وسواس عديدة هل هذا طبيعي؟؟ اللي يدخل عشان يساعدنى لو سمحت

يا ريت محدش يقرأ غير اللي يقدر يساعدنى عشان مكنش سبب في ظهور وسواس جديد عن حد عشان انا كنت اما اقرأ وساوس عند حد ساعات بتجيلي فبلاش حد ممكن يتأثر يقرأ مشكلتى وأرجو منكم الدعاء سواء من قرأ او لم يقرأ
بداية مشكلتى ظهرت من حوالي 14 سنة كان عندي وقتها 16 سنة اجتزت اختبار في العقيدة وطلعت الاولي علي المسجد وكانت هذه المرحلة في حياتى من أجمل ايام حياتى لانى كنت متقربة لربنا جدا وكنت مستشعرة قربه وحبه لي بدرجة عظيمة وكنت اريد ان البس النقاب ورغم تدين والدي ولكنه رفض لانى كنت لسة صغيرة في الثانوى وبعد حوارات وعياط لكنه رفض بشدة وقال اما ادخل الجامعة
بعدها يمكن بأيام قليلة كنت أتحدث مع أمى في أمور عادية جدا بعدها جاءنى وسواس فجأة قبيح في ذات الله قلبي انقبض وحسيت بخوف رهيب المهم استمريت علي هذه الحال شهور عديدة ووساوس في العقيدة وذات الله وكنت غصب عنى احس انى لا اريد سماع القرآن ومكنتش عارفة السبب وكمان كان بتجيلي صور بصرية اما اغمض عينى او اسجد ومستوايا الدراسي قل رغم اننى ولله الحمد كنت متفوقة ومن الاوائل وخسيت وكنت اهرب بالنوم ولا اريد مقابلة احد لحد ما والدي سألنى قلت له شىء عما انا فيه باختصار ودانى لشيخ وحكيت له ما حدث لي وقال هذا حسد حصل لك بعد ما طلعتى الاولي في المسجد ورقانى الرقية الشرعية وقالها علي ماء وشربت منها لمدة ايام ووالدي رقانى كام يوم وبعدها سبحان الله كل شىء ذهب ورجعت لحالتى الطبيعية وكنت كويسة حوالي 8 سنوات ينتبانى احيانا قلق بس قلق عادي مش وساوس مسيطرة لحد ما جاءت مرة اخرى وانا في مرحلة الماجستير من خمس سنوات تقريبا وكنت واخدة اجازة من عملي جاءت لي كام يوم في هذه الاجازة وذهبت وكانت في العقيدة ايضا
ولكنها وللأسف جاءت لي من شهر 2 2018 وكان للأسف بعد زيارة زميلة لي في المنزل بعد ما تحدثنا عن امور الدراسات العليا وهى كانت متعسرة وكنت انصحها لوجه الله حتى تستطيع ان تكمل ولا تنقطع لانها مكنتش عايزة تكمل وانا بحسن نية بشرح لها تعمل ايه وتذاكر ازاى
ولكن مشيت من هنا نمت صحيت لقيت هذه الوساوس ومستمرة لحد الآن وما بين شيوخ وأطباء احسانا اتحسن واحيانا لا والافظع انها تنوعت من وساوس عقيدة للشك واختلال انية اللي اول مرة حسيت بيه وكان شعور صعب جدا ربنا يعافينا منه وبعد ما تخلصت من وساوس العقيدة والشك في الدين او اقدر اقول انها قلت كتير جالي وسواس غريب وحتى يأتى لي وسواس مثلا انا متأكدة انى زرت فلانة يأتى وسواس يقول لي انتى زرتيها ولا بيتهيألك؟ تشكيك في كل شىء مع اختلال انية من وقت للتانى ووساوس الجنون وانى خلاص هتجنن وانى مش طبيعية
اسمع صوت مثلا حاجة تقولي انتى سمعاه ولا بيتهيألك احسن تكونى مجنونة ولا عندك حاجة اشد من الوساوس ولا عندك فصام ولا اي مرض ذهان
ودلوقت يجى يقولي علي ربنا اي حاجة ابص عليها او اشوفها حاجة تقولي دي ربنا؟ دي ربنا؟
او حتى اي كلمة اسمعها يعنى مثلا حد بيقول كلمة حاجة تقولي الكلمة دي ربنا حتى لو الكلمة دي معنوية او حاجة اصلا مينفعش اشبهها بربنا اي صوت او كلمة او منظر حاجة تقولي دي ربنا؟
وسواس محسسنى انى خلاص اتجننت
وكمان زيارتى للدكاترة من كتر ما سألونى هى مجرد افكار ولا بتسمعى صوت شككونى في نفسي اقولهم والله افكار بقيت دلوقت اركز في اي صوت بسمعه واقول يا ترى اللي حواليا سامعينه ولا انا بس؟
حتى اما اشوف حاجة اقول انا بس اللي شايفاها ولا اللي حواليا كمان
حتى اما آكل وسواس يقول لي انتى الاكل طعمه ممكن متغير ؟
وكأنه وسواس عايز يقولي انى بقيت غير كل الناس وانى مش طبيعية
غير وساوس الموت أو الخوف علي الأهل او تخيل مواقف الايذاء لحد
وساوس متعددة
وللعلم الشيوخ اللي روحت لهم واما قلت لهم بعض اللي بعانى منه مع الاحلام المزعجة والحيوانات اللي بشوفها في الحلم في اللي قال ليا عين وفي اللي قال سحر الهاتف ومع ذلك انا باخد دوا ولكن بجرعات بسيطة لحد الآن عشان انا روحت اما جالي الاحساس باختلال الانية ومصاحبة لنوبات هلع وخموووول شديد وطبعا مشاعر اكتئابية

هل دي وساوس يا جماعة بردة يعنى انا في نطاق الوساوس ولا حالتى اصعب من كدة ارجو رد يطمنى وجزاكم الله خيرا

Up

👍

ذا الوسواس اباً عنجد
لاتتعمقي فيه عامليه كانه ضيف عليك وسوف يذهب
اقري خطوات الخبير 👍🏻 ولكن قبله اتكلي على الله حق التكلان

ههههههههه والله أضحكتنى ربنا يبارك لك طمنتنى علي نفسي اما قلت ذا الوسواس ابا عنجد

لا عليك استمري ببذل جهدك عليك بالصبر والامل بالله عزوجل.

الله المستعان