قصتي وباذن الله اخبركم عن شفائي قريب

Memeyj كتب:

تعاذة بالله مرة واحدة100%
آمنت بالله ورسلة مرة واحدة100%
القناعة بعدم الإثم 100%
القناعة بأنني مؤمن100%
عدم مناقشة الفكرة100%
عدم الاستغفار من أجل الفكرة%100
عدم الرد على الفكرة الوسواسية%100
عدم الإقناع وطمأنة النفس 100%
تطبيق المواجهة100%
تطبيق الصمود100%



اللهم لك الحمد حمدًا يليق بجلال وجهك وعظيم سلطانك باذن الله قريب خلاص وجا الحمد لله باذن الله باذن ولله حثبت توجد ثغرات بسيطة بس وساتخلص منها باذن لله دعواتكم الله يقويني ويقوينا كلنا ويشفينا جميًعا شفاءًا لا يغادر سقمًا أستنيت هاللحظة وحيجي اليوم باذن الله اشوف قصصنا احنا المتعافين كلنا

دحين لازم اعطي الضربة القاضية بس سؤال دحين استعيذ ولا لا ؟

اذا شككت ببيضة تمساح اقضي عليها طبعا استعاذة واحدة بالجلسة .
المفروض انك وصلت النسبة الكاملة هذا يعوض الضربة القاضية يعني لازم نهنيك .

اللهم لك الحمد بس لمن احس بالشفاء النام حكتب في منتدى المتعافين ان شاءالله

نعم اكيد راجعي وسائل الثبات وابتعدي فترة عن المنتدى وشمي نفس وشوفي العالم بعين مختلفة عن السابق متفائلة .
حافظي على الابتسامة والهدوء

ان شاءلله باذن الله خلاص مايحتاج التقييم صح ؟ فقط اذا جاتني افكار احتقرها واكمل مسيرتي ❤

اكيد مايحتاج والافكار ماتحتاج وقت كبير .
تجاهل سريع ومبدء ( ان عدتم عدنا )
الله يثبتك

السلام عليكم ورحمة الله وبركاته ..
أول حاجة حابة أطمن على أختي وصحبتي مناي الله يطول بعمرها يارب وباقي المشرفين والأعضاء ..
انقطعت عن المنتدى 5 شهور في محاولتي للقضاء على الوسواس بس طبعًا ماتركت البرنامج ابدًا ، الشي الي كان خلاني اقطع دخلتي للمنتدى انو في ليلة كنت اتوهم افي اشياء كثير ودخلت المنتدى سالت بس على طول حذفت سؤالي حسيت اني بدات ادخل بمتاهة وحيلة من حيل الشيطان ف من ذاك اليوم تركت الموقع وعلقت قلبي بالواحد الاحد ، طبعًا انا كنت وصلت للتقييم النهائي بس اتصح لي بعدين اني ماتشافيت شفاء تام وبديت اشتغل على نفسي وطبعًا واجهت الي واجهته وعانيت الي عانيته يوم اكون كويسة ويوم لا والله كنت اسقط بس مااوقف
اضعف بس ماأيئس ، وهكذا الحمدلله قدر الله وماشاء فعل ماحصلت لين الحين على الشفاء التام بس انا دحين رجعت لذا المنتدى لانو حسيت لازم اقييم نفسي وانا ابغى اشاهد نفسي وانا بارتفاع ونصر وتغلب عليه لانو منجد انو وهم وكلام فاضي لانو كنت اشوف ناس كثير تركت المنتدى ورجعت بعد شهر او كم اسبوع وهي اتشافت وعملت زيهم بس مازبطت معي ولكن انا هنا اليوم وباذن الله حقرا دحين البرنامج مرة ثانية وحشوف الخلل الي عندي وحضبطه واذا عندي سؤال حسأل هنا بس منجد انا ابغى اتشافى نفس المدة الي قالها الخبير لانو في ناس وسواسهم اكبر واضخم واتغلبو حتى باقل من كدة ف ان شاءلله حضع تقييمي هنا مع اني كنت محتارة ارجع احط تقييم ولا لا بس استخرت وحسيت بقوة لمن قلت ابغى احط تقييمي ومستعدة وباذن الله قريبًا ستجدوني متغلبة عليه ...

