ا السلام عليكم ورحمة الله وبركاته
انا عضوة جديدة موسوسة كثيرا في كل شيء
في العبادة في الوضوء والصلاة وقرائة الاذكار اقرا ذكر سبحان الله وبحمده واحسب بااصابعي وشوي اقول لنفسي هاذي الثلاثين الاولى والا الثانية ....احيانا اكمل واحيانا اعيد من اول .....حتى في الوضوء اوضي واقول كم مرة مسحت يدي .....الخ واحيانا اعيد الوضوء واحيانا بعد ما اخلص وضوء اتفقد رجليني وضويتهم ولا لا واتذكر حديث االرسول صلى الله عليه وسلم ويل للاعقاب من النار واخاف اني ما مسحت رجليني الى الكعبين والى العقبين
والصلاة حدث ولاحرج ....
اوانا اصلي في الركعة الثانية ماسجدت سجدة ثانية في الاولى يجيني احساس اني ماسجدت ولكملت صلاتي اتوتر اقرا واحرك شفاتي وبالي ماهو معي ...افكر هاذي الثالثة والا الرابعة .... واقوم زعلانه وغضبانه واقطع الصلاة واعيدها من جديد ...وسمعت اكثر من شيخ يقول لاتعيدو الصلاة ....لكن انا مااقدر اصلي واحس فيها نقص والصراحة ماارتاح الااذا عدها ...لكن حتى في الاعادة يقول ماقلتي الله اكبر مالقتي رب اغفر لي .....واذا وصلت للتشهد الاخير اضيع انا قلته كامل او ناقص واحيانا اعيد التشهد من الاول .....واحيانا اغلط في بعض الايات مع انها من السور القصار .
ساعات اذم نفسي اقول حتى الصلاة ماعرف اصليها وساعات اقول مايستفاد مني لابدين ولا بدنيا ...لابصلاة وعبادة فالحة فيها ولا بوظيفة او اي شيء يسليني بوقتي ....واتذكر حديث الرسول صلى الله عليه وسلم يسال المرء عن خمس وذكر من بينها الوقت .....الخ الحديث اخاف واقول بكرة لقابلت ربي وسالني عن الوقت وش باقول له....وامس قرابه العصر تخيلت نفسي مشنوقة في السيب ....بسللسة حديد ....لكن فكرت باهلي وش شعورهم ؟ على فكرة اغلب الاحيان انطوائية ... اجلس لحالي افكر وش اسوي واحيانا انام .... واحيانا العب بلاي ستيشن او اقعد على كمبيوتر ......
وتجيني وساوس لفظية اسمعها ... سب الله عزوجل والملائكة ...والانبياء وزوجات الرسول .واصحابه..
واسمع مدح في الاشخاص العصاة ...كاابليس وغيره حتى وانا اتقلب على فراشي اسمع هالشي
مرة قرات ايه من القران وفيها وعيد للمنافقين ...وحسيتها انها تنطبق علي ....وكل يوم افكر بالموت ..واخاف وكذلك سمعت بااهوال يوم القيامة اخاف
حاله الوسوسه اللفظيه معي من العام الماضي ..
اما الوسوسة الفعلية بدات معي من السنه هاذي
االحمد لله على كل حال والحمد لله انني غير متزوجة ....وعمري 24
اتمنى مساعدتي في حل مشكلتي وشكرا