السلام عليكم ورحمة الله وبركاته
اختى فى الله لقد تواصلت معكم من عام سابق وكانت المساهمه باسم دعواتكم لى بالشفاء ولكنى لم اتحسن يمكن لانى مش عارفه حتى الان افهم البرنامج واطبقه بطريقه صحيحه و بدون زعل حسيت ان المشرفين زهقوا منى بسرعه والله جزاهم الله كل الخير انا مش متضايقه منهم بس يمكن الردود كانت مقتضبه شويه ومفيش اى مجال للنقاش ويمكن ده احد اسباب لجوء من هم فى نفس مشكلتى لاخوتى المتعافين والتفاعل معاهم وسؤالهم كتير لانهم بيحسوا انهم متفاعلين معاهم اقصد حاسيين بيهم اوى انا عارفه ان للمشرفين اسلوبهم وطريقتهم واكيد انا باحترم ده بس اقصد اننا كموسوسين وتعبانين اوى نحتاج كثير للاخذ والعطاء فى الكلام وهو فى راى المشرفين استرسال مع الوسواس .. اسفه للاطاله بس انا اعانى من الوسواس القهرى من اكثر من ٢٠سنه بكل اشكاله خاصة وسواس العبادات والوضوء والطهاره والاغتسال اقصد استخدام الماء وكمان افكار تسلطيه كتير اوى وحاولت كثير نع دكاتره نفسانيين من ادويه وعلاج سلوكى وغيره وانا كما انا ثم تعرفت على برنامج الخبير جزاه الله خير
بس للاسف ده كان من اكتر من ٦سنوات والى الان مش عارفه اخف من الوسواس ربما لانى مش عارفه افهمه صح او اطبقه صح او لكثرة الوساوس عندى ولان الله زرقنى بعد زواجى ببنتين فاجد نفسى ديما متعصبه لانى بتعب معاهم ومش عارفه اتوقف عن طقوسي الوسواسيه وباطبقها فى التعامل معاهم .. بالله عليكى ممكن تساعدينى وتقوليلى اعمل ايه لانى تعبت من قلة صلاتى لان الطهاره متعبه جدا بالنسبه لى اقصد الاغتسال والوضوء نفسيتى اصبحت سيئه جدا من كثرة استخدام الماء وانا من جوايا بقول ان ده اسراف وفى نفس الوقت لا استطيع ان اتوقف الا بعد ان اعد بطريقه معينه وبعدها اتوقف وانا بداخلى مش مقتنعه باللى بعمله والله مش مقتنعه بس مش عارفه اتوقف ازاى .. اسفه جدا على الاطاله وجزاكم الله الخير كله..