انا اعاني من وسواس شديد فالوضوء والصلاة والنيه المهم قرأت عن برنامج الخبير النفسي وشجعني اني اقاومه والحمدلله طبقت ونجحت ووضيت وصليت بدون نيه لكن باقي عندي مشاكل ماقدرت اتخلص منها اولا فالوضوء مسح الشعر ماقدرت امسحه مره وحده لازم امسح مرات كثير عشان اتأكد ان الشعر كله انمسح واستمر بمسح الشعر الى اسفله وثاني شي وهو اكثر شي اعاني منه فالوضوء واطول فيه وماقدرت اتخلص منه هو مسح الاذنين نسيت كيف المسح الصحيح من الوسواس صرت امسح بالطريقه الوسواسيه وبسببها نسيت كيف كنت امسح يوم كنت متعافيه انا اللحين اخذ وقت طويل في مسح اذني ابلل يدي مرات كثير وادخلها داخل الفتحه بقوه ثم امسح الاطراف اللي جنب الفتحه واطلع وامسح اللي برا بقوه وارجع اعيد المسح مرات كثير الين احس بدوخه من كثر مادخل الماء في اذني ابغى اعرف كيف المسح الصحيح تكفون قلولي انا بحثت فقوقل واليوتيوب بس مافهمت شي من الشرح اللي فيه ابغى شرح دقيق وبالتفصيل عن مسح الاذن خاصه من داخل اللي ورا الاذن هذاك عادي مااعاني منه مره،وثالث مشكله ماقدرت اتخلص منها اني لازم اقعد ساعه او نص ساعه قبل الوضوء ادقق في اعضاء الوضوء كلها ان مافيها حائل يمنع وصول المويه لانها صارت لي قبل اني اوضي ثم بعد الوضوء القى اكل في يدي او اظافري او القى وسخ في عيني يمنع وصول المويه فاعيد الوضوء والصلاة من جديد واللحين صرت خايفه مره قبل كل وضوء ابعد الوسخ اللي في عيني اللي هي الدموع المتجمده اوشي زي كذا واجلس ادقق فوجهي والقى احيانا بعض الاشياء اما يدي واظافري دايم القى فيها وسخ وخيوط من الملابس واكل واجلس وقت طويل ابعدها واحرص بعدها اني ما المس ملابسي عشان ماتلبق الخيوط الصغار في اظافري هل اللي اسويه صح ولا لا وهل الوسخ والاشياء اللي في اظافري وتحت اظافري لازم ابعدها ولالا؟ والشمع اللي في الاذن دايم ابلل آذاني وامسحها بمنديل عشان الشمع اللي زي الزيت اللي فيها ما ادري هل يمنع وصول الماء اولا؟ وبس هذي مشاكلي مع الوضوء اما الصلاة فاعاني منها فالنيه اجلس بالساعات واقفه عشان انوي ان الصلاة اللي بصليها مثلا ابغى اصلي الظهر اقول هذي صلاة الظهر حقت هذا الوقت وبقرا فيها كذا وكذا واجلس اردد ذا العبارة وجمل مثلها واركز فيها زين ولازم اركز وافهم كل كلمه اقولها ثم بعدها اكبر علطول واذا ماكبرت علطول بتبطل النيه واحيانا اقول بقاوم واتجاهل وبكبر حتى لو مانويت ثم اجي ابغى اكبر بس لا اراديا يديني تنشل ولساني ينشل معاد اقدر اكبر غصب عني مادري وش اللي يصير لي فاجلس على ذا الحال بالساعات والله اجلس واقفه عشان انوي وفالنهايه اذا تعبت مره وطفشت اكبر واصلي لكن بعد معاناة ثم تبدا معناة جديده مع نطق الحروف انا من شدة التوتر والخوف اصير اقرا بصوت عالي ونفسي ينقطع ويصير عندي صعوبه فالتنفس وصعوبه في بلع الريق فبسبب ذا الشي اغلط كثير صدق فالحروف مثل التسميه انطق الرحمن الرحيم احيانا الرهمن الرهيم لان نفسي ينقطع ومقدر اعيدها لاني سمعت ان اعادة التسمه تبطل الصلاة فاقطع الصلاة كامله وتبدا لمعناة من جديد مع النيه والمشكله الثانيه في الصلاة هي نطق الضاد في المغضوب عليهم ولا الضالين عندي صعوبه كبيره في نطقه معرف انطقه اذا نطقتة ضاد يطلعلي احيانا كأنه طاء او دال واحيانا انطقه ظاء واحيانا ظاء قريب من الثاء واحيانا انجح وانطقه ضاد بشكل صحيح بس مو دايم انجح وهذا الحرف مسببلي خوف كبير فالصلاة فهل يصلح لو انطقه ظاء عادي حتى لو كان قريب من الثاء؟ ، وايضا اعاني من وسواس النيه انا بس اليوم قدرت اقاومه ونجحت اني اوضي واصلي بدون نيه بس اخاف يرجعلي لانه هو اكثر شي اعاني منه خاصه فالوضوء والله ما اكذب اني مره رحت عند الغساله ابغى اوضي الساعه ٢:٢٠م وجلست واقفه احاول انوي ومانويت وخلصت وضوء الا الساعه٧:٣٠م صار عندي خوف شديد من الوضوء والصلاة بسبب ذا الشي واخاف يصيرلي ذا الشي مره ثانيه وتروح عزيمتي وحماسي واضعف انا بس اليوم قدرت اتغلب عليه تكفون ساعدوني حياتي تدمرت بسببه حتى الجامعه ماقدرت ادرس ذا الترم واجلته بسبب الوسواس ارجوكم عطوني علاج نهائي له وابغاكم تجاوبون على اسئلتي اللي فوق لانها هي اهم شي وهي اكثر شي مقلقني ويمكن اذا انحلت بيخف الوسواس او اتخلص منه