بوركت جهودكم اسعدكم الله ❤

الاستعاذة بالله مرة واحدة%100
آمنت بالله ورسلة مرة واحدة%100
القناعة بعدم الإثم%100
القناعة بأنني مؤمن%100
عدم مناقشة الفكرة%100
عدم الاستغفار من أجل الفكرة%100
عدم الرد على الفكرة الوسواسية%100
عدم الإقناع وطمأنة النفس٪100
تطبيق المواجه %100
تطبيق الصمود% 100


بعض الاحيان مااذكر الاستعاذة لانو اكون مشغولة مثلا وكذة واكمل على ماانا عليه اذا جاتني فكرة في عقيدة

لمن تجيني افكار ثانية اطنش لازم استعيذ؟

الحمد لله .
قدر الله وماشاء فعل .
وانت خفت من الحيلة بدخول المنتدى ولكن -لانك لم تشفين تماما - كانت تلك حيلة وقد وصلت لمطبات والحمد لله تجاوزتها رغم كل شيئ .
كان المفروض انك لما تنقطعي عن المنتدى لا تنقطعي عن البرنامج وهو القراءة والتصفح له كل ثلاث ايام على الاقل .
حتى لا يروح من ذهنك الخطوات .
والاستعاذة الواحدة مرتبطة بالجلسة الواحدة ولو تعددت الافكار .
الحمد لله شدي حيلك واقرئي وسائل الثبات

بسألك اختي مناي ..

اول شي قبل كل شي جاني نفس اقلك احبك من اعماق قلبي ياخي نفسي اقابلك😂😭😭♥♥♥

ماعلينا ابغى استفسر منك حاجة ، لا والله حاجات مو حاجة😂

دحين انا عارفة ومتاكدة انو ذا كلو وهم وكلام فاضي بس احس اني اقدر اخرج من ذا الوهم وبكل سهولة بس احس في عائق يعني تتوقعي ايش الي ممكن يخليني اتاخر بالشفاء يعني انا اطبق ولمن اجي اقيم الاقي اني تمام وماشية كويسة بس احس عندي غلط احس اني مابتجاهل كويس مزبوط يعني اتجاهل واصمد بس مدري كيف اشرحلك


وكمان ابغى اشياء تزيد ثقتي بنفسي على ايش تدليني

وكمت بقلك انا كنت اشوف ناس يعني من قصص المتعافين يتركو المنتدى شهر ويطبقو الخطوات ويرجعو بعد شهر متعافيينرانا جربتها ولم تزبط معنا يعني انا ماعرف هم يتركو التقييم ويحاولو ينسو كل شي عشان يرجو لطبيعتهم ؟ انا سويت كذة ومانفع وبالعكس عانيت مرة يعني منجد انا مستعدة اعاني واضحي بس ابغى اطبق صح مو اطبق غلط واجلس اعاني يعني ابغى اتخلص من كل شي ياخي والله الدنيا حلوة بس هذا الفقير الضعيف مالقى احد يفضفض له😂😂😂😂عما في شكلو ابليس

يعني متعافية ونش مرتاحة من العافية شكلك اخذت على الوسواس وطبيعته احيانا التغيير ما يقبله الموسوس لانه ياخذه من ظلمة شديدة لنور شديد لذلك التغيير بالتدرج يكون افضل وفق خطوات منتظمة وافكار ايضا لانه لو تخلصت من الوسواس دون وضع بديل جيد وطبيعي ومنطقس كانك غيرت وسواس باخر ولكنه مبطن يبدو مثا افكارك المشككة بالشفاء هي وسواس مبطن ... تجاهليه وعيشي حتى تعتادي على الوضع الجديد ...
التقييم خلاص انت مش بحاجته بقدر ما انت بحاجة للحفاظ على انجازاتك ومكتسباتك وليس بمراقبة شكل العافية والشفاء النتيجة هي الاهم شوفي تاثير العافية حولك وعلى من معك وانك خلاص تحررت مش لازم تشككي بالحرية بل امضي قدما وانجزي اكثر وكافئي نفسك ولا تتوجسي من شيئ حتى لا ينشأ وسواس جديد .
وانا ايضا متشوقة لرؤيتك ورؤية كل من يقطن بالسعودية.
من يدري لعلي اعمل عمرة ذات يوم واعمل نداء ياهل اسعودية مناي قادمة ههههه
الله يرزقك الصحة والعافية ونلتقي بالجنة يارب لان هذا العمل خالص لوجه الله .

ماشاءالله تبارك الله الله يزيدك علم ويزيدك حكمة ويصبرك ويارب ربي يغفر لك ويفرحك ويرزقك سعادة يارب توسع السماوات والاراضين الله يجزيكي اجر يارب على صبرك معانا وعلى كل مريض أسقاكي ربي من حوضي محمد عليه الصلاة والسلام❤❤❤

وضع بديل جيد تقصدين انو انو اعيش حياتي طبيعي واركز على اشغالي وكذة؟

اللهم آمين دعاء اروع من الرائع ماذا اريد افضل من هذا ؟
نعم البديل انك مت تتركي فراغ واي فكرة سلبية عندها نقيضها او بديلها الصحيح والمقبول عند اي شخص عادي 
البديل يعطيك حافز لتعرفي نفسك افضا ومعطيات لحياة كريمة وفيها تشعري بثقة وعزة وقوة وخفة ومرح وتفاؤل واشياء تكتشفيها في اللحظة .