وسواس العلاقات الاجتماعيه

السلام عليكم شباب اتمنى تفيدوني بهاذا شي .. انا عند وسواس بالجمعات مثل جمعة اهل ولا عشا ولا عرس ، افكر كثييييير بالعادات والتقاليد يعني مثل من وين ابدا اسلم ؟ وش ارد اذا قالي شي ؟ لدرجة اني صرت ما احضر هاذي الجمعات .. واذا سويت شي خطا يعني مثل صبيت قهوه بس مليت الفنجال شوي ،، انقهر واعصب واكتئب بس عشان هاذا الموقف لاني خايف من كلام الناس لدرجة اني دايم افكر اني انتحر او اسوي اي شي يئذيني والصراحة تعبت من هاذا الشي لحد الحين قاعد افكر بمواقف قديمه مره صارت لي .. وزاد هذا الشي يوم دخلت الجامعه عشان علاقاتي مع الناس بالجامعه وصرت اتجنب اني اتكلم مع اي احد . اتمنى تفيدوني كل يوم حالتي تزيد عن قبل .

وعليكم السلام والرحمه الحمدلله على كل حال اعتقد ان انت فيك قلق ما وصل لمرحله الوسوسة والموضوع بسيط جدا حله قراءه الكتب والمقابلات التلفزيونية الثقافية والاطلاع على الآداب الإسلامية مثل السلام دائما من اليمين نبدى وسؤال الأصدقاء او من تثق بحكمهم عن طريقه التصرف في بعض المواقف مثلا وترا كلنا يصير لنا كذا انا وانا مراهقه اتهزاءت قدام المعازيم من وحده لاني صبيت باليمين وقدمت الفنجال باليسار وذا غلط المفروض العكس والعلاقات رسميه افضل شيء

جزاك الله خير احس براحه لما احد درى بمشكلتي مع اني ماقد حكيت لاي احد عنها ولا حاولت حتى ادور اي شي يفيدني ان شاء الله بسمع نصيحتك وببدا اقرا كتب وشكرا مره ثانيه .

تم الإرسال من خلال التطبيق Topic'it