاق فبكده المياه بتدخل حلقي 
لما المياه بتدخل في أنفي سواء بسبب المبالغه أو غصب عني مبعرفش أخرجها لأن الإستنثار هايخليني أنقض وضوئي 
لو بعمل حاجه في المطبخ أو الحمام ومياه جت على فمي لو ممسحتهاش في ساعتها ممكن أقضي اليوم ده 
لو بستعمل التوابل وتطايرت ودخلت أنفي يبقي أنا قاصده أفطر 

رمضان بقا الصيام السنه دي صعب جدا لدرجة إني ناوية أقضي صيام رمضان بالكامل بعد ماينتهي
من كذا يوم أعزكم الله كنت بغسل الحمام ففي مياة جاءت على شفاهي أنا قلت هي نجسة وغسل شفاهي بمياه برده حاسة انها مطهرتش فضلت أغسل فيها لحد ماحسيت إن في مياه دخلت فمي وبلعتها 
أثناء الإغتسال بسبب وسواس الإحتلام بقفل فمي المياه تدخل أنفي أخرجها من أنفي ألقي مياه تدخل فمي وطول وقت الغسل أبصق لدرجة إن بعد الإنتهاء بشعر بجفاف شدييييييييييييييييييييييييييييييييييييد جدا في حلقي 

عشان برده حضرتك تبقى على دراية كاملة بالحالة الوسواس بدأ معايا قبل زواجي بأقل من شهر وكان السرحان في الصلاة واللخبطه وإني أصلي بصوت عالي أحيانا وأحيانا منخفض بس كنت إنسانة طبيعية في كل شئ وسافرت مع زوجي بعد زواجنا إلى السعودية 
بعد وصولنا بيومين عمل حادث ودخل في غيبوبة وتوفي ( رحمة الله عليه ) طبعا في فترة الغيبوبة كلها تعب نفسي وحزن وضغط عصبي وتوتر وخوف وقلق كل ده سببلي خوف وأنا بصلي إني بدأت أعلي صوتي شوية وأخاف أصلي قدام حد ولو صليت أبقى متوترة وخايفة
بعد الوفاة بفترة بدأ يزيد عليا ويتطور من نوع وسواس لنوع آخر لحد ماوصلت لحالتلي الحالية 
وغلطتي اللي بندم عليها إني مقاومتش بشده من الأول واستسلمت للمرض
لدرجة إني كنت بصلي في الحرم بصوت عالي وبتلخبط لو صليت من غير صوت ومرة صليت في الحرم ورجعت أعدت الصلاة تاني في البيت 
كنت في الدعاء في الطواف أو السعي برده بصوت عالي وبتلخبط من الصوت اللي حواليا 
طبعا بعد وفاة زوجي قفلت على نفسي وحبيت العزلة وكنت مع والدي في الغربة لوحدنا وبعيده عن أمي وأقرب الناس ليا وصدمة جوزي كانت كبيرة عليا جدا بسبب غلاوته عندي وبسبب اني تزوجت فترة اقل من شهرين وكان لسه سني 22 سنه فكانت الصدمه كبيرة عليا 
فبدأت أنعزل وأخلى حياتي كلها صلاة وقرآن وقراءة كتب دينية وقفلت حياتي على كده والحزن سيطر عليا بالكامل 
فطبعا من قرآتي بدأت أعرف حاجات معرفهاش زي الإحتلام زي أنواع الافرازات زي حاجات كتير وكنت بشوف الرأي المتشدد أصح لأنه الأحوط فده زود مشلكتي دلوقتي لأن الآراء دي موجوده ف دماغي .. أوقات كتير بقول الجهل حلو وياريتني ماقريت حاجه ولا عرفت حاجة عن المواضيع دي 



أنا مشكلتي الكبيرة الخوف وتأنيب الضمير الشديد والنفس اللوامة وده مدمرلي حياتي . أي حاجة تحصلي أقول بسبب ذنب كذا وأبهدل نفسي وأعاقب نفسي والعقاب بيزودلي وساوسي أكثر

