موضوع: اريد حلا جزاكم الله كل خير 2015-12-31, 3:11 pm
السلام عليكم ورحمة الله وبركاتة .
جزاكم الله كل خير علي المجهود الرائع .
عمرى 29 سنة متزوج منذ سنتين ولدى طفل عمرة 4 اشهر .
كنت فى زيارة لوالدى قولت انام شوية عندة كنت ساعتها نفسية كويسة وفرحان كان طفلى عندة 22 يوم
كنت ساعتها اخذت برشام كان حجمة 2500مم دكتور باطنة قالى علية بتاع ديدان وغزات
روحت نائم فجاة شعرت انى روحى اتسحبت روحت ناطط من على السرير وواقف فى نصف الغرفة اقول الشهادتين
ومن ساعتها الله لايكتبها عى احد مسلم كأنى نائم لسة وبحلم ومش عارف انا فين انا ميت ولا اية دة وفضلت اعد 40 يوم كانى هموت وكل شوية كانى هشوف ملك الموت وبقالى 3 اشهر علي الحال دة مش عارف انا فين شايف كل حاجة في عيني غريبة الشوارع غريبة والشقق غريبة اروح اي مكان اقول لنفسي انا فين وابقي عارف اكسر الدنيا مع انى انا عارف انى في منزلى لكن عيني شايفة الدنيا غريبة انا بشتغل سواق تاكسي دلوقتي مش بنزل اشتغل وكان معاملتى كويسة مع زوجتى وكنت احب اجيب كل حاجة للبيت وفاكهة وكدة دلوقتى مش بعمل اي حاجة وكل لما افتكر الايام دي اعيط واقول انا روحت فين وكان عندى طموح كتير اوي دلوقتي مش عاوز اي حاجة عاوز اخف . واحد قريبى كان رايح عند دكتور نفسية عشان يخلية يبطل علاج النفسية روحت معاه وحكيت للدكتور على اللي حصل الدكتور فضل يحلف ان دي حالة نفسية قولتلة انا مكنتش زعلان من حاجة انا نمت وصحيت واحد تانى . قالى دي نقسية والله كتبلى علاج اسمة دوجماتيل 200 قالى اخذ نص قرص و علاج لوسترال 50 واحد قرص انا لسة مااشتريت العلاج قولت اسأل حضرتكم . مع العلم اول زواجى حلمت حلم وحش انا وزوجتى ومن ساعتها كنت بخاف من العفاريت والجن وعلي طول بالى مشغول بيهم وخايف منهم لكن من ساعت الموقف الاخير فجأة اختفوا من دماغى ومش خايف من اي حاجة وكنت اخاف اقعد لوحدى في اي منزل اسف علي الاطالة شكرا
ابومشخص
نائب المشرف العام
معلومات إضافية
عدد المساهمات : 4386
تاريخ التسجيل : 02/08/2014
تعليقك : الحمد لله رب العالمين
قال الله تعالى
(ولا تهنوا ولا تحزنوا وأنتم الأعلون إن كنتم مؤمنين)
(قل لن يصيبنا الا ما كتب الله لنا هو مولانا وعلى الله فليتوكل المؤمنون)
موضوع: رد: اريد حلا جزاكم الله كل خير 2015-12-31, 3:53 pm
وعليكم السلام ورحمة الله وبركاته
اخي عليك بقراءة برنامج وسواس الافكار المزعجه وتطبيقه على الافكار التي لديك
بعد البدء بتطبيق البرنامج أرسل لنا تقييمك اليومي هنا مع استفساراتك