ساعدووني هذا وسواس ولا حقيقه

السلام عليكم ابي حل صرت اشوف بعض من اهلي تطلع شعورهم بالصلاه ولا اتكلم لاني اخاف يقولون موسوسه او شي بس المشكله اني عارفه هالشي يبطل الصلاه المهم تضايقت موه وقلت ليتي قلت لهم والحين صار لي الموقف مره ثانيه وسكت وش اسوي صرت ودي اغمض اذا صاروا يصلون وعندي مشكله ثانيه قبل كنت اتكلم عن الدين ومايعجبني اشياء فيه وماتذكر كان سب للدين او للناس اللي يخربون الدين المهم لما عرفت انه له علاقه بالكفر بديت اخاف وانا الان لاني احاول اتقرب لربي كل يوم الاحظ اني سويت معصيه وانا ماكنت ادري قبل فتره لاحظت سويت معصيه من الكبائر وماكنت ادري بحكمها

غيداء حبيبي
انا كنت مثلك كل شوي انتبه اني سويت معصية او كبيرة وانا ما ادري بس هذا الشي حله بسيط وهو التوبة
التوبة من كل معصية تتذكري انك سويتيها
انصحك بطلب العلم الشرعي عشان تتجنبي الكبائر والمعاصي عموما
كمان طلب العلم له فضل كبير ف ارجع واقول الحل =توبة+تعلم العلم الشرعي

كمان سالفة اهلك
خليك ايمانك بالله وشخصيتك وثقتك بنفسك اكبر من خوفك من كلامهم
وانصحي مع الحرص على الاسلوب الحسن

اي انا اسوي كذا الحين الحمدلله بس المشكله مو كل شي احس بالندم عليه خاصه الاشياء اللي اتذكرها فجاءه وانا مادري اصلن انها حرام يوم سويتها وخلصت طلع فجاءه حكمها بوجهي فهمتي طيب لو مثلاً تذمرت اني سويت معصيه وانقهرت بوقتها مثلا او تضايقت هذا يكفي للندم ان شاءالله لاني مليت وانا اسوف اخاف انه هذا وسواس بعد حالياً هالفتره كل شي ودي اتوب منه وقاعده انتبه ع نفسي من كل شي غلط ممكن اسويه او تركتها وانسى فهمتي الله يعين وانا فعلاً خاطري اتعلم العلم الشرعي واشياء كثير بس لازم اتوب واتقرب لربي ع شوي شوي ان شاءالله

او مثلاً فجاءه انسى نفسي واعصب ع امي او مااسوي اللي تبيه وانا اصير صدق مضغوطه واقعد الوم نفسي ليش وماليش وانا وعدت نفسي اتغير عرفتي اللي فعلاً لاحظت اشياء كثير لدرجة محتاجه اقعد مع نفسي انتبه للاشياء اللي سويتها واتوب منها وبعدها اطلع للناس خاصه انه الوسواس يضغطني ويزيد غضبي محتاجه فتره ارتاح وبنفس الوقت عشان انتبه انه غلط لان مرات من كثر ماانبهه نفسي مااحس بالغلط او او تأنيب الضمير بالغلط اللي سويته وهذا الشي يقهرني مايمديني اعدل شي الا يخرب شي ثاني بس والله محسنه الظن بالله سبحانه بقلبي يقين اني بتغير للافضل

تعرفين الانسان يتحاسب على مابعد البلوغ ويوم بديت اصحى ع نفسي ومن غفلتي لاحظت اشياء كثيره غلط مرات قلبي يحس ومرات لا او اذا قريت عذاب هالشي اتضايق فتتوقعين يكفي لو عرفت انه حرام وضايقني او خفت منه بوقته يكفي للتوبه لاني خايفه انه هذا وسواس بعد وانا ماودي اسوف خلاص وبنفس الوقت ابي تكون توبتي طالعه صدق من قلبي يعني قصرت مرا وربي عطاني فرصه سبحانه المفروض انقهر صدق ع اللي فات والصدق اني انقهرت اني ماتعلمت للدين صح من يوم اني صغيره وددي اعوض لاخواتي الصغار عشان مايجربون شعوري اذا كبروا بأذن الله