أنا اتعالجت مع شيوخ وكانوا بيدخلوني في طريق إني معمولي سحر وشيخ منهم عالجني بالضرب 
شيخ تانى عالجني بالقرآن بس أوقات كنت بحس إنه دجال لأنه كان بيقعد يقولى شوفي هايترسم في ايدي نجوم والا شجر والا ايه وقعد يقولي السحر معمول ع النجوم 
بس كان علاجه الرقية الشرعية وبدهن زيوت ومسك بس بصراحه ارتحت فترة كبيرة وبدأت أبقى كويسة بس هو نصحني اني ما أتركش الرقية الشرعيه ولا الأذكار وأنا لما بقيت كويسه تركت كل شئ وفرحت بالتحسن فرجعت انتكست وبقيت أسوأ من الأول بمراحل
شيخ تاني كان بيعالجني بالرقيه و الأذكار برده والعسل االمقروء عليه قرآن بس مرتحتش معاه 
 
اتجهت بعدها للعلاج النفسي اتعالجت فترة مع طبيبة نفسية مرتحتش لأنها تعتمد على الأدوية وليس الكلام
أسافر لمسافة حوالي 3 ساعات وأكثر والكشف عشر دقايق فتاني فذهبت مرتين ولم أكررها وكانت الزيارة كل شهر أو كل شهرين 
بعدها بفترة كبيييييييييييرة ذهبت لطبيب نصحتني بيه صديقتي لأنه كان يدرسلها في الجامعه فذهبت وتحسنت في بعض الوسواس 
بعد فترة حسيت إن الموضوع مش مريحني وإني بدفع فلوس كل أسبوع من غير نتيجة وهو هو نفس الكلام بنقوله في كل جلسة والعلاجات تركتها من نفسي في النهاية 

أنا عارفه إن الحالة صعبه وعارفة إني حكيت كتير وهتعبكم معايا في القراءة والعلاج بس أرجوكم أنا أحتاج للمساعدة بشدة
لو افتكرت حاجه تانيه هعمل مشاركة بيها لأني بكتب في الموضوع من قبل صلاة العشاء 



ملحوظة 
وسواس أنا قاصدة ووسواس الإحتلام ووسواس الصيام زادوا عليا جدا لما بدأت أتجاهل وسواس الريح وإعادة الوضوء والصلاة مع إنه مش تجاهل تام بل تجاهل مع مناقشة أو اقناع لنفسي اني مريضة واني لازم اطنش وهكذا

وعليكم السلام ورحمة الله وبركاته


اولا اوجهك لقراءة برنامج وسواس العبادات والبدء بتطبيقه من الآن مباشرة ثم قراءة جميع المواضيع المثبته المهمه كشرح التجاهل والعقبات والمصاعب ووسائل الثبات على الشفاء

الاستفسارات

"النية
نية الوضوء والصلاة والغسل صعبه أفضل أقول جوايا نويت الوضوء نويت صلاة كذا نويت غسل الجنابة واخد وقت وخاصة في نية الغسل"
قولك وتلفظك بالنيه خطأ
النية هي قيامك للعبادة وليس ماقلتي فذلك خطأ فعليك المواجهة بالتوقف عن ذلك ثم تجاهل كل فكرة تلح عليك بالتجاهل التام كما ورد في البرنامج وكذلك في الصلاة لا تتلفظي بنية في اي عبادة فقط قومي للصلاة وابدأي بدون حديث استخدمي القاعدة (ابدا استمر أكمل)

"الإستنجاء
باخد وقت طويل في الاستنجاء وميه كتير جدا ومش بس بقوم بغسل السبيلين .. لأ بقوم بغسل مساحة كبيرة جدا حول السبيلين لأني أشك إن الماء لما بيجي على نجاسة بيتنجس يبقي نجس لي جسمي وطبعا بقوم بالاستنجاء عن طريق اليد مع الماء فمن شدة المياه مع اليد بعض المياة تتساقط على الأرض وطبعا اعتقد الماء ده نجس مش طاهر فبعدها بقوم بغسل الارض بالمياه"
الوقت الطويل خطأ
تنقل النجاسه فكرة وسواسيه وذلك غير صحيح والوسواس دائما كذب غسيلك للارض خكا اكبر من الخطأ الاول هذا جميعه استجابه وليس تجاهل

"وسواس تغيير النية وأنا بغتسل من الجنابة مثلا أحس إني غيرت نيتي وإني باأتطهر من نجاسة مثلا مش من جنابة " الحل هو التجاهل واكمال الاغتسال مع عدم الاسترسال مع الوساوس وعدم الاهتمام بموضوع النية فقيامك للإغتسال هو النية ليس التلفظ




