بسم الله الرحمن الرحيم
انا بكتب لحضرتك دلوقتى وانا دموعى نازله على نفسى اللى اتحرمت من كل متع الحياه منذ زمن كبير بسبب وساوس بشعه فظيعه مقززه ضيعت عليا كل لحظه سعيده فى حياتى استطيع انا اجزم انى لم اعش لحظه سعيده فى حياتى .. والحمد لله على كل شىء
انا عندى تنوع رهيب فى الوساوس يعنى مش وسواس واحد او اتنين او تلاته او .. او ..
انا فى البدايه عندى 19 سنه طالب فى كليه هندسه .. انتابنى فى احد الفترات وسواس انى عندما اتخرج لن اجد عمل وساعيش عاطل ولن احقق ما احلم به وكان هذا فى بدايات دخولى الكليه فحرمنى من بهجة التمتع بانى دخلت كليه قمه
انا من عائله اجتماعيا وماديا الحمد لله اخوتى جميعا واهلى فى اعلى المناصب لكن لدى وسواس بشع ان اموال والدى ليست حلال .. وعندما يشتد عليا هذا الوساوس تذرف الدموع منى بكثره على ابى الذى اسىء الظن له على الرغم من انه افضل واصلح اب فى الدنيا واحسن تعليمى .. وسواس بان الناس تكرهنا وتتكلم عنا بصوره سيئه وان سمعتنا وحشه ..
لدى وسواس عقائدى اسمع سباب رهيب لله عز وجل ولرسول الله احاول التوقف لكن بلا فائده انظر لنفسى بانى خارج عن المله والدين لكن والله اعلم انا مش كده خالص ..
المريب فى حياتى او البشع انى اكبر اى امر واهول فيه واصله لدرجه لا تحتمل .. عندما ارى اى حادث فى التلفزيون او اسمع عن شىء او اقرا شىء فى جريده احس ان لى دور فى ذلك اسمع عن حادثه معينه يوسوس لى بانها حدثت لى او ممكن تحدث لى او لاقرابى ..ارجوك لا تستهزا بذلك فهو شعور مريب جدا ..
دائما اتسال عن مئات الاحتمالات لاى شىء واخد السىء منه واتعامل مع نفسى وكانى ارتكيته فعلا
عندما يقبلنى احد اقاربى اشعر كان يوسس لى ان هناك شهوه نحوه وابتدى الوم نفسى بشده رغم والله انه لا يحدث شىء من هذا نهائى وهذا الشىء يؤلمنى جدا ويشعرنى انى انسان سافل ..
اخاف من الامراض فدائما يراودنى شعور بانى سوف اصلع وسوف اصبح سمين جدا وسوف اصبح اعمى ...
هناك وساوس مثل شعرى مش متسرح .. دقنى مش محلوقه .. لبسى مش كويس
لا احس انى لابس كويس رغم اراء اهلى واصحابى ..
ابقى رايح كورس الاقى نفسى بقول انا اصلا مش رايح علشان الكورس انا رايح علشان البنات اللى هناك وانا مش كده خالص ولا ده تفكيرى فبلغى الكورس رغم استفادتى منه
دلوقتى تفكيرى ان فى ناس اعرفها هتدخل الموقع هنا وتقرى الاستشاره وابقى فضحت اهلى واتفضحت مع انى عارف ان ده مستحيل انا تعبان وحاسس انى مليش ذنب فى اى حاجه بلوم نفسى عليها دايما .. الحمد لله
انا مش عارف بعد ده كله فى حل ولا .. فى حاجات مش افتكرته بس انا مدمر بسبب الوساوس دى احيانا تخف جدا واحيانا تشتد لدرجه التفكير فى الانتحار من المها