اتفهم حرصك على عدم عصيان الله سبحانه وتعالى
ولكن اتمنى ذا الشي ما ينقلب تدقيق وتكليف نفسك لما لا تطيق
مثلا لما تعصبي على امك وانتي مو منتبهه انتي مو محاسبة لازم تكوني انتي ذاكرة عالمة مختارة وانتي الحمدلله بعيدة عن ذا الشي 
وكمان اشياء سويتيها من قبل وكنتي جاهلة بحكمها الجاهل معذور ف تعوذي من الشيطان شكله نوع جديد من الوساوس
وربي ارحم من ان يعذبك عشان لحظة غفلة ونسيان وعدم انتباه منك

كمان حاجة ثانية قريت في موقع الاسلام سؤال وجواب عن كيفية تحصيل الندم وكيف انه يصعب على السائل
كان رد الموقع باختصار ان الندم هو المحرك لباقي اركان التوبة(العزم وترك المعصية) وعشان كذا بعض العلماء قالو الندم توبة لانه اذا صار في ندم لازم ولابد تحقق باقي اركان التوبة
اللي ابغاه يوصل لك انك اذا عزمتي عزيمة صادقة وتركتي المعصية معناته الندم تحقق عندك لان لولاه ما عزمتي ولا تركتي المعصية (هذا مايعني انك ماتستشعري عظم المعصية)
وبالنهاية نصحو السائل يترك عنه وساوس الشيطان اللي توهمه ان ربي ماتقبل توبته بسبب عدم الندم وكذا
ف اتوقع ذي الفتوى بتريحك

ماابي اعذر نفسي لاني موسوسه بس عرفتي لما عرفت حقيقة الدنيا خلاص صار كل همي ادخل القبر مرتاحه فهمتي فعشان كذا صرت اتذكر اشياء سويتها وانا مراهقه وكنت اعلم بالخطأ وكنت اعرف عن التوبه والندم وهذي الامور لكن اعترف لما قريت عنه وفهمتها انصدمت وتضايقت وخفت حتى جاني شعور نقدت ع نفسي كيف سويت كذا تجاهه اهلي فهمتي ومرات احاول مااتكلم عن امي وابوي لاني تغيرت اسوي شي غلط بعدها استوعب فاودي اعرف كيف ابر فيهم صح وكيف افرق اذا انا معذوره او لا خاصه اننا بشر وفعلاً نتعب وممكن اهالينا مايلاحظون ويفكرون اننا نعصيهم

والحمدلله صرت اقرا قران واسمع وصرت مو مثل قبل افهم الآيات وبعضها احسها تخاطبني فهنا حسيت اشياء كثير غلطت فيها ولما بديت اتعلم اشياء كثيره في الدين واحكامها بديت اخاف واستوعب انا قد سويت كذا او لا حتى لو موقف واحد بديت اخاف بس مو خوف مره بس ابي يكون الخوف هذا يوديني للتوبه الصادقه اللي مافيه رجوع بعدها خلاص بعدها التزام بأذن الله هذا اللي ابيه يعني مرا استوعبت اني من اصحاب النميمه والبهتان قد صار اشياء زي كذا وانصدمت يعني صدق غفله غير طبيعيه كنه احد صفقني كف عشان كذا اسمع آيات وفعلاً آيات تخاطبني حتى الغيبه بديت انتبهه يوم عرفت حكمها وخفت من العذاب بس للحين ماني قادره افرق بين الكلام العادي والغيبه من كثر ماتعودت عليها صرت اخاف اتكلم او اسمع احد يتكلم مدري عجزت افرق عرفتي فاابي اعرف صح يعني ابي مثال عشان اعرف كويس

وانا الان بحاله محتاجه اسال شيخ بكل شيخ امر فيه حتى الوسواس والاشياء اللي يجوز التجاهل فيها عشان ابدا بتويه صادقه وحياة جديده بس مالقيت شيخ يجاوب على كل اسئلتي فمدري وش اسوي بصراحه ودي اكتبها كذا بجدول عندي عشان ماانسى واذكر نفسي بين فتره وفتره