كيف أتجاهل الريح بهذه الحالة؟

السلام عليكم

أعرف جيدًا ضابط الحكم بخروج الريح، وإني لازم أكون متأكدة ١٠٠٪؜ بسماعي صوت أو شمي لرائحة

لكن مشكلتي مو هنا، مشكلتي لمّا أتوضأ وأكون أمشي رايحه لمكان الصلاة، أثناء مشيي أحس كثير بحركة وأحيان بخروج شيء
هو وسواس وأنا عارفه، لكن أقلق من حكاية "كيف أشم الرائحة وأنا أمشي؟"
أحيان أوقف بمكاني أحاول أشم ولازم أكون بالمكان نفسه اللي حسيت فيه بالحركة

أبغى أعرف في هذه الحالة، يصلح أتجاهل كليًا وما أحاول أشم شي إذا كنت أمشي أو أتحرك؟

ممكن أحد يفيدني لأن الموضوع يؤرقني، ربي يوفقكم

وعليكم السلام، ودي أساعدك اختي بس حتى انا نفس الشيء إذا توضيت وخلصت تجيني الريح وب أبسط حركة احس طلع مني شيء مثلا امشي او اجلس احس يطلع مني شيء مره متعبني الموضوع اضطر اكون واقفة قبل ما اصلي وما اجلس عشان ما ينتقض الوضوء وهالشيء ما يصير لي إلا إذا توضيت :)

Reen كتب:

وعليكم السلام، ودي أساعدك اختي بس حتى انا نفس الشيء إذا توضيت وخلصت تجيني الريح وب أبسط حركة احس طلع مني شيء مثلا امشي او اجلس احس يطلع مني شيء مره متعبني الموضوع اضطر اكون واقفة قبل ما اصلي وما اجلس عشان ما ينتقض الوضوء وهالشيء ما يصير لي إلا إذا توضيت :)

شكراً لك
حبيت أقولك إن اللي يجيبك مجرد وسواس لا حقيقة له، المفروض تطنشينه نهائيًا
اجلسي وامشي وعادي
أنا كنت مثل حالتك بس خف كثير والحمد لله
وفيه فتوى من الشيخ سليمان الماجد ريّحت قلبي مرة
يقول توضئي بعد دخول وقت الصلاة، وصلّي على حالك، يعني حتى لو شكيتي إن فيه ريح خرجت فما عليك منها وصلي
شوفي المقطع يفيدك أكثر وربي يشفينا من هذا الداء بس تذكري إن الشفاء من نفسك، لازم تُصرّين ♡ 
هذا رابط الفيديو:
https://youtu.be/9wuD33pNLig