هل ممكن ارجع لحياتي الطبيعيه !

السلام عليكم

انا مشكلتي كثره الافكار حول الموت مو عارفه اوقف تفكيري واهدأ فكره تجر فكره لدرجه بثانيه وحده تطرأ علي كل الاحداث السلبيه
مثل : شفت صوره امرأه او رجل قد حدث له شي او مات ، تظل صورته معلقه في مخي وما اقدر اسوي اي شي حتى الاكل او اللبس الا اذا راحت الصوره لاني لو اكلت وهي في بالي راح يصير لي نفسه ومع كل دخول للحمام لازم او قعده او دخول اي مكان لازم قبل ادخل من الباب امسح هالافكار تعبت وتعب عقلي من كثره التفكير

والنوع الثاني لازم لما تجي الساعه 12 ونبدي يوم جديد لازم افكر بشيء حلو عشان لو شفت الساعه وبدينا يوم جديد وفي فكره الموت في بالي راح يصير فيني شي ولازم ما اشرب شي لو آكل شي الا اذا بعدت هالفكره عني
باختصار صارت حياتي متابعه افكار ب افكار وصرت ما اركز

هالموضوع صار له سنه كامله معاي تعبت اشد التعب ما اعرف شلون اوقف هالافكار او اتعامل معاها

اسأل الله تعالى ان يشفيني ويشفي كل مبتلى بهذا الوسواس

ماعليك الا العافية
اول شغلة لست الوحيدة التي يحدث لها هذا ولو يصدق ما نتوهم لكان مات معظم الناس .
لازم تشيلي من بالك هذه السلبية والسوداوية وبدية يوم جديد المفروض بمعية الله 
كثفي الجانب التعبدي وتقربي بالقران والدعاء والذكر
البرنامج يساعدك كثيرا ويغير نظرتك للحياة ابتداء من الابتسامة .
تصفحي الخطوات جيدا وافهميها فهما جيدا .

شلون اشيلها من بالي ؟ دليني ع اول الطريق بس وانا اكمله
هالافكار لا اراديه لدرجه اول ما اقعد من النوم تجيني وانا ما ابيها تجيني لاني اتشائم اذا قعدت على هالافكار

مستحيل تتحكمين بالافكار الي تجيك و إنتي غير محاسبة عليها أساسا لانها مو من ارادتك ولا كان تخلصنا من كل الأفكار المزعجة بس السؤال كيف تكون ردة فعلك اما انك تسترسلين معها و تصدقينها و تبدين تدورين في حلقة مفرغة او انك تحاربينها بس يكون فيه استرسال بسيط 
و كلها خطأ بس عشان يكون تجاهلك صحيح اول شي لازم ماتخافين كل ماقل الخوف كل ما تبدى الأفكار تختفي من نفسها 
و عادي تصنعي عدم الخوف لأنك كذا تعودين نفسك على المواجهه

بصراحه انا لا استرسل ولا اصدقها لككن اربططها بالاحداث اللي تصير
مثلا اذا بروح اشتري شي من السوق وقمت من النوم وطرا علي شخص مات واكون شايفه صورته بالانستقرام او وحده تتكلم انها فقدت شخص ومكتوب على الفيديو فقد شخص ف تكون الكلمه في بالي لما افتح عيوني على طول ف احاول اقلب الفكره او انذكر اشخاص ما صار لهم شي وبعدها اقعد من النوم عشان اشتري اغراضي براحه لاني لو قمت ومابدلت الفكره ورحت راح يصير لي نفسهم

اكثر شي متعبني الرربط
ورابطه نفسي برقم معين لازم مثلا كل شي بهالرقم يكون بدون شي سلبي
مثل رقم 1
لازم اول سجده بدون افكار سلبيه واذا فكرت لازم اعيدها
ولازم اول شربه ماي بدون افكار
ولازم ولازم ولازم ولازم
اتمنى انكم تتفهمون وسواسي الغريب

في سؤال اخر
هل ممكن الوسواس يكون نتيجه عين
بصراحه انا شاكه بهالشي
لان لما اصبت فيه كنت محققه اشياء حلوه ووقتها الكل يقول لي لاتنسين الاذكار لاحصن نفسي ولانه جاء فجأه وبدا يتوسع

😭كتبت كلام طويل و اختفى 
زبدة الكلام الوسواس له أساليب متنوعة فهو يحاول يربط هذي الأفكار بالواقع عشان يحسسك انها حقيقة مو من خيالك و ان فيه شي بصير لك 
و إنتي من كلامك في استجابة له يعني بدال ماتكون فكرة عابرة ثانية و تختفي لا تبدين تدخلين بنقاش معها سواء انك تحاولين تنكرينها أو تقاومينها او غيره 
فتصير تتسلط عليك ردة فعلك هي انه مايكون فيه ردة فعل أساسا يعني ولا كان هذي الفكرة جتك 
و سؤالك الثاني شوفي مابيك توسوسين بس أتوقع كل شي جايز ان هذي الأمراض النفسية ممكن تكون من حسد و غالبا سببها الشيطان اهم شي حافظي على وردك