السلام عليكم

لي شهور اتابع بالمنتدى بصمت واليوم سجلت
بداني الوسواس افكار مزعجه وتنعكس ع شخصيتي واسلوبي والكل والله يستغربون مني بدون ذكر وسواسي لاني ماشفت احد مثلي بالنت الله يعين لوها بس بعقلي تحملت بس تنعكس ع اسلوبي يعني كلن يعرف عني ومتأكده من هذا الشي

والي يقول تجاهلو التجاهل صصعب والله صعب
والله ابي اموت خلاص احس معد ابي شي من الدنيا غير اموت
احس شبابي وعمري الحلو راح بالوسواس
بداني الوسواس ع نهاية عمر 21 وبداية عمر 22
يعني الحين خمس سنواات ونص تقريباً
اذكر بداية 22 سنه بداني وفجأه جتني الفكره وصرت افكر وافكر
وقلت معقوله انا كذا صدق شكل انا كذا صدق بتاكد انا كذا ولالا
ورحت اتاكد وانا اتكلم مع اختي اشوف انا فيني وسواس ولا
وحسيت نظراتها تغيرت وزاد وسواسي وتفكيري لاني ماكنت ادري انه وسواس
كنت اقول انا كذا معقوله انا كذا هذي انا طلع صح هذي انا
وصرت اجرب مع اي شخص ويزيد وسواسي الين صرت افكر فيه كثيير
الين صرت ماتكلم مع شخص الا يستغرب مني وارجع افكر
وهكذا استمرت حياتي لعمري هذا 27
صرت لاجت عزيمه اشيل هم وافكر بالوسواس
ولارحت اتوتر واخاف يدرون عني ويدرون وانقهر
وارجع افكر بعد العزيمه ويزيد وسواسي
اذكر جتني وسواس عن الصلاة والوضوء والنظافه زي اي شخص وطنشتها
ولاعطيتها اهتمام ولاجاني شي لاني اشوفها وسوسة شيطان وبنظري شي تافهه وخرابيط
لكن وسواسي هذا بهذلني والله ابي اشفى بس خايفه من الفشب
لاحظت بكل الوساوس سواء افكار او عبادات الاعراض وحده الاحاسيس وحده
المشاكل وحده وسبحان الله العلاج واحد رغم بعض الوساوس اسهل من بعضها
بديت شهر 2 اعالج نفسي رحت لوحده قالت فيني وسواس موت وماشاء الله تبارك الله عليها شفاها ربي بشهر قلت شلون قالت ب ايات السكينه ترددها سبع مرات وبديت اقراها ورتحت وشفيت شوي وعرفت ان علاج جميع الوساوس واحد بختلافها
بس قلت بعد فتره انا لازم اعرف وش فيني واعالج نفسي اخاف يرجع لي وبس رحت لوحده ثانيه انستقرام مابي اتحسب عليها وادعي واقول ليه ليه
بس الله يهديها قالت لي فيك مس ولا صدقتها بس جابت لي ادله ولاصدقتها
وسالت ثنتين بعدها قالو مس واحسب فيني مس
قسم بالله شهر 2 و 3 و 4 و 5 احسب فيني مس
وارقي نفسي زي مايسون الي فيهم مس
اجلس 5 ساعات ارقي نفسي ولو انقطعت دقيقه قلت الحين بيخرب كل شي وتخرب نفسيتي كل اليوم
بشهر 6 مليت قلت بشوف فيني مس ولا لان احس مافيني شي
رحت لمنتدى رقيه قالو لي مافيك لاني اقول سيد الاذكار كامل واقرا قران ولا فيني شي
تركت رقية المس نسيت المس
شهر 6 رجعت بعالج وسواسي عشان اطيب 💔
والله شهر سته كله كله كله كله اقرا عن الوسواس واجمع واحط بملاحظات الجوال واهيد وازيد كأني اتهرب
بشهر 7 قلت خلاص برتب الكلام الي جمعته بالنت واقراه واطبق
بس والله راح شهر 7 كله وانا اجمع واجمع وارتب واقرا واخاف واتهرب
بدا شهر 8 قلت خلاص الحين بطبق بس ماقدرت انا خايفه خايفه من الفشل
خايفه افشل مابي ابدا اخاف افشل اخاف ماطيب ويرجع وسواسي
ابي اطيب وارتاح عشان كذا بعالج نفسي بس ماودي ابدا لاني خايفه ماطيب
واقول لنفسي لي 9 شهور احاول اعالج نفسي ماقدرت كله من الخوف من الفشل
احس الوسواس متحكم فيني مب انا متحكمه فيه احس مستحيل اقوى واصير اقول منه
ومستحيل اطيب ببقى وخايفه اعالج نفسي اخاف افشل وابقى مثل ما انا
قلت ببدا بكره اعالج نفسي وانسا كل شي عن الوسواس بس قلت خايفه
قلت اجل اختار يستمر حالي وابقى مثل ما انا حتى محد يبي يخظبنس عشان حالتي مالومهم مايدرون انه وسواس
او اعالج نفسي واطيب بس خايفه
قلت اعالج نفسي بس اخاااااففففف
اخاف افشلل 💔 تكفون وش الحل
مابي شهر رمضان يمر زي غيره
ساعدوني شجعوني ابدا خخخفوو خوفي
مالي غيركم بعد ربي اخاف يرجع لي اخاف ماعرف اتجاهل
حتى اقول لو طبت وبعدين ذكرني موقف بيرجع لي مرره خايفه
اقول اموت احسن
واقعد اتخيل مواقف ممكن تصير بعد مااطيب وترجعه لي انااا خاييفهز
تكفون الله يسعدكم ساعدوني

