بديت أتجاهل .. لكـن !

السلام عليكم و رحمة الله و بركاته 

انا بديت اتجاهل الوسواس ، بديت اضحك و أقعد مع أهلي .. تجنبت الوحده و البكاء !
يومين مروا بسلام .. كان في أحاسيس و أفكار غريبه بس أتجاهل و أضحك ! 

أمس ؟ ما أنسى هاليوم .. مادري كيف بس حسيت بإحساس قوي بالموت لدرجة الخوف و أحس كل شي أشوفه أودعه 
أستمر الخوف لين الفجر عقب قريت قصه و قلت معقوله أقراها صدفه في نفس اليوم اللي فيه خايفه ؟

زاد الإحساس و الخوف لدرجة كبيره .. حتى عند صلاة الفجر كنت أصلي و أنا أحس إني خايفه ولا أدري كيف أصلي .. 
نمت بصعوبه والله .. و خلاص من نشيت من النوم و الإحساس موجود و أحسه حقيقي 

و أحس إن أصلاً اللي كان فيني قبل هاليوم كان وسواس 
أما اليوم فهو حقيقي .. 

في شي فيني يقول هذا من الشيطان و هو يزيد 
في شي يقول : لا ! هاي حقيقه

المشكله أن يأتي لي إحساس غرريب .. أقول خلاص هذا الصدق 
إحساس ما ينوصف والله :(

يوم تجاهلتي وخفت الافكار عنك وحسيتي براحة ابتعد عنك
لكن ماراح يوقف يبدا يغير الافكار ويجيب لك احسايس جديده وغريبهه اذا انتي فاهمه البرنامج صح بتطبيق التجاهل لانك تعرفين انه وسواس
لكن ااذا انتي م انتي فاهمته بتاخذين ع انه فكرة جديده وبتحسين انه حقيقه وماراح تطبقين عليها التجاهل وهذا اللي حصل معك
الخوف من اعراض الاسترسال اصلن ! اكيد لمن جاك الاحساس قلتي شكله جديد ويمه شكله خلاص حقيقي اتححداك لو كلامه صح 
يمين بالله كان يجيب لي احسايس قوية وكنت اخاف ويزيد الاحساس معي واقول خلاص هنا النهاية بس طبعا كذااااابببببب 
كل م خفتي يزيد وهالشي اللي يقولك هو وسواس بعدين لا هو موحقيقة هذا الوسواس من حيلة يخيلك تشتتين ويشكك
اكيد بتواجيه صعوبه بالنوم وبالتجاهل لانك استرسلي مع الفكرهه 
شوفي لاتحسحسين التحسحس مع الوسواس غير حقيقي ، لاتسرسلين ابا لاتردين من جي الفكره استعاذه وتجاهل
اصلن اذا استرسلتي بينتهي الامر فيك ويقنعك الوسواس تجاهلي وخلاص