رهاب اجتماعي وجميع انواع الوساوس !

انا جديده على المنتدى وما ادري اذا ذا المكان الصح اللي اطرح فيه مشاكلي ولا لا اتمنى تطولون بالكم عليه لاني انا انسانه عمري مافضفضت لاحد دايم ابين للناس اني قويه وانا من جوا مكسوره فحبيت افضفض هنا عن الاشياء اللي كابتتها فيني من وانا صغيره لاني عارفه راح القى الحل عندكم بعد الله وراح اتغير لان عندي امل مو طبيعي ! واتمنى من الخبير يرد عليه بداية قصتي ان معاي رهاب اجتماعي من عرفت نفسي بسبب انو اهلي كانوا يرمون عليه اقبح الالفاظ مثلا انتي ضعيفه شخصيه انتي غبيه انتي مالك قيمه ومنتي كفو وماعندك ثقه بنفسك ووو.. الخ تخيلوا هالكلام كله وانا عمري 8-9 سنوات :) اللحين عمري 19 كنت اكره نفسي انو ليش يقولون لي هالكلام ما استاهل هذا كله وماكنت القى احد اشكي له حتى امي بحكم ان امي كانت السبب بذا كله :) ايه نعم امي كانت اكثر وحده تطقطق عليه باني ضعيفة شخصيه ودايم تقولي ان صاحباتي احسن مني وكانت 24 ساعه تحطم فيني الله يسامحها كنت اطنش ولا احسب لكلامهم حساب بعدها صاحباتي صاروا يقولون لي نفس الكلام واستاذاتي بالمذرسه :))) بعدها حسيت ان كلامهم صدق واني انا كذا ومستحيل اتغير وان الناس احسن مني واني ناقصه واني واني واني .. الخ على اني حلوه واحس مو ناقصني شيء < اللحين تقولون ذي شايفه نفسها بس ويني ووين شوفة النفس ههههههههههه وصلت فيني لدرجة اشوف الممثلين بالمسلسلات واقول ذولي احسن مني انا انسانه ما استاهل اني اعيش ، ها مطولين بالكم باقي ماخلصنا هههههههه المهم انو بعدها بدأت مسيرتي مع الوساوس :))))))

صرت اكرر اني قويه 1000000 مره باليوم
صرت اذا احد تكلم اكتب كلامه بيدي وياويلي اذا ماكتبته هههههههههههههه
بعدهاجاني وسواس الصلاه والوضوء وكل شيء يتعلق بالطهاره
جاني وسواس النظافه والترتيب احب كل شيء مرتب حولي ونظيف

دخلت بعدها المتوسط خف الرهاب علي وخفت الوساوس حسيت اني رجعت للحياه بعذين رحت على الثانوي وظلمت الدنيا بوجههي مره ثانيه جاتني عين جلست معاي سنتين صرت ما اقعد مع احد كثير بعدها رجعت لي الوساوس من جديد زاد عليه الرهاب صرت انطوائيه واكره اهلي لان احس السبب كله منهم :) بعد العين التزمت وجاني وسواس العقيده اللي للحين معاي وبالنسبه لي هو اقوى وسواس اثر فيني وتعبني مره واللحين انا وصلت لمراحل فيه لدرجه اني ميئوسة اني راح اشفى منه وبعدها جاني وسواس النوم والارق ووسواس العذريه دايم افكر بان ممكن الغشاء مو موجود ( اعذروني على الشفافيه :/ ) وبعد وسواس المني والمذي - وسواس سلس البول - وسواس الموت - وسواس المرض - وسواس الجنابه - وسواس الاحتلام - وسواس العاده السريه والمني - وسواس الصوم - وسواس الحلف تقريبا مريت بكل الوساوس اخلص من هذا يجيني واحد اقوى من اللي قبله ذي قصتي كلها طبعا اخفيت الكثير والكثير اتمنى اني اتغير واصير طبيعيه اصير الانسانه اللي دايم احلم اني اكونها ولان عندي احلام مستحيل اوصلها بذي المشاكل اللي فيني :(

اخر نقطه صارت لي اشياء كثيره برمضان مدري اذا هي وساوس او لا بس ابي احد يفتيني فيها فين ممكن اكتبها ؟

الله يفرج همك ويحقق حلمك عاجل غير اجل
حبيبتي ايي شيء يصيب ابن ادم سواء "هم او حزن او ابتلاء ...الخ" فهو كففارة له ورفعة لمنزلته اذا صبر واحتسب؛ 
مهما سمعتي اي كلمة تهزك تجاهليها واثبتي العكس ،تفشلين بالبدايه وتتعبين ولكن انتي قادره على اثبات العكس ،ارفعي معنويااااتك 
الاهم الاهمم وكلي امرك لله ؛رددي لاحول ولاقوة الابالله بيقيين 
بالنسبة للوساوس هل قرأتي البرامج العلاجيه التي طرحها الخبير هنا ؟

صراحة طرحك للموضوع اعجبني واسلوبك في الكتابة جميل واستخدام خفة الدم في وقتها.
أنتِ يا أختي في ما أضن انك إنسانة قوية و ذكية.
ليس من باب المجاملة او من باب رفع الروح المعنوية ولكن هذا اللي اضنه.
أمورك سهلة وبسيطة وبالنسبة للوسواس اضنه مرحلة ويعدي
عليك باختيار صديقة قريبة منك للفضفضة.
وقبل ذلك عليك بالتوجه إلى الله تعالى بقيام الليل والدعاء له
وصدقيني سوف ترتاحين

ملاحظة:علاج الوسواس موجود في المواضيع المثبته وكذلك علاج العقدي موجود في قسم العقيدة.

الله يعطيكم العافيه ايوه قريت البرامج العلاجيه بس باقي ماطبقت احس طاقتي خلصت وفكرة اني اختار لنفسي صديقه اشكي لها عمري مافكرت اسوي هالشيء تعرفون محد يضمن احد بذي الدنيا بس ان شاء الله بابدا بالعلاج.

الله يعطيكم العافيه ايوه قريت البرامج العلاجيه بس باقي ماطبقت احس طاقتي خلصت وفكرة اني اختار لنفسي صديقه اشكي لها عمري مافكرت اسوي هالشيء تعرفون محد يضمن احد بذي الدنيا بس ان شاء الله بابدا بالعلاج.

الله يعطيكم العافيه ايوه قريت البرامج العلاجيه بس باقي ماطبقت احس طاقتي خلصت وفكرة اني اختار لنفسي صديقه اشكي لها عمري مافكرت اسوي هالشيء تعرفون محد يضمن احد بذي الدنيا بس ان شاء الله بابدا بالعلاج.