الله يجزاكم خير استفسار

أنا اشتكي من وسواس الأفكار المزعجة وهي أفكار ان أضر اهلى وأوذيهم بعدها جاني وسواس عقيدة اعوذ بالله ومن ثم جاءني وسواس الشذوذ الجنسي بعد ان قرأت موضوع يتكلم عنه وش الحل تكفون أنا في دوامة من الوساوس هل وسواس الشذوذ يعتبر من وسواس الأفكار الشي الثاني أنا فترة احس براحة وفترة انتكس ارجع إخس من قبل وش هي الطريقة الصحيحه لتجاهل الفكره يعني كيف أتقبلها؟ كيف أتجاهلها ؟ طيب كيف اشغل فكري وأنا في دوامة أفكار وسواسية كل شوي تجيني من مكان تكفون ساعدوني والله أني في فترة اختبارات وما اذاكر من الوساوس وأهلي صرت أتجنب الجلوس معهم اخاف اضرهم وأصدقائي يجيني وسواس يقول انت شاذ لا تجلس مع شباب مثلك حالتي في تدهور (مناي- خبير نفسي- اَي شخص له خبرة أو متعافي) تكفون ساعدوني اخوكم تعبان لم أعد الشخص الاول انتكست حياتي املي في ربي أولاً سبحانه على كل شي قدير ثم فيكم ساعدوني

اكيد استحبت للفكرة الجدية وماطبقت عليها بيضة التمساح .
نعم هذه الوساوس كلها تبع الافكار طبق عليها نفس البرنامح .
ومفيش وسواس صعب واخر سهل وانما انت تستسهل الامر وتتركه حتى يصبح كبير وصعب .
اجلس مع ربعك عادي وتجاهل الافكار ... 
ولا تترك البرنامج المفروض تكمل

طيب أنا مشكلتي في التجاهل يعني الفكرة اذا جتني اتجاهل على ما أفكر فيها واجلس اعاندها أو أني أتقبلها يعني أفكر فيها لكن ما استرسل فيها

الامر الثاني أنا بس قريت البرنامج هل الاشتراك في الدورة فيه باْذن الله شفاء أفضل وفهم اكثر وفائدة اكبر ؟

نعم تقبلي الفكرة واحتقريها ولا تعطي لها وش وهذا هو التجاهل .
انشغلي بالحدث حتى تصرفي تفكيرك لامور حياتية تستحق التركيز .