رسالة الى الاخت مناي

السلام عليكم اختي ... الله يسعد قلبك ويجزيكي الخير ويطعمك مراد قلبك على وقفتك جنبي
انا بفضل ربي وبفضل العلاج صرلي كم يوم حاسة بتحسسن والله ما كنت احلم فيه وسواسي خفاان بشكل ملحوظ ولما عم يخطرلي باليوم بشكل متقطع ما عم التفتلو ابدا.. والله قلبي من جوااا عم يدعيلك وانا ما بعتبر حالي حالياً غير بفترة شفاء والحمدلله حتى تقييم ماعاد يلزمني..
بس في شغلة بدي اطرحا عليكي لانو خايفة تزيد معي و انتكس من وراها
يا اختي انا من يوم ما طرحت عليكم سؤال والمشرفة الزهرة بعتتلي "انو عقلي تبرمج عالدعاء لذلك اصبح ينطلق تلقائياً"انا بعرف كلاما ما فيو شي بس وكأني وسواسي مسك هالجملة وعم يوسوسلي فيا وصايرة كل ما بتطلع معي دعوة عم يصير حديث داخلي معي انو هالدعوة من عقلي برجع بقول لا من الوسواس... وانا ما بدي هالحديث يصير خايفة ارجع للاسترسال
يعني قبل كنت ما افكر ابدا لانو متيييقنة من الشيطان بس حالياً الكلام سكن بذهني
مشان هيك نصحيني شلون اوقف هالحديث واعطي الشيطان الضربة القاضية والله خايفة انتكس لانو حاسة ما بقيان شي بيني وبين الشفاء التاام

العقل الباطن هو الذي يخزن والعقل الواعي يرفض هذا لان العقل الواعي يفكر بمنطق اما العقل الباطن هو الذي به القسم الكببير من مخزون الطفولة والتجارب وليس كل الذي تحدث انفسنا منا نحن الخاطر لا نحاسب عليه نحاسب فقط على اقوالنا وافعالنا ـ
وانت بالطريق الصحيح لاتلتفتي لكل فكرة ملحة مزعجة ـ
هل تعرفين ان الحجر مممكن تحفره نقاط الماء مع القطرات لا تبدو لها قبمة لكن قطرة مع قطرة هناك فرق مع الوقت وهكذا الوسواس يزن يزن ويرن ويرن ويعيد ويزيد حتى تصبح الفكرة معتادة عندك وكانها منك لانك صدقتها وتصبحي تربطينها بشخص ما بمكان ما بموقف ما ـ
لما قالت لك عقلك تبرمج على الدعاء بالسوء لانك تعيدين نفس الفكرة بداخلك حتى صدقتها والحل الان هو فرمتة مثل الحايوب نلغي منه الملفات السلبية التي تخزنت منذ سنين ونحل محلها معلومة صحيحة مقبولة طبيعين مريحة لا ترهقك ـ
لا تركزي مع كل جملة بل خذي بالنصيحة عموما وبيدك البرنامج لما تطبقيه صح لست بحاجة لنا قط

السلام عليكم
والله يا اختي ما عندي كلام اقولو لاني بعرف سؤالي الي رح اسالو تافه جداً ومجرد اني فكرت اسألو هاد يعتبر ضعف امام شيطاني وانتي جاوبتيني ىما قصرتي .. بس ما عم اقدر حاولت حاولت اتجاهل لكن قدر الله وما شاء فعل..
كلام المشرفة الزهرة اثررر فيني ما عم اقدر انساه او افسرو من الناحية الايجابية
ما بدي اطول عليكي بالكلام بس عندي اول خطوة بالعلاج اني اتيقن هالافكار من الشيطان عم تخففف يوم عن يوم
سؤالي هو انو انا عقلي صار ينطلق تلقائياً مجرد ما اشوف شي او اسمع شي.يعني المقصود بهالحالة انو الشيطان ما بقا الو علاقة؟ طيب اذا انا عقلي صار ينطلق هيك.. هالدعوات بتكون محسوبة لاني عم عيدا بداخلي؟
كرمال الله خديني على قد عقلي انتي بتعرفي مريض الوسواس شلون بفكر ومعدي عليكي كتير من حالتي .. الله يوفقك جاوبيني جواب يررريحني ويخليني اتجاهل هالفكرة عالاخير وارجع للتيقن انو هالافكار من الشيطان والله انا تحسنت بنسبة ممتازة مااا بدي ارجع اعيد من الاول