"الوضوء
وقت طويييييييييييل
ماء كثييييييييييييييييييييييييير جدا

مبالغة في مسح أعضاء الوضوء "

الحل هو العكس وقت قصير وماء قليل وعدم المبالغه مهما الح الوسواس

اختي حفظك الله الافضل ان تقومي بحصر هذه الوساوس ثم القيام بتحطيمها الواحد تلو الاخر حققي كل يوم انجاز اقرأي برنامج وسواس العبادات وابدأي بتطبيقه على ماعندك من وساوس انتي لا تحتاجين احد يعلمك ما هو الصح فانتي تعرفين ان هذه التصرفات جميعها وسواسيه يجب ان تتعاملي معها بالبرنامج وتحققي كل يوم انجازين على الاقل
مثلا اليوم استطعتي الوضوء والصلاة بشكل عادي
تحافظين على هذا المكسب ولا تتنازلين عنه ابدا
ثم غدا تحققي انجازات جديدة مثل الاغتسال وهكذا

وابدأي بالتقييم اليومي
وسواس العبادات

حصر جميع السلوكيات الوسواسيه%
التخلص من جميع السلوكيات%
تحقيق الإنجازات (2 يوميا على الأقل)%
كسر بيضة التمساح%
تحقيق التجاهل:
عدم الاستجابة للوسواس% 
عدم التفكير%
عدم الإقناع%
تحقيق ركن المواجهة%
الابتسامة%
التماسك وعدم الانهيار%
الهدوء%
المحافظة على المكاسب والإنجازات%

واقرأي جميع هذه المواضيع من جديد وافهميهم جيدا

البرنامج العلاجي لوسواس العبادات
https://alkhabeer.yoo7.com/t24-topic
العقبات والمصاعب التي تواجه المتعالج في تطبيق البرنامج
https://alkhabeer.yoo7.com/t31-topic

اركان العلاج الثلاثه
https://alkhabeer.yoo7.com/t1393-topic

كيف التعامل مع تنقل الوسواس من مكان لآخر(قاعدة بيضة التمساح)
https://youtu.be/EBFeQCu83VE

https://alkhabeer.yoo7.com/t219-topic

شرح مفصل لكيفية التجاهل
https://alkhabeer.yoo7.com/t484-topic

أخ أبو مشخص سوف أقوم بقرائتها جيدا إن شاء الله لأني أحتاج أن أتعافى بشدة 
 ولكن بقى لي سؤال مهم أريد إجابة صريحة فيه ماذا أفعل تجاه وسواس الاحتلام خصوصا 
أنا في فترة الحيض قررت أن أقاوم هذا الوسواس ولكني أستيقظ أيضا وعندي شك أني رأيت شيئا في منامي 
ولكن لا أغتسل و لا أحاول أتذكر شيئا و لأحاول التفكير من الأساس في حدوث احتلام 
ولكن في أيام الصلاة ماذا أفعل وخاصة أني  كثيرا ما أجد افرازات على ظاهر الفرج وليس في الملابس ولا أستطيع أن أرى شكلها أو لونها وحتى لو رأيتها لا أستطيع التفرقة مهما قرأت عن الأوصاف ولكني أراها تختلف من سيدة لأخرى فالبعض يقول المني أصفر والبعض يقول أنه يبيض بفضل قوة المرأه والبعض يقول شفاف ورقيق وأنا لا أعرف ولا أستطيع التفرقة نهائيا 
وهل يلزمنى أن أفتش أصلا عندما أستيقظ 
ثم إني إن رأيت شيئا في منامي أغلب الأوقات لايكو جماعا ويكون إما مداعبات سواء معي أو أراها تحدث لأحد أو أرى استمناء وأشعر بشهوة ولكني لا أتذكر هل وصلت للنشوة أم لا 
أنا تعبت بجد 


