هل هو حديث نفس ؟

كنت بفكر في موضوع و من ضمن التفكير صرت اقول في نفسي اشياء  كفر  بعدين استعذت و  استغفرت
فهل هذا احاسب عليه او هو  حديث نفس ؟
يعني كانه هو مني مو غصب عني تطلعلي !

هو مثل اذا شك ما اعرف كيف اشرحها لكن هي فكرة طلعت مني كاني قبلتها و بعدها قلت انها حرام و رجعت فيها

ارجو الرد علي فانا محتارة في نفسي هل اثمت ام لا ؟

هذا حديث نفس بااختي لا تحاسبين عليه ولا تستغفرين منه .
الشيطان يوهمك بأنك قبلتي الفكرة .. وفي الحقيقة هو الذي قبلها ليس انتي ... لانه يفكر بعقلك فتظنين ان هذه الوساوس منك .

انصحك بعدم الاسترسال مع هذه الافكار اشغلي نفسك ياختي باعمال او اي شى .. اشغلي نفسك عن التفكير .

ان شاء الله
شكرا لك اختي حلم ريحتيني

السلام عليكم
البوم كنت اتوضا وانا ماسكه نفسي علشان اصلي اجاني سب للرسول بسبب انه ما بنفع اصلي وانا ماكسه حالي
فانا قلت في نفسي انو عادي اصلي ما غلط لكن مكروه و بعد فتره انتهت انو ما استعذت من هاي الوسوسه و انها مني لانو كان بدي اصلي باي حال من الاحوال
هل هذا كمان حديث نفس ؟
واذا كان هيك كيف اقدر افرق بين حديث النفس او الشي الي اؤثم عليه ؟

هذا حديث نفس و وسواس حتى لونطقتي بيه ماانتي محاسبه عليه مطلقا انا اقول لك ايش تعملي طبعا بعد كلام اختي الحبيبه حلم اول شي طنشي لاتستغفري لاتتعوذي ولاشي اذا شفتيه زاد وانتي مطنشه قولي امنت بالله وبرسله ثلاث مرات. بسم الله الرحمن الرحيم هوالاول والاخر والظاهر والباطن وهو بكل شيء عليم.  اعوذ بالله من الشيطان الرجيم من شره ونفخه ونفثه بشم الله الرحمن الرحيم تفي عن يسارك ثلاث مرات وبس لاتتجاوبي مع شي ثاني انهيه ترى كنت مثلك اذا زاد بعد هذا فطنشي لاتستغفري ولا شي لانه هذا مو كلامك هذا كلام الشيطان ماانتي محاسبه عليه طنشيييييي بالكثير ثلاث ايام وتشفي منه ان شاء الله

وعليكم السلام
يا اختي لا تدخلين عقلك في معركه هل هذا حديث نفس او لا !!
ثقي تماما ان جميع ماتشعرين به ومايفكر به عقلك هو وسواس وانتهى الامر .. لا تدخلين عقلك في نقاش مع الوسواس .

لو قبلت فيه لفتره بسيطه و بعدها كذبته بكون حديث نفس او لا ؟

كلها حديث نفس لستي محاسبة عليه .

قلت في نفسي خليني اصلي لكن ما كان بدي اصلي و اجاني في نفسي كلام على الله اعوذ بالله فانا قلت بالموافقه كلام قلته طلع صوت بعدين اجا في نفسي كلام: على فكرة انتي هيك كفرتي
و الحين شو الحل؟
كفرت ؟
اما انا الحين فراغ جواتي و لا كانه شيء صار !

لم تكفرين .. اقراي البرنامج العلاجي لوسواس العقيدة ففيه شرح كامل لحالتك .. جميع الروابط مهمه .

