الوسواس دمرني

السلام عليكم ورحمة الله وبركاته
اخباركم ؟
انا مشكلتي الوسواس واتمنى اني احصل العلاج انا انسانه تعبت من الوسواس احس انه تملكني قاعد يأكلني من داخلي ومو عارفه كيف اتشافى منه وان شاءالله ان ربي يكتب لي العلاج ولعله ربي أرشدني اكتب رسالتي واحصل العلاج عندكم ، اول شي راح اشرح لكم حالتي ان جاني الوسواس من تقريباً اربع سنوات يعني لي اربع سنوات أعاني بسبب الوسواس بالبدايه جاني بالصلاه اني ما صليتها عدل او اني نسيت ركعه لو نسيت اقول ربي اغفر لي او الشهادة بعدين صار يجيني في الوضوء بعدين في الطهارة بعدين في الاستنجاء وصرت أظل في الحمام لمدة ساعه وأغير ملابسي اذا وسوست وبعدين في السنتين الاخيره قام يجيني وسواس بسب الناس والدعاء عليهم والله يشهد علي اني ما ابي ادعي عليهم وكنت احبهم وحتى كانوا يقولون لي انتي قلبك طيب وكنت اتمنى الخير للناس ولا احب اضرهم وكنت أضر نفسي ولا اضرهم وبعدين السنه ذي في رمضان جاني وسواس سب الله والله اني انهار بسببه واحس بزي الكتمه بصدري ومو قادره امنعه وبعدها صرت انا أتعمد اسب بداخلي في الصلاه والله يشهد علي اني كارههه ذا الشي واني ما ابي اسل بس غصبن علي صرت اتخيل الآيات وأنها مربوطة بسب واذا قريت القرآن وتمعنت فيه يجيني السب راسب من داخلي متعمده وعلماً ان كل هذا من داخلي والله يشهد علي اني ما ابي اسب واني كاررهه لها واني احاول بكل جهد اني ما اسويها بس غصبن عللللي قاعده افكر اني أتجاهلها بس انا اقولها متعمده كيف أتجاهلها ؟؟؟؟ قاعده احس بعذاب اخاف من ربي اخاف يعذبني اخاف ما يغفر لي صرت أعيد الصلاه اكثر من مررره، أتعذب لما اشوف غيري يصلي بخشوع ويخلصها ولا يخاف يصلونها وهم واثقين يصلونها وما يحاتون الصلاه ويرتاحون فيها انا صرت اخاف من الصلاه واخاف من موعدها واخاف اذا حين اصلي اني اسب انا تعذبت بما فيه الكفايه ما احس اني طبيعيه ابي ارجع لطبيعتي ابي ارجع لنفسي القديمة انا عمري 18 سنه وخايفه اني ما اعيش حياتي بسعاده بسبب الوسواس تكفون ساعدوني لا تقولون لي طبيب لان اهلي مستحيل يرضون تكفون اكتب لكم وهذا وخانقتني العبرة صرت اخاف من الجمعات اخاف يأذن هناك وانا مقدر ادخل الحمام واذا دخلت قعدت لي ساعه واوسوس في خروج الريح حياتي ضايعه بمعنى الكلمة انا احب ربي واحب الرسول احبهم اكثر من نفسي اكثر من اي حاجه بالدنيا ولا عمري كرهت ربي ولما تصير لي اشياء مو زينه يجيني سب الله ان ربي هو اللي كتب لي هذا الشي الي مو زين وانا راضيه بقضاء الله وقدره ساعدوني تكفون ابي اعيش حياتي ابي ارجع طبيعيه الوسواس وبالذات سب الله لانه ملازمني طول وقتي في الصلاه ولما اكون متعمده بسب الله انهار ألف مررره عطوني الحل تكفون اذا كان الحل التجاهل كيف اتجاهله وانا اتعمده كيف علموني ربي يدري اني كارهه ذا الشي ويدري اني أجاهد نفسي بس ما اعرف كيف أتخلص منها اسأل الله ان يشفيني ويشفي الجميع من جميع الأمراض واتمنى منكم مساعدتي والإجابة لان حياتي قاعده تنهار بسبب الوسواس وشكراً لكم .

