طمنوني وافيدوني!.

انا بديت في العلاج ولله الحمد وللحين مستمره وان شاء الله اني اتقنه وانجح فيه وكل من يحاول مثلي،،انا بسأل المتعافين هل الوساس جميعها اختفت يعني ابداً ما تروادكم الوساوس ولاتفكرون فيها؟ يعني هل عادت حياتكم زي قبل ماتحسون بشي ماتحسون انه قد جاكم وسواس وعانيتم منه؟ هل نسيتم الوسواس بعد التعافي؟ هل ارتحتمم ككثير؟ احتاج جرعات امل احتاج شي يقويني اكثر واكثر مو بس انا فيه كثير ينتظرون جواب لهذي الاسئله،،وكمان اقول لكل اللي يعانون من الوساوس بأنواعها"تجاهلوا تجاهلوا حتى لو فيكم الغصه حتى لو تحسون بالضيق وتحسون بالبكاء خلوكم متجاهلين،واجهوا واصمدوا،وتخيلوا مع ذلك الله يحسب لنا الاجر،حتى واحنا تعبانين ومتضايقين نكسب اجر لاننا نحاول ونتعب عشان ندمر هذا الوسواس اعوذ بالله منه"،،ادعوا الله بأن يشفيني ويشفيكم جميعاً وجميع المسلمين وانا يرد لنا صحتنا ويرد لنا عافيتنا وانا يكتب اجرنا وانا يثبتنا على الدين،ودايماً رددوا هذي الآيه"لاتدري لعل الله يحدث بعد ذلك امرا" ويمكن تكون خيره لنا،الله يحفظنا ويحفظكم من كل مكروه،والله يوفق الجميع.

ادعوا الله ان يرد لنا صحتنا ويرد لنا عافيتنا وان يكتب اجرنا وان يثبتنا على الدين*

أهلا اختي دلال
أهنيك على ايجابيتك وتفاؤلك وحسن ظنك بالله
والاجمل انك ذكرتي موضوع احتساب الاجر ؛ أضيف على كلامك واقول لكل مصاب والله لن يضيع عند الله سبحانه وتعالى محاولاتك واصرارك وجهادك وما تحملت من الم ومعاناة في سبيل الخلاص من الوسواس .
إذا كان ألم الشوكة البسيط يؤجر عليه المسلم فكيف بحجم ألمك وحجم تعبك ..
وانصح الجميع عند تطبيق العلاج أن يعلق قلبه بالله ويستعين بالله في كل وقت وكل حين فالنفس ضعيفه بدون عون خالقها .
نعم ابذل الاسباب وجاهد وأري الله من نفسك كل خير لكن الاستعانه بالله وتعلق القلب بالله قبل هذا كله كرر لاحول ولا قوة إلا بالله كثيرا ؛كررها ما استطعت لتستمد قوتك وصبرك من الله .

وبالنسبة لسؤالك اختي :
لا تعطي الوسواس اكبر من حجمه ولا تضعينه تحت المجهر اقصد لا تتوترين اذا عادت اليك بعض الافكار او شعرتي ان الوسواس بدا يعود
انشغلي في حياتك وتجاهليه هذا هو الحل .
أما اذا قلقتي وظليتي تفكرين فيه كل ماشعرتي انه رجع مرة اخرى كذا بيكبر معك الموضوع وبيرجع تركيزك عليه من جديد وتهدمين اللي بنيتي
تجاهلي و العافية وشعور الراحه ستأتي مع الايام .

تمنياتي لك بحياة مطمئنة .