هذا الكلام جميعه استرسال مع الوساوس وخطأ المطلوب فقط تجاهل الفكرة وعدم الاسترسال معها والانشغال عنها بالحدث كانك لم تسمعها
كل فكرة مزعجه ملحه هي وسواس بلا استثناء ونعم هي من الشيطان لكن ردك ونقاشك لها هو منك وبتوقف ردك واسترسالك تنقطع الوساوس بعد فترة ليست بالطويلة باذن الله

التقييم اليومي مهم جدا نريد %100 لكل النقاط

كلامك صحيح اخي. الله يجزيك الخير بس انا صاير فيني كل ما بتجاهل برجع بتذكر كلام المشرفة وبضعف و انا معتبرتكن انتو المشرفين قدوة الي الله يقويكن ويجزيكن الخير
لهيك مستصعبة القصة ! الله يقدرني و اتخطاها ورح ارجع للتقييم باذن الله

انت نقاط ضعفك يضغط عليها الشيطان والشيطات يزرع الزرع الفاسد ويسقيه منك انت ومن استعدادك للاسترسال فتصدقين الفكرة وتروحي لبعيد معها ـ
يعني الشيطات عامل مثل صاحب القرقوز يمشي العرائس بالخيوط وباطراف الاصبع يمشي الدمى وهكذا انت تمشي تحت اشراف هذا العدو والمغروض انت تكوني حرة من هذه الافكار المزعجة ـ
تجاهلي ولا تركزي لا على جملة ولا على كلمة ـ

السلام عليكم كيفك يا اختي مناي بارك الله فيكي بعمري مارح انسى دعمك الي..
اختي الحمدلله انا مستمرة بالمواجهة والحمدلله وصلت لمرحلة صار الوسواس والدعوات عندي امر عااادي واحياناً مضحك كمان وعايشة حياتيي مرتااحة واملي ب الله اني اشفى عالاخيير
بس عندي استفسارالله يحفظك استوعبيني
امس كنت عم اقرا بمنتدى المتعافين، شخص كاتب لما بتجي الفكرة ،غلط انو نوقفا بحديث داخلنا
لهيك لفت انتباهي اني ببعض الاحيان اذا هجمت علي دعوة مثلا وانا عم اتفرج عالتلفزيون بعود بقرأ بقلبي شي كلمة مكتوبة عالشاشة ف بتتلاشى الدعوة
هل هاد التصرف صح وسرعة التلاشي تدل على نسبة شفاء؟ولا تصرف خاطىئ ويعتبر هروب من المواجهة؟حبيت استفسر عن هالامر لاني حاسة هاد الخلل الي عندي
و الله يسعد قلبك ويحميكي بس بدي الجواب يكون مريح . اسفة على هالطلب بس شفتي اخر مرة شلون الشيطان الله يلعنو وسوسلي بكلام المشرفة ههههه الحمدلله تجاهلتو ونسيت

الله يعطيك العافية اختي الكريمة ويشفيك على القريب العاحل  ـ ـ 
انت بورود الفكرة انشغلت بالحدث وهو التلفاز قريت جملة ناقشت موضوع ما تتفرجين مع احد المهم انك ركزت على فكرة اخرى وتجاهلت الفكرة المزعجة الخطا فيما لو ناقشت الفكرة نفسها بينك وبين نفسك او ناقشت نقيضها ـ
التجاهل بدا يعطي مفعوله وان شاء الله ترين الفرج هن قريب ـ
لا تشغلي بالك بكلام المشرفين المهم البرنامج نطبقيه صح وممكن ياتيك حيلة او اثمين عن البرنامج او المشرف او موضوع ـ ـ ـ 
لا تركزي ولو شكيت مجرد شك تجاهلي تماما ـ
والتقييم ضروري حتى نرى كل النسب مية كية هذا يفرحنا كثيرا