والله يا أختاه أنا مثلك تماما ولا أعلم كيف يتغير مخ الأنسان بهذه الصورة أعانك الله على ما أنت فيه وحاولى التجاهل الجاد حتى لو سمعت صوت السب بداخلك وليرحمنا الله ليس بأيدينا شيء

انت تشافيت منه ؟

نفس الحالة عندي
كنت أقلق كثيرا لكن عندما تيقنت أنه ليس مني بدأت اتجاهل وهو يسب وكأنه مجنون يتكلم والحمد لله تخلصت منه بنسبة 90% أنصحك بالتجاهل لا يوجد حل أنجح من التجاهل قولي أمنت بالله ورسله ثم تجاهلي وكأنه مجنون يتكلم ولن يحاسبك الله عليه لانه وسواس وليس منك تجاهلي ولا تصححي الفكرة وتقولي أنا لا أريد أن اسب ولا تحاولي تشغلي نفسك بشيء أخر وكأنه مجنون يتكلم الموضوع صعب جدا أنا مررت بنفس التجربة لدرجة كرهت حياتي وبقيت أنتظر متى أموت فقط لكن يحتاج إرادة وصبر ودعاء لكن تذكري معاناة خفيفة في تجاهل خير من معاناة شديدة في تنازل لا تتنازلي وإذا سألك أحد كيف حالك لا تخبريه أنك تعانين وتصرفي بشكل طبيعي جدا وأكثري من الإبتسامة ولا تجلسي لوحدك تجنبي الوحدة في فترة العلاج والصبر ثم الصبر ثم الصبر

يعني حتى لو سبيت متعمده أتجاهله وما اصححه ؟؟ انا اسب متعمده بس انا كارهه ذا الشي وربي يدري اني أجاهد نفسي عشان اتشافى منه واني أكرره هذا الشي ياليت تفيدني ؟؟؟

انت لا تسبين متعمدة يعني هذا ليس منك لأنك لو توقفتي عن حديث النفس وعن التفكير تماما يأتيك السب وأنت كارهة له وربما يأتيك وأنت في جماعة من الناس تتحدثين عن موضوع أخر تماما لا علاقة له بالدين يأتيك السب وينغص عليك ويحبطك وهكذا وهكذا حتى يفسد كل أيامك وصدقيني لا يوجد دواء أفضل من التجاهل حتى النبي صلى الله عليه و سلم قال إستعذ بالله وإنتهي أي إستعيذي بالله من الشيطان وإنتهي عن هاته الوساوس أي تصرفي بشكل طبيعي جربي التجاهل لمدة يوم واحد فقط ولاحظي الفرق أول يوم سيكون جهادا عظيم وستقهرين حتى لأ اخفي عليك شيء لكن اصبري وتذكري أنك بمجرد التنازل سيعود ولن يزول معاناة خفيفة في تجاهل خير من معاناة شديدة في تنازل ولو طبقتي هذا التجاهل لثلاثة أيام فقط سيزول بإذن الله وحافظي على ما حققته من تجاهل أنا بثلاثة أيام إندهشت بالنتيجة والأن يأتيني مرة على مرة لكن أتجاهله الأمر صعب جدا جدا حتى أحيانا أعتقد أنه مني وليس من الوسواس خصوصا عندما تطبقين التجاهل والوسواس طويل النفس أي تجااوب منك ولو بسيط يعيدك للأول بل وأكثر لذلك عامليه مثل المجنون ولا كأنه يتكلم ولا تناقشي الفكرة ولست أثمة وأنت مأجورة على جهادك وكرهك لهذا الوسواس من صريح الإيمان والحمد لله

شكرررررراً لك شكرررراً لك لو اقعد من هنا ليكرا وانا أشكرك مارح اوفي لك حقك انا كنت محتاجه احد يقول لي هذا الشي لدرجه اني لما قلته لاختي ما احس اني استفدت منها لان ما جربت اللي انا جربته بس لما احد ينصحني من تجربه ارتاح اكثر شكراً جزيلاً لك وان شاءالله راح ادعيلك دائماً في كل دعوه أدعيها واتمنى لنا الشفاء تماما عاجلاً غير اجل وشكراً لك

أكيد مهما تكلمت لن يفهمك إلا شخص مرة بنفس حالتك
أمين وإياك

اليوم سويت نفس ما قلت صح اني تعذبت لكن تجاهلته والان وانا اكتب قاعده أتجاهله وزي ما قلت عذاب ايام بسيطة ولا عذاب طول العمر

اسبوع وتظهر النتائج بإذن الله واصلي التجاهل التام لا مناقشة ولا إظهار عكس الفكرة ولا تقنعي نفسك أنها خاطئة وتجنبي البقاء وحيدة قدر الإمكان في فترة العلاج وابتسمي ولو تصنعا أسأل الله أن يشفيك ويشفي جميع مرضى الوسواس