صح وبدت تبدا فيني وساوس افكار جنسيه هي وساوس مب مني انا صح من الشيطان صح 😞؟

تصدقون اشوف صور لشعري قبل شهر 6 كان طويل والحين
قصير من كثر ماامعط شعري من الخوف والتوتر شهر 6 و 7
قصر شعري كثير
ولاسالني احد قصيتيه اقولهم ايه بيدي صارت مقص صرت اقصه من القهر اقوله وللحين اقطع شعري
يه
شي فيني ماكنت اعرف انه وسواس كنت احسبه تفكير جاني ثم صار طبع
ثم صار شي بشخصيتي ماراح اطيب منه ابد لانه شي فيني مادريت انه وسواس الا من سنه بسس وش عقبه عقبه لو داريه من اول ماخليته يتمادا بس اول ساكته لان كنت احسبه شي فيني مني وفيني 😞 ماعرفت انه وسواس الا لي سنه او شهور
ودي اطيب اطيب واتحسن ساعدوني 💔

الوسواس شيء تافه وحقير ولا له معنى 
وهذا الكلام من الله سبحانه وتعالى ومن المصطفى محمد صلوات الله وسلامه عليه

انتي تحتاجين التجاهل ولما تتجاهلين بتكثر عليك الوسواس وبتخافين ويمكن تجيك احلام سيئه 
ولكن هنا ياتي دور الصمود 

اذن تجاهل اي فكره خبيثه ثم الصمود في المواجهه مهما بلغت المخاوف 
وانشغلي بيومك وبمن حولك واهتمي باشياء جديده وغيري موجة افكارك الى ايجابيه 
وتري مافيه شيء يستحق الخووف الا خوف الله سبحانه وتعالى

لما تتجاهاي وتصمدي يوم ورا يوم تزيد ثقتك بنفسك وتزيد رغبتك بالحياه

الشيطان هدفه يثبطك وينكدك ويطفشك 
فلا تكوني غبيه وتسمعي كلامه وتسايريه وتسمعي افكاره
بل كني اقوى منه والقوه تكمن في التجاهل والتغافل واعتقاد عكس اي فكره سلبيه

تقولي اخاف ارجع مثل اول والا اخاف انتكس والا اخاف اي شيء.. معناته ماراح تنجحي 
وحيبقى العدو الصديق "الوسواس" يوسوس لك 
فاقطعي علاقتك معه وليكن العدو العدو وليس الصديق العدو 

هنا معنا الصديق هو الاسترسال بافكاره والخوف منها والاكتئاب وماشابه

اتمنى اكون افدتك

انا كانت افكاري الوسواسية جدا كثيرة لكن مع التجاهل بدأت تتلاشى حتى اذا جتني فكرة وسواسية صرت اضحك و اقول فكرة غبية 

بس يبي صبر وثبات وعبادة اقراءي قرآن

اسطوره كتب:

[size=55]ذا تبغي نصيحتي تعلمي فنون التجاهل [/size]
[size=55]اذا اتقنتي التجاهل سيصبح وسواسك ولاشيء باذن الله ولن يهمك ولن تلفتي اليه [/size]

[size=55]اقراي قصص المتعافين[/size]
[size=55]وكيف اتقنو التجاهل [/size]
[size=55]ثم ثقي بنفسك وتوكلي على الله وابدي [/size]
[size=55]لوفشلتي مره او اثنتان او ثلاث فحتما ستنجحين في المرات التاليه وكل مره تستفيدي منها[/size]