اختي مناي الله يوفقك محتاجتك ب سؤال عن الاسترسال لحتى اعرف اقيما
اختي انتي على علم من فترة الشيطان وسوسلي بكلام المشرفة عن العقل الباطن وللاسف تساهلت معو بالبداية بس حالياً يشهد الله متجاهلتو ولا مقتنعة فيه
بس عم يصير معي بعد ورود كل كل كل فكرة ودعوة عبيستحضر عقلي بسرعة خياااالية اي فكرة سلبية هدست فيا عن العقل ومن بعد هيك برجع فوووراً بتذكر كلام مطمئن ممكن انتي قايلتيه او شايفتو مسبقاً
الغريب انو هالشي عم يصير بذهني خاااارج ارداتي لمدة ثواني بنفصل عن الجو الي انا فيه وانا ما عبريدو يصير لاني حاسستو استرسال مني
عبريد اتجاهل مع الاحساس بالذنب.
قد ما حاولت اقطع هالذكريات بالحدث بيجيني صوت كأنو انا قلت هالافكار مو من عقلي (يعني تطمين ..)
كرمال الله يا مناي تقليلي هالشي استرسال؟ ولا خدعة شيطانية وشلون اتعامل معا؟
والله وانتي على علم ما عم كتر اسئلة وعم طبببق بالبرنامج بس هالشي ما شعرت فيو مسبقاً
منتظرة ردك 🙏🙏🙏

هذه خدع تحاهليها وتجاهلي الاحساس بالذنب ـ
وقلت لثواني جيد انت تكادين تقضين على العدو لانه لم يقدر عليك وبسرعة تلقطي الفكرة الموعجة ـ
استمري ولا تقلقي بل افرحي وعيشي طبيعي قريبا نبارك لك ـ

يا رب يا اختي مناي الله يسمع منك بس بصراحة انا تعبت وتعبتكككك معي وحتى اذا ما رديتي حق معك
بس رجاءً استحمليني.. اختي من بعد ما طرحت سؤالي من يومين وقلتيلي خدع وما بقا اتأثر بالحاح فكرة العقل الباطن
صار معي شغلة جديدة😭 يا اختي عند ورود الفكرة تتحدث نفسي خاااااارج ارداتي بجملة هذا وسواس لا تخافي!!!!
بعرف هاد الشي غلط وهاد تجاهل ناقص واقناع نفس وبتذكر مثال الام وانو لازم اركز بالحدث بس ماعم يمشي الحال وربي شاهد علي خارج ارادتي وكانو قصدااً
تعبت اختي تعبت وعاجزة عن تطبيق اي خطوة بالبرنامج لان اهم خطوة الاسترسال لا استطيع السيطرة عليها كل ما عم سكر عالشيطان باب بنفتح غيروو والله مشتاقة اتجاهل مع تأنيب ضمير وشعور بالذنب وضغط
بس كأنو الشغلة قصداً وجكر
عندك تفسير لحالتي؟؟ معقول يكون هاجس جديد؟ دليني ع طريقة كرمال الله ربي يسعدك

اختي مناي قرأت انك تواجهي صعوبة في الرد على الاخوة بسبب جوالك
لكن بترجاكي اذا قراتي سؤالي ما تتجاهليني
يا اختي بس بدي اعرف هل ما يحدث معي من تكرار صوت هذا وسواس .. هذا وسواس بعد ورود كل فكرة . طبعاً خارج ارادتي حيث لا ينقطع حتى مع التركيز بالحدث .هل هذا حيلة من الشيطان؟؟
قليلي اتعامل مع هالشي بالتجاهل الكامل وما ابذل جهد كي امنعو؟
لاني عم ابذل جهددد حتى ما اسمح لهالتطمين يحدث !
والله العظيم عزيمتي قوووووية بس خايفة يتعاظم الوسواس بسبب اقناع النفس وبدي مساعدتك ل اكتشف حيل الشيطان

