السلام عليكم ورحمة الله وبركاته - انا شاب عمري 28 معاناتي مع الهلع من عام 2007 وليومنا هذا - ابغي من يرد علي من المتشافين او المختصين او الدكاتره يرد علي ويعطيني حل لحالتي بارك الله فيكم - انا كنت في يوم عادي عام 2007 امشي فالعمل وفجاة حسيت نفس التمزق في اعلى الصدر من يسار فا استغربت الصوت وفجاة خدر وبرود من اعلى راسي الى اسفل قدمي اعزكم الله وضيق نفس وخفقان واختناق حسيت ان قلبي بيوقف ذهبت الى اصدقائي وعلى طول ودوني المستشفى ودخلوني الطوارى وانا شبه متشنج ايدي ماقدر احركها ورجولي فا تم فحصي كامل وتخطيط وكل شي قالو كل شي سليم وقلت لازم اروح مستشفى القلب ورحت عند الدكتور القلب وعمل فحص واكتشف انه عندي ارتخاء فالصمام المترالي وقال لي هذا عادي موجود في 5% من الاشخاص فالعالم وزاد الخوف عندي وقلت لازم اسافر الخارج وسافرت لاحسن مستشفيات تايلاند وقالو كل شي سليم والحمدلله ارتحت ورجعت بلادي وبعد فتره رجع لي الخفقان والتعرق وسرعات دقات القلب وراجعت دكتور عندنا وصرف لي كبكورن واستعملها ولا فيه فايدة ومن فترة 2007-2011 فقد خفقان وتعرق الا قلت لازم اسافر المانيا ورحت عند افضل دكتور في ميونخ للقلب وفحصت عنده قال فيه ارتخاء لكن عادي عيش حياتك والعب كورة ولو تبغا تركب الجبل اركب مشي فضحكت وارتحت من كلامه وقلت خلاص الحمدلله الامور طيبه وبروح للريف اتمشى فا وانا ذاهب انا واخي جاتني حاله مثل ماجاتني عام 2007 ضيف فالنفس وخدر في اطراف الجسم وتشنج ماقدر احرك ايدي ولا اطرافي ولساني ثقل وخفقان وكتمه فا اخوي خاف وسبحان الله كانا قريب من مستشفى القلب في ميونخ يبعد اشارة بينا وبينه وعلى طول اخوي دخلني المستشفى وخذوني وفحصوني كامل والفحوصات سليمه ولا فيه شي وصار يارفقني الخدر فالايدي والثقل فالصدر مثل الكتمه - بالعربي ماأقدر اخذ نفس عميق الى يومنا هذا - وصرت ماأسافر بالسيارة ولا اطلع لحالي بالسياره واذا طلعت من منطقتي صار تجيني الكتمه والخدر فالاطراف والراس والفك واللسان ويعكر مزاجي ولازم ارجع البيت وقبل امس سويت فحص كامل وكل شي سليم الاهم فيتامين د ناقص بسيط مايأثر واكثر شي ابيه اني اسافر واروح وارجع بس والا الضيقه والكتمه معاي اغلب الوقت ومعها بعض الاحيان رجفه فالقلب يصابه وجع وبعض المرات الابر فالصدر وفقد احساس احيانن في اطراف كف الخارجي لليد اليسرى والحمدلله من ناحية القلب فجميع دكاترة القلب نتيجة الفحص سليمه وفقط د واحد قال لي هذا نتيجة اعراض القلق والرهاب لكن همي اني اروح وارجع مع اصدقاىي واخواني البر والبحر والاسواق