https://www.alkhabeer2.com/t26-topic

https://www.alkhabeer2.com/t60-topic

https://www.alkhabeer2.com/t59-topic

https://www.alkhabeer2.com/t1393-topic

https://www.alkhabeer2.com/t24-topic

https://www.alkhabeer2.com/t31-topic

https://www.alkhabeer2.com/t32-topic

https://www.alkhabeer2.com/t108-topic

https://www.alkhabeer2.com/t484-topic

هل هاد كمان الوسواس انو كل ما صار شيء ما يعجبني او يضايقني يبدأ عندي السب في العقيده لو كان وسواس هيكون في كل مرة؟
سؤال اخر انا اجاني افكار بالعقيده اول مرة تجيني يعني مو وسواس و استرسلت معها انا بارادتي هل احاسب ؟
القصه انو انا اجتني الافكار هاي بدل ما اطردها قعدت افكر فيها بعدين تعوذت من ابليس بس ما بعرف حاسه اني غلطانة لما كملت معها بالبدايه لكن هل هالغلط كبير كتير ؟ بكفر ؟ كم حجمه ؟ مع العلم انا ماني متوترة و لا خايفه هالشيء غريب مو ؟
سؤال كمان اجى في نفسي سؤال انو ليش ما بستغفر فقلت ليش استغفر دام انو سبحان و بحمده تمسح الذنوب .. هل هاد الرد خاطئ؟ مدري هو صح انها تمسح الذنوب بس كانه ما حلو ؟

اختي هل قرأتي روابط العلاجي ؟؟
لان فيها اجابات لجميع تساؤلاتك بل وشرحها .

جميع ماذكرتي وسواس لا تحسابين عليه .. لكن لا تسترسلين معها اشغلي نفسك ياختي بأعمال تنفعك وتشغلك لا تفتحين حوارات في عقلك مع الوسواس وتظلين تفكرين هل طردت الفكرة من البدايه ام استرسلت معها ثم طردتها !! هل كفرت !! هل انا متوترة او عادي !!!
ي اختي لا تُفرغين عقلك للوسواس وكأنك خُلقتي لهذا الامر .

ارجو منك ياختي اتباع البرنامج العلاجي ارسلت لك في الاعلى الروابط كامله .

ان شاء الله ببدا
اختي حلم انا عارفه من نفسي انو ما بقدر امشي فيه حاولت من قبل اول كم يوم برتاح من الوسواس بس بعدها برحع كل شي متل اول لهيك متردده

بل تستطيعين .. استطاع غيرك وكانت حالتهم اقوى واشد واصعب .

لا تدعين الشيطان يحطم ارادتك .. والله لو استعان الانسان بالله حق الاستعانه في كل اموره لاعانه على تطبيق البرنامج وعلى كل شئ .

بالنسبة بأن الوسواس يعود لك بعد البرنامج فأحد الروابط التي ارسلتها لك تشرح بالتفصيل هذا الامر .

ان شاء الله ببدا اليوم
شكرا اختي على تعبك معي 🤍

عندي بعض الاستفسارات عن البرنامج
١- من اركان العلاج التجاهل و الصمود و المواجهه و لازم انو ما نحاول نقنع نفسنا انو الي عملناه صح لكن نخلي كل شي متل ما هو علشان نقدر نكون حققنا المواجهه مو هالشي بتعارض مع التقييم الي فيه اول شي انو الافكار من الشيطان و الاعتقاد بالنقيض و الفرح بالنتيجه
٢- كل الافكار اتجاهلها بمعنى كل شيء و لا كانه صار شيء و استمر عادي طيب شلون هيك اذا كان شخص بسب الاسلام و هيك او بحاول يخليكي تاخدي ذنب ما انتي فيه ما رح تردي عليه و تغلطيه ؟
٣- كيف ممكن اتخلص من التردد اذا كنت صح او خطا كان حديث نفس او لا بس بالتجاهل
٤- لما بكون بعمل اكتر من شغله قصدي بعمل شي عملي و بفكر بشي و بجي الوسواس في شغله ثالثه بتصير خربطه كتير بكون ما بعرف شو الي صار و بالغالب بنسى شو التفاصيل كمان هاد بس تجاهل صح

١/ لا ليس هناك تعارض بالعكس الفكرتين مكمله لبعضها .
٢/ اللي يسب بداخلك هو الشيطان لذلك لستي مكلفة بالرد عليه .
٣/ نعم .