نعم نازلت اعاني مع اللوحة تختفي بسرعة وكنت رديت عليك ولكن لا اعرف كيف اختفى الرد مع النت ونسيت وضاع مني التسخ الذي نسخته ـ
المهم تقولين تعبت ولو ترين حقيقة الوسواس انه سينهار كذلك مثلك ولو صبرت قليلا لرايت النور ـ
انما النصر صبر ساعة ـ
الذي انت فيه محامل قليل من التطمين قليل من هذا وقليل من ذاك ويدخل فجاة وسواس جديد ليس منتظر ـ ـ ـ 
تصفحي موضوع تنقل الوسواس مفيد لك بهذه الفترة ـ
لا تبدي الخوف والقلق انا اراه واضح لهذا ابدي التبسم والهدوء ـ
لا تقلقي انت بالطريق الصحيح وهذه حيل ومحاولة رشق بالحجارة من بعيد ليس الا ـ
استمري

سأصمددد.. لكن والله اني الجأ لكي بالسؤال بسبب الضغط
والله العظيم هذه اكتر مرة اشعر بضغط وتشوش منذ دخولي المنتدى ف تقليد الشيطان لصوتي عندما يردد عبارات الاطمئنان ويفصلني عن الجو الذي انا به واشعر اني سادخل بحوار لا اخر له هذا يسبب لي الانزعاج بقوة واشعر ان تجاهلي ناقص ولا جدوى منه.. وصلت لمرحلة اتذكر ايام معاملتي الخاطئة مع الوسواس قبل دخولي المنتدى وكأنها الان تُعاد!

لا عليك اخت الاسلام اشتداد الوسواس والحاحه من علامات قرب زواله فقط واصلي بارك الله فيك وحافظي على الابتسامه ولا تبدي الانزعاج اذا وانشغلي بالحدث اذا لم يكن هناك حدث انشغلي بذكر الله سبحانه

السلام عليكم اختي
اختي ساعديني اختي كرمال الله الله يوفقك ويحميكي ويحفظك ويبعد عنك كل اذى وقفي معي انا حاسة حالي عم اغرررق
اختي نفسي تتحدث بكلللل شيئ مخالف للبرنامج
مثل كلمة هذا وسواس لا تقلقي
او كلمة انا لست خائفة
او كلمة تجاهلي
اما اليوووم ف بدأت بكلمات مثل زوجي لن يموت. زوجي لن ينضر.. ومثلها وغيرها من الكلمات الممنوعة
وكلووو خارج ارادتي وانا ما بدي هالكلمات اصلاً انا عرفانة انو وسواس وانا بالاصل مو خايفة ومستخفففة بهالافكار بس ليش هالكلمات عم تطلع مني؟؟ ياربي شلون بدي اضمن الشفاء وانا عم اعمل شغلات مخالفة بس مو بارادتي
اختي مناي عدّا عليكي هيك حالة من قبل؟ معقول هيك الشيطان بيعمل؟
كتبيلي طريقة التعامل مع هالاشياء.. شلون ممكن يروحو وارجع لتطبيق العلاج براحة

ههههههه
انت غارقة ولكن في اقل من شبر مية وهذا هو الوسواس يضخم ويكرر ويكثر 
انت فقط تجاهلي كل هذا يعمله جكارة في البرنامج لانه صح وحتى تنزعجي وتتركي 
كل تفعلينه تجاهلي هذه الاقناعات غقط وخليها لانها اصبحت هي الاخرى هاجس ومزعجة 
انت اصبري وسوف ينتقل لشغلة اخرى حاولي تكوني مترصدة وتجاهلي وافقسي بيضته قبل نا تستفحل وكلها حيل تذكري حيل وفخاخ

أختي مناي أنا يحدث معي نفس الأمر و هذا ما أحاول أن أسأل عنه و لذلك أضع نسبة ضعيفة جدا لنقط عدم التفكير و عدم الإقناع...

