السلام عليكم ..
قصتي مع الوسواس فيها الكثر من الاحداث و التفاصيل , بحاول اختصر قد ما اقدر ..
ممكن كان معاي الوسواس من الصغر في أمور معينه لفترة وايد قصيرة و تختفي ..
لكن بدأ معاي الوسواس القهري من سنتين تقريباً ... تعبت ,, كان فترتها خالتي صادها الخبيث بعيد الشر عنكم .. و كنت حامل وقتها ,, و زوجي طلقني بدون سبب .. هاي الأمور سبب لي حزن واييييد عميق .. بس كنت أحاول ابين للكل اني بخير ..
بدأ الخوف معاي لمن كنت يومياً احس بدوخه .. و احس مثل النمل يمشون في راسي .. و سويت تحاليل واشعه والخ ... وبين انه شد من السترس الزايد ..
و مع الوقت تنميل في كل جسمي مستمر .. خوف من غير أي سبب الم في البطن لمده أسابيع و كل شي اسوي له تحاليل و اشعه .. يمكن خلال هل سنتين صرت ازور المستشفى تقريبا كل شهر ..
وساعات أحس انه ريولي ما تشيلني مادري شلون أوصف الشعور ..
كل يوم شي جديد صار فيني خوف من الامراض الخبيثة .. أي بقعة في جسمي لازم اسوي بحث عنها .. صار فيني هوس .. خوف .. لوعة ..
زرت طبيب نفسي و اعطاني ادوية استخدمتهم لفترة طويلة .. بس مع الوقت سوا لي حليب و تخرعت فوقفتهم ..
كنت انسانة رياضيه الحين ما اشتهي بس امشي بس ابي انام مابي اطلع من البيت .. واااايد وايد تفاصيل ..
كله فيني خوف ماقدر أكون سعيده .. واذا صار لي شي واايد حلو استانس وقتها عقب انهار احس بيصير شي يخرب ..
خوف .. هلع ..رهبة .. فلوسي كلها للمستشفيات ..
صرت أخاف لدرجة تطلع شامه صغيرة اقرى عنها و اسويها قضيه كبيرة .. و اقول اني ماراح اروح المستشفى عشان اجيكها بس يصدني خوف ..
ماعرف لي متى تعبت ..
ماعرف شاسوي اتخيل وايد امور بتصيدني في المستشقبل اشيا كريهه ..
السموحة طولت عليكم بس جد ماعرف شلون أتصرف ..