في الحقيقة لدي سؤال ايضاً  إن كانت الوسوسة من الشيطان فكيف تصيب بعض الكفار؟
اضافة الى اني مصاب بوسواس العقيدة فهل هو من الشيطان؟

اختي حلم اليوم بدات حاولت لكن مع الوقت بدات عزيمتي تضعف
القناعه بأن هذه الأفكار المزعجة إنما هي من الشيطان 70
الاستعاذة بالله من الشيطان الرجيم ، ومعرفة كذبها %80
اعتقاد نقيضها ثم الفرح بهذه النتيجه 60
التوقف عن الاسترسال معها وعدم الاستمرار بالتفكير بها %40
عدم تنفيذ الفكرة التي يلح عليها الوسواس70
ابتعد عن الوحدة والفراغ فهي أساس المشكلة %80
إذا جاءتك الفكرة فأشغل نفسك بأمر آخر %40
استمر على فعل هذه الخطوات مع كل فكرة تسلطية60
ابتعد عن الحزن والانفعال وأكثر من الابتسامة 60
ابتعد عن الشكوى للآخرين وحاول أن تثني على نفسك كثيرا: هاي ما بعرف شو نسبتها يعني ما بتكلم غير هون في الموقع ما حدا بعرف من حولي هالتفاصيل و ما تكلمت فيها اليوم اما الثناء ع النفس ف انا ما بدي اتكلم عنه
يجب عليك أن تنسى المرض نهائيا ولا تجعله شغلك الشاغل70
إذا أحسست بأعراض الخوف فاطمئن واعلم أن ذلك من الأمور الطبيعية40

اخي عبد الرحمن الشيطان عدو البشريه كلها كل ابن ادم بسبب تكبره و عدم سجوده لابينا ادم عليه السلام لما امره ربنا عز و جل لذلك هو عدو لنا كلنا
عدو لغير المسلمين انو يحزنهم و ما يخليهم عايشين بقلق و هم
و للمسلمين زياده عليهم محاوله للتضليل عن الهدايه و الوحدانيه
لانه الغير مسلمين اصلا في ضلال فلو حاول يوسوس لهم بالعقيده تبعهم ايا كانت هيك في احتمال يتعرفوا على الحق و هو ما بده حدا يرضى ربنا عز و جل عنه و بدو الكل في النار متل ما هو فيها
في دايما كانو يشبهوها بالبيت العامر و البيت الخربان المسلم متل البيت العامر و الشيطان بحاول يهده و غير مسلم متل البيت الخربان المهدوم ما بقرب عليه ما عنده شغل فيه اصلا خربان

طبعي ان البدايات تكون صعبه وتضعف فيها العزيمه قليلا
لكن مع الصبر والاصرار على الشفاء وتغيير الحال سترتفع عزيمتك لا شك .
وتذكري ان صبرك على التطبيق اهون من صبرك على مرارة استمرار المرض .

ان شاء الله
في عندي كم سؤال
١- هل لو انا محتاره في شغله لو هي حلال او حرام ما دخله بالوسواس لكن شكيت فيها و خايفه تكون حرام و انا متعلقه فيها هل يجوز لي اني ما اسال عنها
٢- اجتني هديه (طعام) لكن ع الاغلب بمال فيه شبهه فشو لازم اعمل هل اقبل او لا
٣- هل المسلسلات حرام؟ ولو كانت واقعيه
اسفه على الاسئله بس كتير بتجيني

شكراً لكِ اختي بسمة

تقييم اليوم
القناعه بأن هذه الأفكار المزعجة إنما هي من الشيطان ٨٠
الاستعاذة بالله من الشيطان الرجيم ، ومعرفة كذبها٨٠
اعتقاد نقيضها ثم الفرح بهذه النتيجه ٦٠
التوقف عن الاسترسال معها وعدم الاستمرار بالتفكير بها ٣٠
عدم تنفيذ الفكرة التي يلح عليها الوسواس٣٠
ابتعد عن الوحدة والفراغ فهي أساس المشكلة ٣٠
إذا جاءتك الفكرة فأشغل نفسك بأمر آخر ٤٠
استمر على فعل هذه الخطوات مع كل فكرة تسلطية٣٠
ابتعد عن الحزن والانفعال وأكثر من الابتسامة ٣٠
ابتعد عن الشكوى للآخرين وحاول أن تثني على نفسك كثيرا ٣٠
يجب عليك أن تنسى المرض نهائيا ولا تجعله شغلك الشاغل ٦٠
إذا أحسست بأعراض الخوف فاطمئن واعلم أن ذلك من الأمور الطبيعية ٤٠

اليوم التقييم اقل من امبارح بكتير .. في افكار تجيني اني اعمل شيء بحاول اطردها و لكن فجاه بعملها .. الافكار فقط ممكن اتعامل معها