السلام عليكم يا اختي
عشان م اطول عليك ب ادخل بالموضوع على طول
كل سطر كتبيته اشوف نفسي فيه حرفيا صلاة اعاده تغير ملابس ساعه في الحمام سب شتم وفي الصلاة كله كله وصلت لمرحله فضيعه ماتتوقعينها بغيت اذبح نفسي بدون م ادري وصلت لمرحلة الجنون بعد ماكنت حركيه ونشيطه صرت بس ابي اجلس من التعب م احس في رجليني ولا ظهري وتمر ٢٤ ساعه م اكل وجهي ذاب وصلت لمرحله ادعي على نفسي اموت مع انه مايجوز انهرت
مع اني اطبق كلام الخبير وارتاح لكن كنت غير عنك شوي اضطريت اروح لطبيبه
ونصيحتي لك بعد معاناتي من ٥ مدري ٦ سنوات وبعد مالفيت الدنيا والمواقع وصرت اشوف بعيون الناس الي يكرهني في نفسي وللان تراني لم اشفى ولازلت اراجع الطبيبه واتذكر البرنامج العلاجي للخبير وتحسنت قليلا
من الان وقفي وقفه قويه جازمه لاتتراجعين في ولا حاجه (احس_يمكن_اتوقع_اخاف) اي شي تسبقه وحده من هالكلمات لاتسوينه ابد كان نسيان في صلاة كان في غلط نطق كان في وضوء او طهاره او ملابس غضي طرفك بشكل كامل لان هذا اصلا ترضين فيه ابليس موب الله عزوجل ومن متى ابليس ينصح ويبي لنا الخير الا كذاب متوعد يدخلنا النار ويغوينا ولا يخاف لاعلينا ولا على ديننا الا يضحك علينا بعد ما خلانا نشعر ان الدين عسر مب يسر وهو اصلا العكس الدين دين تيسير ونصيحه ثانيه ترا الخوف والقلق والتفكير والهم واني واني ترا والله م انفعتني انا يامحدثتك الا ترديت من اردى ل اردى لا اعياد لا اجتماعات والجامعه اغيب ..اكتب لك وانا مقهوره ويوم قريت كلامك انقهرت زياده تصيحه تكفين لاتسمعين انا من عمري ١٨ لين هالسنه هذي تخرجت من الجامعه وانا في هم وصياح ونكد ..لكني الحين بديت ارجع على شوي شوي واطنش كلامه ترا اتعب واصيح لكن م استجيب اكمل غصب والسب في الصلاة ليومك هذا معي لكني متقينه انه من ابلس مب مني حتى لو قلته من داخلي اكمل واكمل واكمل ابدا -تجاهل- اكمل امشي عليها واخيرا معليش طولت عليك وفي خاطري كلام بعد لكن بوقف هنا وابيك زي م انا الحين احاول واقاوم واقول لنفسي منهو ابليس عشان اسوي الي يبيه اذا قال لا اسوي العكس قبل كم يوم صحت وتعبت وامس وللان ولدقيقتك هذي افكر في الصلاة الجايه لكن مالي الا المقاومه القويه ف ابيك تبدين ثم تبدين ثم تبدين.

