أتعهد وأقسم بالله ان كل ماسيدور وما ساكتبه لكم هو ماحدث لي شخصيا !
اعاني من مرض الوسواس القهري منذ ان كنت طفلا .. بسبب موقف حصل لي ..(لا احب ان اذكرة)
ومن هذاك اليوم وانا منشغل بالوساوس .. دفعت مايفوق 10,000SR ريال سعودي وانصدمت بالواقع !
استخدمت علاجات .. على حسابي الخاص وبعد فترة طويلة من العلاج .. سالت الدكتور .؟ بالحرف الواحد ..
( ي دكتور متى اطيب ) ورد علي العلاجات اللي تاخذها هي لاتعالج من الوسواس وانما من الممكن ان تخفف عنك والشفاء بيد الله وليس بالعلاجات ..
حقير ! واطي ! سافل ! منحط ! وضيع .. طول هالسنوات مع العلاج ! وبالاخير يقول لي كذا ؟
والنعم بالله .. اللهم لا إعتراض على قدرك ولا انقاص بك .. اللهم اني توكلت عليك وسلمتك نفسي .. ف انت خير المولى !
كان كلامه بالاول يختلف عن كلامه اخر مره ..
ايام العلاج .. تركت دوامي ! انام اقل شيء 25 ساعه ! طول الوقت مفهي وانسى ! طول الوقت خمول !
بعد ماقال جملته الاخيره اللتي صدمتني فعلا ! ( اقسمت على المصحف ان لا اعود للعلاج النفسي .. وحرمت على نفسي الجنه وعيشتي ان رجعت للعلاج النفسي ! وحاول يهديني وعرف بالمصيبة !
لايهمني المبلغ اللي دفعته على العلاج .. بل يهمني الوقت اللي هدرته من حياتي تحت ظل العلاج .. حسبي الله ونعم الوكيل ..
اخرت موعد شراء سيارة جديدة .. انعزلت عن اسرتي .. بل عائلتي واقاربي وكل من اعرفه بالكامل ! اخرت موعد زواجي حتى تزوجت خطيبتي من شخص اخر .. انهدمت حياتي بل انقلبت راسا على عقب ! بسبب شخص تافه يدعي الدكتوراه .. وبعد ملاحقته قانونيا وتوكيل محامي .. تم اخذ حقوقي بالكامل وشعرت بالرضاء والحمدلله ..
عالجت نفسي بنفسي وتخلصت من دائره الاوهام التي كنت اعيشها ! بدون مساعده من احد او من شخص يدعي الدكتوراه ..!
مختصر كلامي عالجوا انفسكم ي الدكاتره قبل ماتعالجون الناس !
للاسف مافيه كفائات للقيام بهذه المهمه .. ولن اتردد اي لحظه في ملاحقه قانونيا من يستغل الناس لمصلحته الخاصه !
هذا المنتدى يجمع جميع مرضى الوسواس القهري (الذهان) واحب اوصل لكم رساله
انت ي رجل ! تبي تعلق نفسك بعلاجات تاخذها اول اليوم واخر اليوم واسعارها مكلفه .. عار عليك ! واتحداك لو شعرت بتحسن مرضي لذاتك ي رجل !
انتي ي آنسة ! نفس الكلام ! تروحين للدكتور ويطقها معك سوالف وجلسات مدتها تفوق الـ20 دقيقه .. وفي النهايه (خذي حبه ثانيه من علاج فافرين)
كم من مواعيد فاتتكم انت وياه بسبب العلاجات الزفت ! اللي تنوم الواحد 24 ساعه
كم واحد ترك بيته ترك التزاماته بسبب علاجات تقتل الواحد ولكنه حي !
كلامي يتمحور حول موضوع لكن اعيد واكرر
تعلق نفسك بدكتور وعلاجات .. اقسم برب العرش ماراح تفلح !
علاجك هو اللجوء لمن خلقك وليس لعباد من خلقك .. هذا ان كانوا عباده فعلا .. بفعلهم المشين
الحمدلله على كل حال .. صحتي باحسن حال وتخلصت من الوساوس .. دوام واداوم .. راتب يفوق الوصف .. عيشه كريمه .. 3 سيارات موديل 2012 الى 2013 .. ماناقصني شي .. اروح لدكتور .. اعلق كل حياتي عشانه ؟؟ لكم حريه الرد يافهيم انت وياه
وصل بي الوسواس مع العلاج لمراحل قوية .. للاسف مالقيت اي نتيجة حتى لو بسيطة .. وانعزلت بعد العلاج لما يقارب 7 اشهر !
وكل اللي حصل ترا هذا خلال فتره بسيطه .. عمري (25 سنة)
لاتلعب بكم الوساوس وتجيبون العيد وتروحون لواحد مسوي دكتور لمجرد انه لابس (بالطو)
التمس العذر لبعض الكلمات الجارحه ! لكن لا احب الحديث بما في قلبي مع شخص اعرفه ! الافضل الفضفضه لاشخاص لاتعرفهم ولايعرفونك :)
كلامي ماله نهايه .. لكن اتمنى وصلت المعلومة بطريقة غير مباشرة !
اخلي نفسي من اي مسؤوليات ! تصدر عن نقل الموضوع واضافة اسماء الخ...
بهذا تسقط مسؤولياتي عن الغير والله ولي التوفيق
TNT-2008_2013
منتديات الخبير النفسي 2
موضوع: بعد خسارة مادية ومعنوية ونفسية !((لاشيء))!!! قصتي مع الوسواس القهري