وسواس المرض رح يجنني

السلام عليكم جميعا ..حابة اطرح مشكلتي وبتمنى حدا ينصحني شو اعمل ..انا عندي وسواس قهري منذ الطفولة بدأ بوسواس النضافة واختفى فترة بعديها رجعلي وبقوة خلال فترة الجامعة رجعلي ب وسواس الموت وسببلي اكتئاب نفسي شديد اضطروا اهلي بسببو ياخدوني على دكتور نفسي بدأت العلاج من خلال الادوية اللي هيه فافرين 300 واميكس 50 ما بنكر اني تحسنت بس كانت تجيني انتكاسات كتيرة وينتقل معي الوسواس من موضوع لتاني زي الوسواس الديني و الوساوس الحسية زي مراقبة نبضات القلب وحركة العين والخ ... بعد فترة ولله الحمد خطبت وقررت اني انزل جرعة الدوا مع الدكتور طبعا نزلت ل 100 وكانت كل اموري تمام الى ان صابتني انتكاسه شديدة افقدتني طعم الفرح صار عندي وساوس اني ما رح اكمل للعرس واتوقع كل يوم يصيبني مرض وطبعا من اي عرض اعمل قصة واراجع دكاترة لحد ما اقنعوني اهلي اترك خطيبي عشان ما رح يتحملني ..يا جمااعه ارجوووكم حدا يساعدني شو الحل

و عليكم السلام اختي 
الله يشفيك يارب عاجلا نصيحة لا تتركين خطيبك بسبب وساوس تافهة بالعكس خلي هذا تحدي بينك و بينه و انك راح تقدرين تتخلصين منه 
و بالعكس مع الزواج راح تنشغلين أصلا عن الوسواس و بتصيرين تهتمين بامور اهم ابني حياتك ولا تهدمينها بنفسك عندك فرص لا تفوتينها ابدا 
اقري البرنامج بارك الله فيك و طبقيه حرفيا ننتظرك

حبيبتي تسلمي عالتشجيع قرأت البرنامج وان شالله يااارب يزبط معي ..عم بحاول ما استرسل مع الافكار بس المشكلة ب اعراض الخوف اللي بتجيني بس كمان رح احاول اتجاهلها باذن الله ..ان شالله يكون الشفاء من الله عز وجل ثم بسبب هاد المنتدى ..الله يسعدك اختي
بالنسبة للدوا مش عارفة هلا شو اعمل خايفة انزل كمان تزيد انتكاستي وخطيبي ما بعرف بالادوية وطبعا هية بتأثر عالحمل والدكتور بحكيلي لازم ترجعي للجرعة الاولى ..وفي كمان عندي خوفه دايما وتوتر مع اني بعمل تمارين الاسترخاء بشكل شبه يومي .