شعور يوجع تحسين انك في عالم غير والناس في عالم غير وانا اقرأ كلامك جتني الصيحه والشيطان حله الوحيد هو التجاهل فعليا احسن حل التجاهل انا اللحين قاعده اتجاهل لدرجه اني حلفت اني ما أعيد الصلاه فعلاً من لما كتبت كلامي والأخ قال لي اني اتجاهل من يوم قريت الكلام وانا ما عدت ولا صلاه شعور الوساوس تحسين ان يأكلك من داخل صرت اتمنى اني اكون انسانه متبلده من الشعور بس خفت بعدين لا احس بالذنب المهم واي صح كلامك لما قلتي ( اخاف،احس ،يمكن ،اتوقع) فعلياً ذي الكلمات اللي تجيني واللي انا اقولها ومرات استرجع ذكرياتي قبل لا يجيني الوسواس تعرفين شلون يعني اشتقت ؟ كنت انسانه مرتاحه كنت همومي عاديه وتنحل لكن من بعد الوسواس صار هو همي ! عجزت ارتاح عجزت ارجع طبييعيه كل اهلي يقولون لي تجاهلي تجاهلي عجزت انا غبيه المفروض تجاهلته من اول ما جاني من اول ما حسيت فيه لكن للاسف اني استرسلت معه لكن اللحين خلاص انا ما عاد راح أتعذب الحياه لسى طويله ليش اعذب نفسي والدين يسر وانا من الوساوس اقول شلون الناس يقولون الدين يسر وهو بالنسبه لي عسر ( استغفرالله ) الشيطان يحاول انه يكرهني بالدين بس يخسى ويعقب انا اللي بكرههه فيني وبتشوف يا ابليس وتدرين مرات شلون أخفف على نفسي ؟ انا بقولك كيف، ارجع اشوف صوري القديمة قبل الوساوس ومن ذي اللحظه سبحان الله ربي يرزقني قوه اني اتجاهل الشيطان وارجع استرجع الذكريات قبل ما يجيني الشيطان وربي يعطيني قوه سبحان الله وما انكر اني لما اشوف الصور واسترجع الذكريات اصيح ! لاني اشتقت لنفسي القديمة اشتقت لها احس اني فاقدتها فاقده نفسي الاوليه وما انكر ان اللحين خنقتني العبره! لكن ان متيقنه ان ربي بيشافيني واكبر سبب اني واثقه بربي ودايما أكرر ان معي ربي ، ربي مستحيل انه يتركني وفي شي واحد وبرجع اقوله وقلته فوق ( الدين يسر وليس عسر واحنا كنا نصلي براحه وما كنا توسوس ابداً وراح نرجع على طبيعتنا ) ولو فعلاً قال لنا الشيطان ان الدنيا عسر طالعوا بالناس العاديه اللي ما عندها وسواس واسألوهم الدين فعلا عسر ؟ اكيد بيقولون لا الدين يسر ولا فيه اي صعوبه لكن مين اللي صعبها علينا (الشيطان الله ياخذه) وبالنهايه انا عزمت على نفسي مارح ارجع له ابدا واذا حابه انك تبدأين معي في برنامج أتشرف فيك ان معي احد أتواصل معها نفس حالتي واتمنى الشفاء للجميع من جميع الامراض

السلام عليكم
خواتي بارك الله فيكم ممنوع تبادل طرق التواصل في المنتدى، وكفى بهذا المنتدى طريقة تتواصلن بها.
ونصيحتي الشخصية لكنّ: احذرن من التواصل الاجتماعي فهي والله باب شر عظيم فيه من المفاسد ما الله به عليم، فاحذرن يا اخواتي وتذكرنّ ليس كل شخص مقصده شريف وليس كل من جاء بطريق النصح كان ناصحا.
ولاسيما اخواتي الصغيرات احذرن بارك الله فيكم فوالله لكم ناصح.

اهلا من فضلكم احيبوني الوسواس الذي يقول إن فعلت هذا او أخبرت أحدا بهذا فستمرضين بمرض........و الاسترسال معه و التخوف منه حتى تصبح تراعي كل كلمة تنطقها ....ان شاهدت هذا ستمرض ان تركت هذا سيحدث لك رغم انه لا اسباب علمية لهذا ....و كيف يعالج و التفكير دوما بالأمراض و لا أعرف لما و جلد الذات و غيره ........من فضلكم احيبوني طمأنوني و ماذا علي ان افعل

نفس بالضبط اللي يجيني نفسسسسسسسه بالضبط لدرجة اني ما اقول بعض الحروف بسبب اني خايفه ! حرف واحد احط له معنى !!!!!!
لين ما خلاص طفح الكيل فصرت اقول لربي ( ياربي مهما قلت لحاجه سيئة لو تمنيت حاجه او فعلا حاجه اني أضر احد او أضر نفسي ياربي لا تستجيب لي ياربي انت اعلم بأني اتمنى الخير لكل الناس ولي ياربي لا تستجيب لي اللي مو زين مهما تمنى قلبي ذلك وابعد عني هذا الشيء اجعلي افعل الخير واتمنى الخير لكل الناس حتى من عدوي) هذا اللي اقوله وانا متأكدة ان ربي يسمعني وعارف بقلبي وعارف انا وش ابي وصدقني ربي مارح يرد احد يبغى يتغير للأفضل وهذا من الوسواس صدقني لان كلنا يجينا كذا فا انت قول زي ما اقول واستغفرالله كثيراً
وتخيل لدرجة مرات ابي انزل قرآن بس يمنعني الوسواس ليه يقول لي اذا نزلتيه معناتها انتي نزلتيه بدافع انك تتمنين الشر لغيرك ! يمنعني عشان القرآن ما انزله وأكسب الأجر فا انا اعانددد
الشيطان اذا قالك يمين قوله يسار واذا قالك يسار قوله يمين واسأل الله الشفاء والعافيه للجميع.

عاوز استشاره اعمل ايه انا لسه جديد

عن إذن الادارة فيه قناة على اليوتيوب للمستشار والمعالج النفسي مثنى العطار رائعة جدا لعلاج الوسواس القهري بطريقة جفي شوارتز