ادخل مش هتخسر حاجه

بسم الله والحمد لله والصلاة والسلام علي رسول الله وبعد
اجمل حاجه واحلي حاجه في الموضوع ده هو سهولته وسرعة فهمه
اولاعايزك تركز في الاربع كلمات  اللي هكتبهم في الموضوع تعرف ايه اكتر حاجه تسعد  اي شخص  انه يبقي ليه منهج يمشي عليه عارف ليه

لانه هيرتاح عارف هيرتاح من ايه من جملتين (ياه انا كترت اوي 8 ياه انا قللت اوي) صح انا عارف انه صح زي منت عارف بالظبط

عشان كده عايزك ديما قبل اختيار اي حاجه تتحري فيها الوسط  الوسط في كل شئ طبعا احنا عرفنا خلاص واتئكدنا تماما ان
الوسواس اعوذبالله من شره كله واحد يعني اساليبه واحده بس الفرق ان وساوس النفس والشيطان عباره عن افكاروايحائات داخليه
اما وسواس الناس فهي كلمات تسمعها باذنك حقيقة كما هو معروف طبعاواشارات تعطيك معاني وحتي وسواس النفس والناس ناشئه اصلا من الشيطان عليه لعنة الله
ومش هنختلف في السبب اذا كانت صدمه او احساس بالذنب من معصيه اوكانت خدعه من شخص اوكانت ضعف في الشخصيه او كانت استغلال للاخلاق الجميله الطيبه او حتي كانت اختلال في شوية موصلات عصبيه تسموها سيروتونين دوبامين ادرينالين سمو زي منتو عايزين تسمو الاسماء ببلاش
وكمان مش هنختلف في الاسماء يعني تقولي جينات وراثيه او العقل الباطن اوالشعور والا شعور او تقول ان الدماغ فيها ثلاث اقسام قسم للذاكره والافكار وقسم للتصوروالتخيلات وقسم للشعور الي هو الاحساس
المهم عاوزك تركز بعنيك وتعمل زوم علي الاربع كلمات الي انا مكتبتهمش لسه وهكتبهملك عشان بحبك في الله
ثم اني عارف انك معدش في قلبك ريبه ولا شك يعني يا حبيبي انت بقيت مخلص عشان كده الشيطان استهدفك وهو مني عينه انك متبقاش مخلص وطبعا انامش قلقان عليك ولا عايزك انت كمان تقلق علي نفسك عشان رب العالمين بيقول (ان الله يدافع عن الذين امنوا)واهم حاجه تبقي اولويه عندك هي الثبات علي الحق للابد دلوقت لازم اكتب الاربع كلمات
الرغبة
الرهبة
الغضب
الشهوة
كل كلمه من دي عايزه مواضيع كتير عارف ليه لانها المداخل الرئيسيه الي تسبب الخوف والحزن اذا مملكتش نفسك عندها وهي دي اساليب وطرق الوسواس بجميع انواعه وبجميع اصوله وطبعا انا مش جايب الكلام دا من عندي دا من خير الانبياء والمرسلين
وخير الخلق اجمعين واحب اطمنك اوي النبي صلي الله عليه وسلم لم يترك ثغره واحده يدخل لك منها الوسواس بس احنا الي قصرنا او احنا الي عدينا الحدود وانت فهمني كويس ودا وارد لاننا مش معصومين هو الوحيد الي معصوم وعشان كده هو كامل العقل وكامل التقوي وهو الي نثق فيه الثقه الكامله التامه عشان هو المختار من الواحد الاحد
يعني عايز توصل لربنا لازم من طريقة محمد صلي الله عليه وسلم وعشان توصل لطريقة محمدصلي الله عليه وسلم لازم من الصحابه وعشان توصل للصحابه رضوان الله عليهم لازم من اهل السنه الصحيحه وطبعا شياطين الانس والجن دايما يعترضو طريقهم
عارف ليه عشان صاحب السنه خطر جدا عليهم لانه علي الحق  والحق نوروديما النور بيمحي الظلام نرجع تاني للاربع كلمات لانك لازم تملك نفسك عندهم يعني التحلي بضبط النفس لما تكون راغب في شئ او راهب من شئ او غاضب من شئ او مشتهي شئ
وكمان عايزك تاخد بالك اوي اوي اوي من الجمله الي جايه دي وتركز فيها وتبقي عقيده عندك(البلاء موكل بالمنطق)قبل اي كلمه بتنطق  بيهابتكون فكره في المخ الاول بعدين بتنطق بيها
طبعا كل ده بيبقي في جزء من الثانيه سبحان الله عشان كده الشيطان بيقذف  السوء في قلبك عشان تبقي فكره وبعدين تنطق بيها ويكون  فعلا البلاء موكل بالمنطق يعني لما يقذف فكرة المرض عندك  ولما تعتقدها وتقول للناس انا تعبان فعلا تمرض وتتعب وكمان لما تقول انا مخنوق او مضايق او نفسيتي تعبانه كل ده هيحصل فعلا وعلي العكس لو قولت
للناس عكس الي انت حاسه من السوء فعلا هيحصل لان بما ان البلاء موكل بالمنطق اذن العافيه ايضا موكله بالمنطق وخلي بالك ان الشيطان هيستعين بالناس عليك فمن الاحسن والافضل انك لما تشتكي تشتكي لله وحده
واقولك ليه لان انت لما تغلب الوسواس عليه لعنة الله هيستعين بوسواس الناس عليك افسرلك اكثر انت مطلوب منك انك تكسب نفسك لصفك فبدل متوسوسلك بوسواس الشيطان هيا نفسها الي تتسلط علي الشيطان باذن الله وصدقني والله الشيطان نفسه هيستجير من نفسك بشياطينه الي اكبر منه والي هما في الاصل اضعف منه. الله اكبر ناصرعباده المؤمنين
قديما كان الشيطان يقول جعلتك عبره لمن يعتبر وجعلت الناس يستهزئو بك وليس فيك ما يقولونه وقلت لم تفعل شئ بقوتك كل شئ باذن الله
والان بحول الله وقوته يقول جعلتني صغيرا مستهزئا من كل الشياطين وقلت ايضا باذن الله ولا حول ولا قوة الا بالله.(اخي اريد منك اذا عاملك احد الناس معامله تكرهها ان تقابله بالاحسان لانه سياتيك الخبيث من خلال بعض الناس والذين يزعمون انهم ليس بهم وسواس وهم غارقون فيه ولكنهم لا يدرون وان كانو علي علم ووجاهه،الحمد لله علي نعمة اليقظه
واقسم لك ان الالم النفسي الذي تشعر به مهما كان في نظرك كبير هو نعمة في حد ذاته وليس معني ذلك اني اريدك ان تستسلم للالم لا ولكنه صحوة من الغفله وهو واقولها بملئ فمي من مجرب اساس الشفاء*اخي هو كذلك كما تظن في الداء يكمن الدواء*نعم
في حاجه كمان عايز اقولك عليها معليش هيا حاجه تضحك اوي هيجي التافه الخبيث ويخوفك بفكرة الجن ان الجن هيأذوك او هيضايقوك او اي افكار من الي تدل علي سفه الشيطان او الهطل الي هوه فيه نعوذ بالله منه ومن شره
واذا جتلك الفكره فتعامل معاها زيها زي اي فكره وسواسيه علي طول بديهي كده التوكل علي الله ثم الثقه التامه بالنفس ثم السلاح الصارم الرادع الي هوه البرنامج
   
