استشارة بخصوص وسواس العقيده.

السلام عليكم انا وسواس العقيده اللي فيني من ثلاث سنوات ونص تقريبا جاني بعد ما التزمت بس راح التزامي كله واستسلمت للوسواس لان كانت عندي مشاكل وهموم كثيره ماقدرت اتجاهل ولا اسوي شيء استسلمت لدرجة صرت ما احس بحلاوة الايمان واسوي العبادات اي كلام صار مايهمني شيء بداية الوسواس كنت ابكي وخايفه بس اللحين احس الموضوع صار مني وفيني ويائسه مره واستغفرالله صرت اشك بوجود ربي وباذا الاسلام دين الحق او لا وصرت ما ادعي لان احس ربي مايسمعني ومن ذي الافكار اللعينه بدأت ذي الافكار تأثر فيني صرت يائسه اكون زي اول عارفه ذا كله اللي يبيه الشيطان مني !! تعبت والله العظيم سؤالي اللحين العلاج لو طبقته بيشيل ذا كله ؟ يعني باتشافى وارجع زي اول يائسه واحسه وسواس قديم وصعب علاجه وبما اني تعودت عليه والله اشتقت ادعي ربي اشتقت احسه يطالع فيني ويعرف مكاني ويعرف اللي بقلبي واش اللي مضايقني .. وبعد قبل كم يوم دخلت اليوتيوب طلع لي فيديو اظن حق الابراج او شيء زي كذا مادخلت عليه بس مكتوب على الفيديو من برا انو اصحاب شهر 12 ايامهم الجايه سعيده وكاني صدقت ذا الكلام جواتي وفرحت يمكن لاني محتاجه شيء يفرحني :( بعدين قلت لا حرام وخايفه اللحين اكون اشركت بربي او عليه ذنب اش اسوي ؛( !!!

هذا كله وسواس والله غفور رحيم .. الوسواس ترا يوسوس لنه بكل شي .. انا نفسك مره يقولي الله ما يسويلك شي مره يقولي مالي خلق اصلي مره يقولي شنو فايدة الصلاه مره يذكرني بموقف يضايقني و يحسسني انه طول عمري ماراح انساه دايما يختار اكثر شي يضايقنه ويشتغل عليه .. انا نفسك وتقريبا اتجاهل كل المواضيع مع عدى فكره تذكر الموقف القديم الله يشافينه منه

طيب حبيبتي تشافيتي اللحين رجعتي تحسين بحلاوة الطاعات ؟

نعم الحمدالله ليس 100% تاتيني قليلا لكن لا تضايقني مثل الاول اتجاهلها وانا اعلم لماذا تاتيني لان هناك موضوع اخر يضايقني .. عندما يكون هناك وسواس قوي وتحاولين ان تتجاهليه يزيد الضغط علي وكل ما ضغط اكثر ينتقل الى الوساوس الاخرى يحاول ان يزيدها لكني اتجاهلها .. تجاهلي بداية التطبيق فيها صعوبه لان الوسواس يضغط عليك لكن كل ما ضغط زياده كوني على قناعه بانك بالطريق الصحيح لان بعد الضغط تاتي الراحه .. ان شاءالله تقاومينه ولا تايسي حتى لو في يوم يومين تعبتي اكملي وسوف تلاحظين عندما تكون عزيمتك قويه لا تؤثر فيك الوسواس وعندما تضعفين يحاول ان ياثر عليك ويرجعك للايام السابقه حتى تسترسلي معه فقط قاومي وحاولي الخروج والانشغال كثيرا سوف يساعدك ذلك .. انا جربت هذه الطريقه .. وقت الانشغال لا تاتي الوساوس كثيرا

الله يسعدك ويسهل امورك كلها ياشيخه