ثم في وسواس نسيت أذكره 
وسواس العهد مع الله
أقول مثلا لا أفعل ذلك ووقتها أقول أنا عاهدت ربنا ومش عارفه أصلا العهد مع الله بالنيه أم بالقول أو بتعقيد الأيمان 
لأنه بكل صراحة لا يوجد أحد لا يخطئ وأنا أجد وقتها حمل ثقيل لا أستطيع التخلص منه 
فماذا أفعل تجاه هذا الشئ 
هل أواجه وأتجاهل أم أخرج كفارة يمين أم ما الحل ؟
علما بأن هذه الفكرة تسببت لي إني فكرة لو أخرجت كفارة يمين المبلغ سيتعدي 1500 أو 2000 ج

أختي لا تتعبي نفسك بتذكر جميع الاحلام وهل احتلمت أم لا لأنك لو احتلمت حقيقة ستتذكرينه فور استيقاظك من النوم
لذلك ان لم تحتلمي حقيقة فلا تغتسلي لأن الإفرازات ليست مني إنما إفرازات عادية
فتشي مرة واحدة إن احتلمت

أنا سمعت فعلا من بعض من أعرفهم إن لو احتلمت سوف أتذكر فور الإستيقاظ لأن الإحتلام حاله تشبه الحقيقة
بس في مرة احتلمت وصحيت خايفة وغير متذكرة وعندما جلست مع نفسي حوالى خمس دقايق تذكرت فورا أني احتلمت 
فهذا الموقف زود مخاوفي أكثر
المشكله إن احتلامي نادر لأني أذكر أحيانا كنت أقول ليه ما أحتلم وكنت أقول نفسي أحتلم أحيانا
بس الفترة دي الموضوع ده مسببلي أزمة نفسية كبييييييييييرة جدا 

أختي الدره مافهمته 
 إني لو صحيت وماذكرت احتلام أفكر للحظات لو ماتذكرت ماأحاول أفتكر مرة أخرى ولا أقوم بالتفتيش عن افرازات وقتها
وإذا ذكرت احتلاما أفتش مرة واحده فلو رأيت افرازات أغتسل ( بس المشكلة أنا ماراح أعرف وقتها هل هي مني أم مذي أم رطوبة عادية )
ومافهمته أيضا إن الإحتلام هو رؤية الجماع فقط أما المداعبة فهي ليست احتلام 
طيب لو رأيت مداعبة ورأيت افرازات ماذا أفعل وقتها ؟
وبالنسبة للاستمناء في الحلم ماذا أفعل إذا شعرت وقتها بالشهوة فقط ؟ وماذا أفعل إذا حدث وصول للنشوة في المنام ؟

تكررت مشكلة وسواس الاحتلام في اول يوم بعد الطهر 
استيقظت وعندي احساس كبير انى احتلمت 
فحاولت افتكر بس رحت في النوم وحلمت احلام عاديه بعدها وبرده في حلم تانى شكيت انه احتلام 
المهم دخلت لافتش فلم اجد شئيا لا في الملابس ولا على ظاهر الفرج ... 
ولكن بعد ان قمت بقضاء الحاجه لاحظت وجود شئ وانا لا أعرف مانوع هذا الافرازات اصلا 
ممكن اصلا تكون ودي لان بعد قضاء الحاجه اغلب الاوقات بلاقيها فبصراحه لم اغتسل وتوضأت وصليت 
ممكن اعرف تصرفي صح والا خطأ ؟

حبيت أبلغكم بحاجة كويسة 
أنا امبارح قررت أصلي العشاء والتراويح في المسجد
ترغم خووووووووفي الشديد توضأت في المنزل قبل العشا وذهب للمسجد وصليت بهذا الوضوء تحية المسجد والعشاء والتراويح
بس المشكله كانت في أعصابي كانت مشدودة للغاية وكنت تعبانة ومقدرتش أقعد كويس ولا أمشي ولاأتحرك بحرية 
بس الحمد لله صليت جماعة وبصوت منخفض وبهدوء
ولله الحمد صليت اليوم الفجر سنة وفرض وجلست حتى الشروق ثم توضأت وصليت ركعتين وصليت الضحى وكل هذا بصوت منخفض
والظهر أيضا صليت بصوت منخفض ولكن للأسف عدت الصلاة ولكن لم أعد الوضوء وأعدت الصلاة أيضا بصوت منخفض

السلام عليكم ممكن احد يساعدني بحل مشكلتي  بخصوص الوسواس

شهاب77 كتب:

