السلام عليكم
في البدايه بحب أحكي الحمد لله على كل حال والحمد لله رب العالمين بيسر عباده لبعض
ثانيا بتمنى من كل قلبي ازا في واحد تعالج نهائيا من وساوس الغازات وسواس العقيده يفيدني كيف مشى خطوه بخطوه لحتى يوصل للدرجه الإنسان الطبيعي...
أنا اخواني انصبت بواسواس الغازات آخر الثانويه وكنت شافيه من وسواس العقيده صرلي سنتين ....
بعد مانصبت وسواس الغازات بسنه ونص تقريبا ارجعت وانصبت وسواس العقيده قعدت حوالي 8اشهر بوسواس العقيده لقدرت اتغلب عليه قدر الإمكان بس مع هيك دايما بحس بقلق ووحده رغم انو كل الناس الي بحبهم جمبي الحمد لله على كل اشي
بيوم من الأيام وأنا جالسه على النت قرأت علاج الوسواس القهري بكتابه آيات القرآن بالزعفران وشرب الماء على الريق وقراءت ايه الكرسي كتير واستخدمت المسك كمان ضمن العلاج وقرأت كتب للدكتور إبراهيم الفقي ومع هيك ما استفدت ارجعت انتكست لورا ولا كأنه استخدمت أي علاج
ومارح انسى واحكي طبعا استخدمت علاج الخبير النفسي من سنتين ولهلأ عم جرب فيه استفدت عليه فتره بس هلا ما بقدر اسيطر عحالي ابدا
خصوصا وسواس الغازات صرت منتكسه أكثر من 24مره اتحسن لمده خمس ايام وبعدها انتكس وحتى الآن ..المشكله عندي لما اتوضأ تركيزي كلو بالوضوء بكون بخاف يفسد خصوصا إني بعاني من غازات كتيره وقت الوضوء وبغير وقت الوضوء ..بحس عقلي مبرمج وقت الوضوء ما بقدر أفكر أو أركز باشي غير الوضو تبعي وهاد الا شي يمنعني حتى أضل على وضو خلال الصلاه ...
بعرف طولت عليكم بقصتي بس لهلا مش عارف كيف أبدأ بعلاج وسواس الغازات و العقيده. .لاني والله اشتقت لأيام وأنا قبل الوسواس ..واعلمو يا اخوه انو من فرج عن مؤمن كربه من كرب الدنيا فرج الله عليه كربه من كرب يوم القيامه ..ونيالك يا فاعل الخير عند رب العالمين ..بختم حكي بالدعاء لكل مؤمن بالفرج يارب ..والصلاة على سيدنا محمد صل الله عليه وسلم