شد علي الشيطان  اوي تلاقيه يخاف منك ويعملك الف حساب ومش هقولك اما بقي لو خفت منه هيحصل ايه لان مفيش مجال للجمله دي اصلا واقولك علي الحقيقه اي كلمه تيجي بعد - من- في الجمله الي جيه دي  واللي هيا- انا خايف من-اي كلمه ايا كانت احذفها خالص من تفكيرك وحط بدالها الحقيقه الي هيا وسواس الشيطان طبعا يا مؤمن انا بتكلم عن الخوف المرضي
اقولك خلينا نفسر كلمة خوف تفسير نفسي موصل عصبي اسمه ادرينالين بيفرز من غدتين فوق الكلي  فيرتفع نسبة الادرينالين في الدم فيعمل كل الاعراض الي انت بتحس بيها سرعة ضربات القلب برودة الاطراف احساس بالدوخه الخ حاجه  طبيعيه جدا يعني بسب زيادة الهرمون او الموصل يعني
الغرض من الاعراض دي كلها انك تحمي نفسك سواء بالهروب او بالهجوم زي ما المتخصصين بيقولو وخد دي من المسلمات كده الهروب هو انك تشغل نفسك بالفكره في حد ذاتها اما الهجوم فهو انك تشغل بالك بصاحب الفكره او مصدرها ودا يحققلك نتيجه متازه
وهي اني اخلع الافكار من جذرها مش اقعد اقطع في فروع الشجره وبعدين بعد فتره تطلعلي فروع تانيه غيرها لا والف لا اخلع الشجره من جذرها ترتاح وتريح الي حواليك وقبل كل ده ترضي ربنا،بيقولو الهجوم خير وسيله للدفاع هاجم ديما هاجم مدافعش لان الهجوم هيخلي عدوك يهرب وميرجعش تاني
انما الدفاع هيخليه يعيد الكره ويرجع تاني ربما ينتصر هو بيفكر كده متدلوش فرصه الضربه ورا ها اختها وانت عارف الضربات هيا ايه 12 ضربه موجودين في البرنامج راجعه تاني وان شاء الله في الموضوع الي جي باذن الله نعرف ازاي نضرب ضربتنا القاضيه وبتحصل ازاي علي فكره دي سهله جدا
واذا كان الموضوع متكرر او بنعيد ونزيد فيه فهقولك في الاعاده الافاده واان وفقت في اي موضوع من الي بكتبه ف من الله، وان قصرت فاسال الله العفو عني ،وان اخطات ف من نفسي ومن الشيطان،  

وفي الختام اسال الله العظيم رب العرش العظيم ان يشفي امراض المسلمين والمسلمات والمؤمنين والمؤمنات والحمد لله رب العالمين

السلام عليكم يا اخي ...لو كانت كتابتك لهذا الموضوع الممتاز باللغة العربية الفصحى لكي يكون التلقي اسهل وبارك الله فيكم

جزاك الله خيرا
حلو جدا الموضوع
استمر واسلوبك فعلا شيق وجذاب
اهو يخرجنا شوية من التركيز على الوسواس