الاكتئاب بدأ يسيطر علي و القلق ملازمني و ضيق التنفس أصبح صديقي😔

السلام عليكم

كل ما فتحت صفحة الافكار المزعجه و بديت اقرا

يدخلني اليأس و الهروب من العلاج

مو عارفه كيف ابدأ اتعالج


ياليت احد يفيدني

انا اعاني من الافكار المزعجه و الوسواسيه
اذا خالطت الناس و انشغلت انسى الافكار شوي

واذا بديت افضى تجيني افكار

ان حركاتي اللي سويتها تدل ان فيني انفصام
وحاله نفسيه

واصحح المواقف اللي صارت عشان لاحد يقول ان واضح فيها حاله نفسيه

غير ضيق التنفس الشديد اللي يجيني اخاف من طول الصيقه تجيني امراض القلب و السكر


وقريت بداية العلاج و سكرته ك العاده


ياليت تختصرون لي العلاج 😫 احسن من البرنامج طوييييييل

اول شي صباح الخير اختي ام لانا الصاحية ميه بالميه عقلياً ، ولاتعاني من انفصام
لان مرضى الانصام الله يكون بعونهم ويشفيهم مايعرفون يشرحون حالتهم
ومايعرفون يجمعون حرفين على بعض هذا اولاً ..
ثانياً : الدليل انك صاحيه ومابك شي بعقلك اذا اختلطتي تنسين وتنشغلين وترجعين احسن من قبل ..
ثالثاً العلاج : اول شي تتعوذين من الشيطان والشي الثاني يصير عندك قناعه ان كل فكرة ملحه ومزعجه تدور بالراس هذي فكرة وسواسية ميه بالميه وهذا ماهو كلامي هذا كلام الخبير النفسي وانه من الشيطان لان الشيطان كل همه وسعيه ومبتغاه ان الأنسان يعيش بهم وقلق وخوف ..
تعوذتي من الشيطان واقتنعتي انه من الشيطان كل هالافكار ؟ حلو طيب هذي بداية كويسه
طرت الفكرة وصرتي تفكرين به وهذا غلط من تطري الفكرة على طول ابتسمي وخلي الوضع طبيعي وخليه تدور بحال سبيله لاتلقين له بال لانه كذب لانه وهم اصلاً تجاهليه بالعربي طنشييييه واعتقدي واقتنعي بنقيضه تماماً لان نقيضه هو الصح
بالنسبة للأعراض اللي معك : هذي اعراض عاديه جداً تصير لأي انسان طبيعي يسيطر عليه الخوف والقلق انا وصلت بي الحاله اني انتفض بفراشي بس الحمد لله راحت عني لاني تجاهلته ولازلت مستمر بتطبيق العلاج
بالنسبة لليأس اعزمي من الحين تطبقينه لان اليأس هذا هو خوف من الشيطان انك تطبقينه ويخيّل لك انه يأس اجل تبقين على هالحال وهالوهم وانا اخوك ؟ توكلي على الله وطبقيه واحسني الظن بالله انه بيشفيك والشفاء مايجي بيوم وليله ، بيجيك ضغط بسيط من الوسواس والشيطان اذا طبقتيه بس تجاهلي تجاهلي تجاهلي هالضغط ولايصيبك الاحباط كله ايام قليله ويروح هالوسواس وهالضغط ، ومعنى الضغط انه يضغط عليك بالافكار عشان يجيك احباط وتتركين العلاج ويبدا هو يزود عليك

عفواً ام لالا ، ماقريت الأسم زين ..

انت البرنامح قاعدة تطبقي فيه ولكن بدون خطة.
انت قلت :

انا اعاني من الافكار المزعجه و الوسواسيه
اذا خالطت الناس و انشغلت انسى الافكار شوي

واذا بديت افضى تجيني افكار .

هذا بيت القصيد وعليه ندندن اين المشكلة في عدم فهم البرنامج بقية الخطوات الاخرى مدعمة ومكملة

اخوي حمد طبقت كلامك من يوم مارديت

والحمدالله انا في تحسن ملحوظ ❤

بس لاحظت اني اخلص من وسواس ويجيني وسواس ثاني 😫 ينتقل من مرحله الى مرحله



متى اكون انسانه سويه 😔

اختي مناي يعطيكي العافيه

هذي لعبت الوسواس ، اذا شافك تخلصتي او تحسنتي من فكرة معينه حوّل وراح لفكرة ثانيه وهذي حيله من الشيطان وطبقي عليه زي ماقلتلك