دعواتكم ..

هل اذا شفت نفسي قبل الصلاة متوترة وخايفه اجلس شوي واذا هديت أقوم واصلي او لا اصلي على طول؟

هل اعيد الكلمة في الفاتحة اذا بالفعل 100٪ ما نطقتها بشكل صحيح ؟ احد يرد علي رد يريحني من العذاب اللي انا فيه احس صلاتي في مهب الريح بالله اللي شفوا من هذا الابتلاء ساعدوني خطوه بخطوه ولا تتركوني

انت تعودين لنقطة الصفر  
اعيدي قراءة ردودنا بارك الله فيك

السلام عليكم. نفسي اكتب لكم اني شفيت ورجعت لحالتي الطبيعية بس الشكوى لله. للاسف حالتي كل مالها تنتكس  اليوم قطعت صلاة الفجر غصب عني بعد ما قرأت اية إياك نعبد وإياك نستعين حسيت اني ما نطقت كلمة نعبد بشكل صحيح وحاطه في بالي اني خلاص ماراح اعيد لآني الأسبوع الماضي أعدت قرأت هذي الآية والحين احس بندم وحزن اني قطعت الصلاة. رغم انه كثير احس اني ما انطق هذي الكلمة بشكل صحيح وايضاً غير المغضوب عليهم ولا الضالين ما أنطقها بشكل صحيح من اول مره رغم ذلك اكمل  لكن احيانا الحالة تشتد علي فاقطع صلاتي مثل اليوم او أكرر من القهر! انا الحين رجعت اقرا بصوت منخفض ما يسمعه الا انا وأخلي الباب مفتوح
ابي ارجع اطبق البرنامج وأقيم نفسي بس ما اعرف كيف أقيم نفسي بشكل صحيح
وعندي سؤال انا من فترة صرت لما اقرا الفاتحة صرت لما أجي عند اية إياك نعبد وإياك نستعين صرت أشيل نظري لمكان ثاني في السجادة عشان ما اركز كيف راح أنطقها!! واحيانا ما شاء الله أنطقها بشكل صحيح من اول مره واحيانا لا هل طريقتي هذي فيها استرسال؟
بالله ردوا علي بشكل مفصل وأدعو لي احس احيانا بيني وبين الشفاء مثل بعد المشرق عن المغرب 

اختي والله اني مثلك حالي في قراءة الفاتحه م يعلم فيه الا ربي تصدقي اكرر الايه تسعين مره مع ذلك اشك قلتها او لا ؟؟!!! وش ذا الجنون مع اني يمكن اكون جبتها من اول مره لكن الوسواس يوهمني والحمد لله احيانا اكمل واحيانا لا والله اظل اكرر وهذا الشيء حتى سبب لي احراج وصرت انحرج اصلي جماعه عشان لحد يسمعني ويستهزئ فيني ولكن والله اني اعاني الأمرّين .. بس انا اعرف العلاج وقريت فتاوى وقالوا لي مهما وسوس لك الشيطان انك م قرأت الآيه استمر لا ترجع شوفي انا عرفت الحكم لكن ينقصني التنفيذ .. وانا بعد نفسك والله لو تقولي اقرأها خارج الصلاه اجيبها بالحركات واشوف فيها سهوله وحتى احس بلذّه وانا اقرأها لكن بمجرد م اكبّر يصير العكس .. سبحان الله !!! انا كمان كنت طبيعي ولا ابي من هالدنيا الا هذيك الايام ترجع واهتم في ديني .. عسى الله يشافينا ويعافينا يارب .. بس جربي تنطقيها مره وحده ولا ترجعي للآيه مهما حسيتي انك م نطقتيها اصلا !! لان هالشيء م يجي الا اذا صلينا فمعناتها الشغله فيها تلبيس من النفس والشيطان وانا اجزم اذا طبقّنا الحكم الشرعي وهو طرح الوسواس وعدم الالتفات له اننا راح ننجح بس عندنا شوي مشاكل في العزم والمواجهة .. يارب يشفينا ويعوّضنا خير ويحفظ لنا ديننا ..

اللهم امين 
جزاك الله خير اخوي على ردك والله يسامح من قراؤا رسالتي وتجاهلوني من المشرفين والمتعافين من هذا الابتلاء

السلام عليكم. كل من يقرأ رسالتي اذكروني بدعوة معكم في اخر ساعة وأني اشفى من هذا الابتلاء وارجع كما كنت قبل اربع سنوات وان الله يعطيني صبر الكرب اشتد والصبر قل ولا حول ولاقوة الا بالله

[center][size=24][b][i].[/i][/b][/size][/center]

الله يشفيك ويشفيني ويشفي كل مبتلى عاجلا غير  اجل 
كل اللي اقدر اقوله لك 
اجلسي مع نفسك واسأليها الى متى استمر بهذي المعاناة اللي كل مالها تزيد وماتنقص 
الوسواس قهرنا كثييييير وحرمنا متعة الحياة
حان الوقت انا احنا نقهرة بكل عزيمة واصرار وحسن ظن بالله ان الله يقبل عبادتنا حتى وان اوهمنا الوسواس انها حقيقة 
والله يعجل بالشفاااااااء