السلام عليكم ممكن احد يساعدني بحل مشكلتي  بخصوص الوسواس

أكتب موضوع جديد واطرح مشكلتك بارك الله فيك
وسنرد عليك

السلام عليكم
وسواس الاحتلام المشكله زادت معايا 
بقا وقت النوم أصعب وقت بالنسبه لي
اليوم نمت بعد الفجر وصحيت حسيت انى رأيت حاجه فقلت أفتش وخلاص ماعرفت هو عرق والا افراز متجبن بس خفيف والا ايه بالظبط فاغتسلت
نمت العصر وانا خائفه ايضا صحيت وعندي نفس الاحساس انى رأيت شيئا الشيطان اوحالى انى رأيت جماعا ولكني غير متأكده 
أوحالي انى رأيت مداعبه .. المشكله انى وجدت نفس الشئ وماعرفت هو عرق ثقيل نوعا ما والا حاجه متجبنه فلم اغتسل 
هل انا تصرفي صحيح
المشكله انى صحيت العصر فاكره كل الاحلام اللى حلمتها لكن انى رأيت مداعبه او جماع فانا غير متأكده
انا خوفي زاد اكتر لانى كنت نايمه وقلقت وكملت نوم فممكن اكون احتلمت ونسيت 
انا مش عارفه اتصرف ازاى انا تعبت

انا خايفه ماغتسلش وابقي جنب وصلاتي غلط
وخايفه اغتسل ابقي بفتح الباب اكتر واكتر للوساوس

تفكيرك المستمر وخوفك من الافكار الوسواسيه هو سبب استمرارها ومعاودتها لكي
تجاهلي الامر وتصرفك صحيح التفتيش فقط يكون مرة واحدة واذا كان شك ليس يقين يكون التجاهل
اي شك يعتبر وسواس فيكون عدم اغتسالك صحيح

ليا صديقة مخطوبة معها نفس المشكله
فهي خايفه يكون سبب الحديث مع خطيبها هو السبب في الاحتلام
وهي أيضا تحس إنه احتلام وغير متأكده

هي مشكلتها أيضا إن طوال شهر رمضان خطيبها كان مسافر وكان الإتصال مقطوع
يعني كل اسبوع رساله للاطمئنان
ومع ذلك بدأ معاها هذا الوسواس
والآن بعد مارجعوا يتكلموا زادت مخاوفها من حصول الاحتلام بسبب ذلك فزاد وسواس الاحتلام عليها
المشكله انها تقولى انا اذكر انى مارأيت جماع في الحلم غير مرة او مرتين بحياتي
غير ذلك ارى مداعبه او ارى استمناء
دلونا على الصح أرجوكم
جزاكم الله خيرا

اللي مأكدلنا انه وسواس ان الناس تحب ومخطوبة ومتزوجه وهذا لايحدث لهم 
ممكن يكون بسبب خوفي الشديد عند النوم 
ثم اني اليوم صحيت من النوم متذكرة كلللللل الاحلام اللى حلمتها ماعدا حلم الاحتلام لم اذكر منه اي شئ .. لماذا ؟

التعامل مع الاحتلام اذا استيقظ الشخص الواجب عليه الا يتذكر الحلم أبدا 
يتجاهله ويتجاهل أفكاره وكأن شي لم يكن 
بالنسبة لصديقتك دعيها تتكلم مع زوجها بما تحب وتواجه مخاوفها ولا تلقي بالا للوسواس 
لا تكبر الموضوع وحبذا لو طبقت برنامج وسواس العبادات للفائدة

جزاكم الله خيرا
انا اول ماصحيت من النوم قعدت افتكر بشده واتخيل شكل الجماع في الحلم ولكني ماعتقد ان كان في جماع لانى ماشفته ف حياتي غير ناااااااااااااااااادرا 
بس خايفه نومي وصحياني ورجعت انام تانى يكون سبب انى نسيت الاحتلام
وخايفه يكون الافرازات دي مش عرق ومش رطوبة لانى ماشميتهاش في ناس بيقولوا ليها رائحه بس انا عمرى ماعرف ريحتها مع انى كنت متزوجه بس زواجي كان حوالي شهرين 
المشكله انى لما دخلت دورة المياه بعدها بوقت طويل لقيت نفس العرق وحسيت بتجبن ايضا فاعتقد انه كده مكانش المني في الحالتين