بارك الله فيكي يا اختي والله مهما دعيتلك ما بقدملك قد الي عم تعطيني ياه من تفاؤل وراحة الله يسعدك الله يسعدك ويوفقك ويحفظك انتي وعيلتك من كل شر
وينودلك مرادك ويعطيكي من عطاؤه
والله ربي وصلني الك من كثرة دعائي و بكائي..فعلاً اخت بكل معنى الكلمة
ان شاءالله ساستمر بالبرنامج على وسواسي الاساسي.. اما هذه الحيل وكل شي تتحدث به نفسي بطريقة مزعجة وخارج ارادتي ساعامله على انه وسواس واطبق عليه التجاهل والابتسامة..

اختي زهرة الامل انا بعترررف انو هاد الشي فعلاً صعب وبيعمل يأس وتشويش لنسبة التجاهل .. لكن حالياً ارتحت لما قالت اخت مناي انها خدع لانها فعلاً تخرج بطريقة لا يمكن السيطرة عليها ولا حتى قطعها بالحدث وتخرج خارج الارادة وفعلاً كأنها جكارة لانو نحنا ما بدنا ياها
لذلك رح ابدا بمعاملتا على انها صوت الشيطان وما رح ازعل ولا اهرب مناو انتي كمان عملي هيك وارفعي من نسبة التجاهل ولا تبدي الانزعاج حتى ما تضل مسيطرة عليكي
هي نصيحتي الك ولنفسي ان شاءالله وياريت الاخت مناي اذا قراتي تاكديلي كلامي لحتى نرتاح نحنا الاثنين🙏
اما اختي زهرة اذا عندك اضافة اخرى الله يسعدك ما تكتبيا هون لسبب واحد اقسم بالله شيطاني يوسوسلي باتفه واصغر كلمة . عذريني الله يوفقك وما تدايقي مني والله بتمنى اساعدك اكتر وان شاءالله تكوني وصلتي لموضوعي حتى تلاقي حل لمشكلة الاقناع بالتجاهل.

اللهويوفقكم جنيعا ويشفيكم 
وتذكروا كل فكرة فكرة ملحة مزعجة فهي وسواس مهما كان مجالها تجاهلوا
لتا مسافرة صبيحة السبت ويمكن ارجع بحول الله مساء لا تقلقوا لعدم ردي وسادعوا لكم بسفري بالشفاء العاجل
انتظر التقييم

ترجعي بالسلامة ان شاءالله

أختي مناي ترجعي بالسلامة إن شاء الله و شكرا لنصائحك...
أختي الإسلام و صديقتي شكرا لكلامك المريح و أتمنى تسامحيني لأنني كتبت مشكلتي هنا آاااسفة....
بس إذا حبيت أشجعك ممكن أكتب و أود أن أقول لك أريد أن أرى تقييمك الليلة و أنا أيضا سأنزله في موضوعي أنا .. ...
أحب أن أنبهك أن الشيطان يجعلك تتكاسلي عن التقييم فلا تعطيه الفرصة..

نعم التقييم ضروري وما عاد ارد على الأسئلة إلا لما أرى رد به تقييم اليوم
لشحذ الهمم وعدم الركون للوسواس بكثرة الأسئلة
شكرا لكم لقد سافرت وعدت بحمد لله

القناعة بان هذه الافكار المزعجة من
الشيطان80
الاستعاذة بالله ومعرفة كذبها 90
اعتقاد نقيضها والفرح بالنتيجة90
التوقف عن الاسترسال معها وعدم التفكير بها50 هذي النسبة قليلة بسبب الهاجس المطمئن.. هل ارفعها واتجاهل هذا الصوت؟
عدم تنفيذ الفكرة التي يلح عليها الوسواس80%
اذا جاءتك الفكرة اشغل نفسك بامر اخر 100%
استمر على فعل هذه الخطوات مع كل فكرة80
الابتعاد عن الحزن والاكثار من الابتسامة70
الابتعاد عن الشكوى لااخرين 100%
يجب ان ننسى المرض نهائياً60
الابتعاد عن الوحدة والفراغ 100
اذا احسست باعراض الخوف 80