السلام عليكم ورحمة الله وبركاته

ان شاء الله لقى العلاج والتخلص من الوسواس ... ممكن الخبير النفسي تقولي شو طريقه التخلص من الوساوس...

االوسواس عندي من زمن ... احس ان عندي جميع الواسوس ... النظافه ... الدين ... الخ

وسواس النظافه ... الخوف من النجاسه ... يعني تكرم اذا دخلت الحمام لازم اسبح قبل لا اطلع لانه يقولي انتي مب نظيفه ... هنا نجاسه وهكذا ... لين ما خلاني ما اطلع من الحمام الا وانا مسبحه قبل لا اطلع .. وانا بالشغل اني بقدر استطاعتي اني ما ادخل الحمام وانتو بكرامه .. بس اذا لازم ادخل دخلت وطلعت مثل اي وحده دخلت الحمام ... وبعدين اجيني وسواس انتي مب نظيفه وهكذا بس اطنش وامي واهلي عجزوا مني ايقولون طنشي .. بس شو اسوي مب بيدي..

وبعد نظافه الاطفال .. اذا مب نظيفين مثل عملها بملابسه وتوسخت ملابس بكل الحالتين واذا فيه اسهال وتوسخت ملابسه .. تكون عندي ملاحظه قويه اشوف واذا مثل وهو واقف امام ستاره او جدار البيت او كرسي ولامس ثوبه المكان ... وجاء غيره مثل ولامس المكان خلاص احس ان البيت كله غير نظيف ..وبعد بالشغل نفس الشي ... حتي اني احس ان المكان اللي بالشغل غير نظيف واخاف اسلم عليهم باليد واذا سلمت لابد ان اغسل ايدي..

اما الصلاه .. ايقولي انتي ما سجدتي سجدتين ... واني صليت ثلاث مب اربعه .. وبعدين يقولوا لي مثل ان ما صليت فرض المغرب او العشاء او الصبح بس اهنيه انا اطنشه بس يشعرني بتأنيب بالضمير...الخ

يعني بكل امور الدين والعقيدة ايوسوس فيني ..

انا مصابه بالعين والحسد واتعالج .. هل له علاقه بالوسواس ..

ان شاء الله احصل عنكم العلاج ..

وعليكم السلام ورحمة الله وبركاتة

اول شي هلا فيك نورتي

و بالنسبة لوسواس النظافة طبقي علية البرنامج و معليك سهل حالتك ان شاء الله


توكلي على الله طبقية بعدها في موضوع تقييم مثبت حاولي يوميا تنزلين تقييمك هنا في موضوعك

و في موضوع مثبت عن العقبات اقريها بيفيدك ان شاء لله

اما عن الصلا اذا كنتي متاكدة انك ساجدة ثنتين خلاص ما عليك من الوسواس

كملي صلاتك الله

اما عن العلاق بين العين و الوسواس ما اعرف صراحة

بس في كثير مثل حالتك ما فيهم عين و الحمد الله

الله يشفي جميع مرضى المسلمين

اختي تانيب الضمير شي طبيعي

وبالعكس هذا يدل على انك تقاومين الوسواس و الحمدالله ويبغى يوسوسلك بطريقة اخرى

قاهر الوسواس باذن الله
مشكور اخوي ...

اي برنامج اللى اطبقه شو اسمه ... جزاك الله خير

ميراج

أختي الكريمة .. شفاها الله وعافاها ..

جميع المواضيع المثبتة مهمة جدا والبرنامج العلاجي موجود فيها .