كلامك صحيح 
جزاك الله خيرا

الاسطوره شجعتيني بس اخاف ابدا وافشل والله خوف مب طبيعي
الشي معقدني لدرجة ابي اطيب ابي اطبق واتحسن ولا ابي انتكس هذا الي مخوفني ابدا
طيب متى ابدا متى اليوم ؟
اذا تجاهلت وصرت اسولف وانا فيني صمود وعزيمه
وفجاه جتني فكره وسواسيه وخربت جوي وانتكست زين ؟
مثلا بعد العزيمه لاراحو الناس اتجاهل الي صار ولا افكر ؟ لاني احاول
اتجاهل بس فيه شي يخليني غصب افكر

شكرا هند لان تجيني افكار كثيره مشابهه

احس وسواسي صعب
ومستحيل اطيب واتحسن
اذكر جتني شهور نسيته
وبالعيد ذكرتني وحده به الله يسامحها
ورجع لي اشد اشد اضعاف
لدرجة مقدر انام
اقول لنفسي لو اني بطيب بتذكره ويرجع لي
شوفي انا طبت بس هي ذكرتني ورجع لي ؟ يعني مستحيل اطيب
بس ودي اتحسن ووالله
لو الموت خيار اخترت اموت

اسوفهم قدامي يقولون الحمدلله ع العافيه 😞

اميره99 كتب:

اسوفهم قدامي يقولون الحمدلله ع العافيه 😞

اكسري هذا الخوف طيب واذا بأذن الله ماراح يصير الا كل خير المشكلة خوفنا منه يجعله يكبر و يصبح كأنه جبل و هو بالحقيقة ولا شي

لو وسواسي ب الافعال عادي
بس وسواسي افكار
وتنعكس ع شخصيتي كل الي حولي راحو عني ابعدو بسبب الوسواس
مايدرون انه وسواس
شلون اتحسن وانا وسواسي مب افعال
ولا افكار براسي بس محد يدري عنها وتجاهل واطيب
لا انا افكار وتنعكس ع اسلوبي وشخصيتي خلاص تعبت 😞

لافكرت اتحسن تجيني عزيمه قويه وبعد دقيقه تروح واحاول اقرا عشان ابدا وابدا بالتهرب
يصلح احقر الفكره ولا يخرب التجاهل
وسواسي فيني لحالي ماشفت احد بالنت فيه مثلي
اشوفهم قدامي يقولون الحمددلله ع العافيه
انا يضيق صدري من كلام الناس عني
بس غصب عني اتكلم كذا انا ماكنت كذا بس انقلب حالي

لاجتني الفكره اتجاهلها مع احساسي الداخلي بعقلي انها فكره خاطئه ؟
اذا جتني فكره من تجي ببالي بسرعه اصدها وانا موقنه انها خطا ؟
او لاجتني فكره اتقبلها وانا متاكده 100٪‏ انها خاطئه واطنشها ؟
اطنشها صارت او ماصارت مايهمني ؟
وش الحل لاراحت الفكره وبقى الاحساس الاحساس يعذب 💔؟

انا مابي ابدا لاني خايفه افشل
اتهرب
وان مابديت ماراح اشفى وهذا الشي مابيه 😞
لي شهور بوصل سنه وانا ببدا بكره واتهرب وش الحل

ارقي نفسي ؟ اخاف اذا مارقيت نفسي مااطيب ؟

اميره99 كتب:

انا مابي ابدا لاني خايفه افشل
اتهرب
وان مابديت ماراح اشفى وهذا الشي مابيه 😞
لي شهور بوصل سنه وانا ببدا بكره واتهرب وش الحل

الى متى تتهربين كوني شجاعة لازم تكسرين قيود الوسواس عشان تعيشين حياة كريمة و طبيعية هذي من ابسط حقوقك

هل التحقير من الفكره الوسواسيه يخرب التجاهل ؟
يعني هو زي الاقناع
التحقير للفكره مثل الاقناع ماتنفع ؟ ردو تكفون

مشكلتي وسواسي مايجي الا وقت العزايم والجمعات يعني الحين مافكر فيه بس ادري
ان فيني وسواس
قبل كان يجيني طول وقتي
بس الحين خفيت من ناحية اهلي
صار يجيتي وقت الجمعات بس
انتم برنامجكم يقوم ع التجاهل
لو تجاهلت الحين بنجح واقول لكم اني تحسنت 100 بالميه

لكن لاجت عزيمه او دوام او اي شي برا البيت
بخاف وترجع لي حالتي
مثلا بفكر تجيني الحاله وانا بالعزيمه اسولف مع الناس
ولابدت العزيمه فعلا تجيني الفكره وتنعكس ع تصرفاتي غصب عني واتفشل ويبدا الاحباط
اذكر قبل تجاهلت قبل لاعرف انه وسواس سفهته
لكن فجاه وانا اسولف تجيني التصرفات الوسواسيه غصب عني
وماشوف قدامي غير نظرات الشفقه
💔 ربي استرني