ماقدر اصلي مثل اي انسان طبيعي !

السلام عليكم ورحمة الله وبركاته

انا اعاني من الوسواس بشكل عام اكثر من ١٠ سنين 
دخلت بكذا وسواس .. كانت البداية بالوضوء و الصلاة .. 
الى الان اعاني من هذا الوسواس 
لكن تمر علي ايام اكون جيده و ايام لا 

عندي مشكله من تقريباً أشهر .. متعبتني و مسببه لي رعب و هم 
كل ما ييت اصلي احس كاني في حرب و ما ارتاح الا اذا خلصت 

اول شي هي التكبير .. مب مشكلتي اني كبرت او لا مثل غيري 
لا انا مشكلتي اني يوم اقول (الله اكبر) .. احس كاني سبيت الله ( استغفر الله )
يعني اذا صليت السنه اكبر عادي و الامور تمام 
لكن في الفريضه احس بصعوبه و انا اكبر 
دائماً اتخيل اني بعد اسم الله بسب 
ف اقعد اخاف و اتوتر و اقعد ١٠ دقايق لين اقول الله اكبر

ثاني مشكله هي الفاتحه .. 
يوم اقرا الفاتحه .. ياتيني احساس اني كنت اردد كلمات اغنيه معينه
حتى اني اكون على اعصابي وانا اقرا 
و عقب ما اخلص الصلاه اقعد اتذكر كيف قريت والخ

في كل صلاه يصير لي هالشي
ساعات والله اصور نفسي فيديو بس عشان ارتاح
وساعات اقول خلاص طاف الله يسعني
و ابدا اصلي لكن اتعب 

وصل الامر اني عند كل صلاه احلف اني ما اراح اعيد ولاشي 
وللاسف اعيد و اعيد ..

لا تعيد الله ما يبغى منك هالعذاب الله رحمن رحيم مهما حصل هذي افكار قسرية عليك ومين قالك انها تبطل الصلاة ما تبطل الصلاة عشان تعيد ترى الوسواس اذا استجبت له كل مرة بينقلك لنوع ومرحلة اردى وراح تشوف اللي قبلها اهون وشي بسيط وتكتشف انك كنت مضخم الموضوع فمن البداية لا تلتفت ولا تعيد لان الجميع والعلماء كلهم يقولون لا تعيد اعرف انها ماهي بهالسهولة لكن العلاج يبغاله صبر ومجاهدة هالافكار والضغط اللي راح يتولد منها بعد التجاهل ،،