امل3333
عضو جديد
معلومات إضافية
عدد المساهمات : 3
تاريخ التسجيل : 25/10/2018
تعليقك : الحمد لله رب العالمين
موضوع: رد: وسواس الصلاة والوضوء 2018-10-25, 4:30 pm
اللحين انا صليت العصر وما ادري اعيدها ولا لا بسبب حرف الضاد نطقتها ظاء خفيفه بس احس بخوف شديد وان صلاتي باطله فهل صلاتي صحيحه ولا اعيدها؟
تم الإرسال من خلال التطبيق Topic'it
مناي
مشرفة
معلومات إضافية
عدد المساهمات : 7932
تاريخ التسجيل : 25/01/2015
تعليقك : الحمد لله رب العالمين حمدا كثيرا
موضوع: رد: وسواس الصلاة والوضوء 2018-10-26, 8:42 am
شرحك هذا يدل انك عارفو الوسواس جيدا لذلك كل السلوكات الوسوسية اوقفيها في الحال لا تطبقي البرنامج على جزء وتتركي البقية سوف ينتقل ايضا ... اس شخص يركز على نطقه سوف يرى نفسه يتلعثم وان الحروف مش مضبوطة ... لذلك تجاهلي وركزي في معاني . الايات . جربي سجلي نفسك وانت تقرئين هل تجدي خطأ ؟ اذا لم تجدي افعرفي انها هلاوس سمعية انت يتهيأ لك فقط. لا تطيعي الوسواس في اي شيئ حتى لو كان طاعة.
امل3333
عضو جديد
معلومات إضافية
عدد المساهمات : 3
تاريخ التسجيل : 25/10/2018
تعليقك : الحمد لله رب العالمين
موضوع: رد: وسواس الصلاة والوضوء 2018-10-26, 9:50 am
لا مو مشكلتي اني اشك اني غلطت بنطق الحروف مشكلتي اني من شدة خوفي لا انطقها غلط ومن حرصي صرت ارفع صوتي وانا اصلي وبعدها يضيق تنفسي وصعوبه في بلع ريقي وبسبب ذا الشي اصير انطق الحروف غلط صدق بس ماقدر اتحكم بنفسي واهدأ واقرأ بهدوء وتنفس طبيعي مقدر غصب عني يصير قلبي يدق بقوه لدرجة اني اشهق ويضيق تتفسي ويصعب بلع ريقي فهل لو نطقت الحروف بشكل خطأ بسبب ذا المشكله عادي صلاتي مقبوله ولالازم احاول اني اقراها بطريقة صحيحه؟ وايضا عشان اتخلص من الوسواس ابغى اعرف شي واحد اخير وارجوك ردي علي وساعديني اذا كنتي تعرفين بعدها بتعافى من الوسواس ابغى اعرف الطريقة الصحيحه لمسح الاذن انا الان كأني فقدت ذاكرتي بسبب الوسواس ونسيت اشياء كثير صحيحه كنت اسويها ومنها مسح الاذن هي اللي عجزت اتذكر كيف كنت امسحها يوم كنت متعافيه ابغى اعرف كيف امسح اذني بالطريقه الصحيحه ارجوك ردي علي بحثت عن طريقة مسحها في قوقل وفاليوتيوب وشفت شرح بس مو واضح ما ادري وش يمسح بالضبط ابغى اعرف هل اللي امسحه الفتحه اللي تدخل للراس واطرافها ولاشي ثاني وكيف امسحها بسرعه زي الناس وهل يبغالي امسحها كلها ولاعادي لو خليت بعضها تكفين ردي علي في هذي بس ابغى اعرفها لانها هي اللي عجزت اني اسويها بشكل صحيح
تم الإرسال من خلال التطبيق Topic'it
مناي
مشرفة
معلومات إضافية
عدد المساهمات : 7932
تاريخ التسجيل : 25/01/2015
تعليقك : الحمد لله رب العالمين حمدا كثيرا
موضوع: رد: وسواس الصلاة والوضوء 2018-10-26, 11:07 am
نعم الغلط ينشأ من كثرة التركيز على نقطة غلط ومن كثر الخوف من الغلط تقعين فيه ... لذلك ارجعي للاصل وهو السكينة في الصلاة انت مش رايحة لمصقلة ... اهدئي الخوف هذا اجعليه شوق ...
شوفي الفيديو :
https://m.youtube.com/watch?v=ZI6gxWnIz6k
khalil95
عضو نشيط
معلومات إضافية
عدد المساهمات : 82
تاريخ التسجيل : 25/02/2018
تعليقك : الحمد لله رب العالمين
الحمدلله يارب
موضوع: رد: وسواس الصلاة والوضوء 2018-10-26, 3:10 pm
بالنسبة لمسح الرأس والادنين فهو اسهل شي في الوضوء
ادخلي اصبعك في فتحة الاذن لاادري مااسمها بالضبط وعالخفيف بدون ان تؤذي نفسك
والنية للصلاة حسب كلام الخبير ان الانسان يعرف نيته ولكن الشيطان يقول له يجب ان تستحضر النية يعني النية معروفة دائما فكبري مباشرة بدون استحضار
وشوفي طريقة الوضوء بدون تكلف في هذا الفيديو https://www.youtube.com/watch?v=wP32W46GWwA