الرجاء المساعده والحل تعبت جداً

السلام عليكم ورحمة الله وبركاتة
اشكر القائمين على هذا المنتدى ونتمنى لهم دوام التوفيق
انا بقول حالتي واتمنى الاجابة عليها :
انا فتى عمري 26 سنه اعاني من تعب بالصلاه لي 16 سنه ولاتكلمت فيه لاحد
بداية التعب كانت من الصف الرابع الابتدائي الى اليوم هذا
فانا احس بتعب ودوخه لما اروح اصلي بالمسجد احس اني بطيح دايم احس بالهشعور بس لما اكون بالصف الاخير بالمسجد مايجيني هالتعب
وكذلك في قاعة الاختبارات احس اني بطيح وبتعب ولاصرت اخر واحد بالصف ماتعب
اتعب لدرجة ابكي مو قادر اتحمله
وتنزل دموعي
لو رجت اصلي في الصف الاول بالمسجد بس مافي احد وراي من الصف الثاني عادي ماتعب ورتاح بس الا جاء احد وراي مو عارف ليش
حاس بس اني بدوخ وبطيح واحس ودي اجلس ولاانحاش شي مؤلم جدا
واحس ودي اتمسك بالي يصلي بجنبي عشان ماطيح وانا واقف
صرت ابكي على حالي وخايف ربي يغضب علي لاني صرت اصلي بالبيت غالب االاوقات عشان ماتعب
احس بقهر لما اشوف كل الناس تصلي عادي الا انا
لك ان تتخيل 16 سنه وانا اتعذب ومقهور لاني مو قادر اصلي للرحمن
اتعب رغم اني شاب عادي جدا ولافيني الا هالشي
ارجو من عنده حل في هالشي يقول لي الحل ويشير علي
احس بتأنيب الضمير لاني ماصلي بالمسجد خايف من ربي ولااعرف الحل
رغم اني قريت على نفسي ورحت عند شيخ ولاصار شي
هل الموجود فيني وسواس قهري ام ماذا
والعذر والسموحه على الاطاله
وجزاكم الله الف خير ,,