انا امر بوسواس الخوف من عدم النوم، كل يومي افكر في النوم ، هل راح انام الليله او لا ؟ واذا شفت احد نايم اخاف، وحتي لو نمت احسب الساعات اللي نمتها ، هوس غير طبيعي في هذه الفكره . كل ما احاول اتجاهل الفكره، تلح علي اكثر. تجيني افكر اني راح اقلق في الليل وما راح انام او او او . اذا قرات عن الفكره ارتاح شويه وبعدين يرجع يلح من جديد . دعيت كثييييير واستغفرت وقريت قران وتصدقت وبرضه ولا راح هذا الهم . لا احد يقولي روحي لطبيب نفسي .
اختي في الله انا مررت قبل ست سنوات بوسواس الافكار المزعجة وشفيت منها ولله الحمد طبقي التجاهل التام للفكرة ولا تبحثي عن مواضيع ذات علاقة بالنوم فهي تعتبر استجابة للوسواس الخناس تجاهلي اعلم انه في بداية الامر صعب ويزداد الالحاح لكن تجاهلي والله اننا نقدر عليه هذا اللعين اسأل الله لي ولكي الشفاء العاجل ولكل مصاب بهذا الوسواس.
وساوس النوم عاده تجي بسبب سهر او صداع ومع التفكير الزايد يخاف انه مايرقد ويستمر ساعات لين يدوخ ويتكرر الشي كل يوم مالم يواجهه ع العموم الاعضاء ماقصرو عطوك العلاج
وبزيد عليهم انك تتركين المنبهات مثل الشاهي والقهوة واشربي بابونج قبل النوم بساعه ملعقه كبيره من البابونج تحطينها بكوب وتصبين ماء مغلي وتنتظرينه ٢٠ دقيقه ثم تصفينه وتشربينه هذا افادني جدا وصرت انام مرتاح وراحت الوساوس اللي كانت عندي وسواس الموت والنوم والامراض والخوف
كان عندي وسواس الموت وبسببه جاني وسوسه من اني ماانام والاستمرار انا كنت قوي في مواجهة الوسواس وصبرت حوالي شهر لوسواس النوم والموت بدأ من رمضان وانتهيت منه قبل اسبوعين والحمدلله
وبالنسبه للبابونج لازم كل يوم ع الاقل لمده شهر مو مره او مرتين والمنبهات اقطعيها وحاولي تسوين رياضه وبتزين امورك ان شاء الله
طيب كنت تشيل هم النوم طول اليوم ؟؟كنت تفكر هل راح تنام او لا ؟؟ تخاف اذا احد نام قبلك ؟؟ انا اذا حاولت اطنش تزييييد الافكار والتوتر . اكبر منبه هو الوسواس . الله يعافينا منه
مشكور علي ردك ومعليش علي الاسئله ، تعرف الموسوس بس يسال .
انا في حزن شديد وهم . ما اعرف كيف اخرج من هذا الهم كل انواع الوساوس تهون قدام هذا الوسواس . ما احد يبغي يساعدني ولو بدعوه . اكيد ما يفهم هذا الوسواس الا اللي جربه
انا مشكلتي مو مقتنعه ان طريقه الخبير النفسي تنفع لهذا الوسواس علشان كذا ابغي احد جرب هذا الوسواس علشان ياكد لي . انا كل ماادعي وما اشوفها تفرج ، احس احباااااط وابطل .
ماعندي صبر ،، مو عارفه ايش اقول غير يارب ساعدنا من عندك ...
بالنسبة لي انام الصبح فاصلي الضحى وادعي ان الله يلطف فيني وانام بعد ماقول اذكار النوم شوفي مهمه اذكار النوم حتى قولي دعاء الارق ومهما جاك خوف ولا توتر خلك مبتسمه ومغمضه مهما طال الوقت خلك على ذا الوضع بعدين تنامين حاولي تنامي بدري عشان مهما طول الوقت يكون تو الناس بدري بعدين الله يلطف بحالك وتنامين بس حافظي على اذكارك الصباح والنوم والمساء ولاتسالين كثير الجأي لله انتبهي مو كل ماجاك وسواس تسالين كذا مارح تخلصين هذا اللي عندي دعواتك