وسواس الاغتسال ، النية ، الطهارة

السلام عليكم ..
اتمنى القا اجابة شافية تريحني من عذاب التفكير الي أثر فيني نفسيا و جسديا
انا مشكلتي الكبيرة اني كل ما احاول اطنش الوسواس صرت احس بوسواس جديد يضغط علي عشان اتعمد واسوي الشي بارادتي ! مثلا احس بيطلع ريح واحس لو مشيت بيطلع او اتعمد اضغط نفسي و بعدها اشك بنزول البول و بعدها يبدأ العذاب اعيد او لا استنجي قبل الوضوء او لا لاني من الضغط مرات اسوي الشي بارادتي و مهما حاولت اقاوم هالشعور و اطنش ما اقدر يجيني كل خطوة حتى وانا امشي و بعدها اقول خلاص دامني تعمدت انا الان اجباري استنجي و طبعا الاستنجاء ياخذ وقت ، هل اطنش حتى لو كنت متعمدة ؟ لين ينتهي هالتفكير و ارتاح

ثاني وسواس هو اني بعد ماعرفت ان المني مستحيل يطلع باليقظة بدون شي صرت اوسوس اني اتعمد اسوي عادة سرية و اسفة ع هالكلام بس انا مو لاقية احد اقوله لاني متفشلة من نفسي ومن تفكيري هذا حتى امي دايما تساعدني و تعلمني وش اسوي بس ما قدرت اقولها عن هالشي ، مثلا ادخل للحمام و استنجي احس اني اي حركة ممكن اسويها ممكن يصير استنماء و ينزل مني واظطر اغتسل ، ومره كذا حسيت و قلت بنفسي كيفه خليه يصير و بعدها حسيت بشي و ماني متاكدة نزل شي او لا احيانا لما افكر بالموضوع و استرجع الي صار احس نزل شي و احيانا اشك و احيانا اقول اكيد الي حسيته من الوسواس و ارجع اقول مستحيل الوسواس يخليني احس بشعور حقيقي ، وارجع افكر من جديد واتذكر شي جديد واقول اكيد مو وسواس لو وسواس كان حسيت فيه بوقتها مو بعدين.. ومخي بينفجر من التفكير اغتسلت قبلها مره بس هالمره قلت مارح اغتسل وكيفه حتى لو في وحتى لو تعمدت مارح اغتسل وبعدين ارجع احس بالذنب و ياكلني التانيب اني مو طاهره وان صلاتي كلها مو محسوبة دامني ما اغتسلت ومع كذا اقاوم واتوضا و اصلي و رافضة اغتسل لو استسلم رغم العذاب صارلي اربع ايام على هالحالة بنجن من التفكير ، هل فعلا ممكن الموسوس يحس بشعور كذا ويكون كذب ؟لما اتذكر اني متعمدة اقول مالي عذر ابدا
وصرت حتى نيتي افقدها احس اني مو ناوية اصلي ولا اتوضا لان اصلا لازم اغتسل و لما اتوضى بعد جهد جهيد احيانا بسرعة و احيانا اطول وانا اشك بالنية و بالريح و اوصل لوقت الصلاة كل مره اشك بشي مره اني مو ناوية و مره اني مو متحجبة زين ومره عشان احس طلع ريح بارادتي وما اقدر اكبر احس لساني مربووط مو قادرة انطق .. مسألة ان الشي يصير بارادتي معذبني لان من الضغط اضعف و بعدها اقول انا تعمدت و بتحاسب عليه

انا مو مجنونة ولا فيني شي بالعكس انا من الاوائل بالدراسة ومن القدوات الي الناس ينصحون بناتهم يقتدون فيني ، الشي يقطعني اني كبيرة و واعية ومثقفة ومع كذا مو قادرة اسيطر ع نفسي

لاتعيدين الوضوء الا تاكدتي خروج شي بصوت او ريح ثم بالنسبه لوسواس البول فلاتستنحي الا مره واحد وابدا في الوضوء والصلاه ولاتلتفتي لخروج بول او ريح لاتحكمين بخروج بول الا اذا رايتي ملابسك غرقت بالبول شعورك بالبول وبالريح وخروج المني كلها وسوسه لاتلتفتي ولاتغتسلي ابدا ولاتغيري ملابسك ولاتقطعي الصلاه ابدا ثم ان الخبير النفسي نزل كتاب فيه طريقه العلاج كامله ارجوا انت تطلعي عليه وتطبيقين الخطوات والله يشفيك

أنا أي شي احس فيه ما افتش ولا اتاكد نفس ما قال الخبير ، لكن بعدها يذبحني التفكير لما اراجع الموقف احسه كان شي حقيقي وانا اهملته ، ما مسحت ولا بحثت عن شي حتى مره حسيت اني اشم ريحة مني اعزكم الله و طنشت اعرف ان الوسواس ممكن حتى الريحة يوسوس فيها ولا دققت ولا فكرت ، وين احصل الكتاب اقدر احمله عالجوال؟

من خطوات العلاج ان الموسوس حتى لو يشعر بعذاب ضمير وان عبادته خطأ يكمل تجاهله حتى لو وصل الهم بك ماوصل اكملي تجاهل والكتاب موجود على النت اكتبي بالبحث كتاب الخبير النفسي ٢ وحمليه بالجوال

للأسف صلاة العشاء كانت صعبة ، الوضوء كان اسهل ماترددت فيه كثير اما الصلاة اخذت مني ساعة وما قدرت اصلي الا بعد ما تكلمت معي والدتي ، كنت احس نفسي مربوطة حرفيا مو عارفة انوي ولا عارفة اكبر ولا عارفة ادخل بالصلاة .. جتني الف فكرة لقطع الصلاة والبعض منها كان مُلّح لكني كملت مع شعوري بعدم صحة صلاتي لاني عانيت من نفس الشي ضغط حتى اتعمد انا النية بالقطع

صلاتك صحيحه ووضوئك صحيح لاتعيدين اي شي والنيه منعقده بل لايوجد عمل بدون نيه حتى ذهابك لشرب الماء وذهابك للطبخ كل هذه افعال بنيه لايوجد عمل بالدنيا بدون نيه حتى ان بعض العلماء قالوا لو كلفنا الله عمل بدون نيه لكان اصعب واثقل من استحضار النيه ذهابك للوضوء فقط يعني انعقاد النيه وذهابك لسجادتك واستقبال القبله هذه هي النيه بل حتى والدتك تعرف انك نويت الصلاه وذهبت لتصلي فكيف تخفى نيتك عليك صدقيني هذا من وسوسه الشيطان ولاتعيدين ولا صلاه ولاتفكرين بالنيه حتى

انا عارفة كل هذا الكلام صدقيني ، انا دايما اقرا و دايما ابحث و صرت اعرف كل شي لكن وقت التطبيق افشل و اتحطم و اعاني ، احس اني بدون نية حتى وانا متوجهة للسجادة او رايحة اتوضا احس اني مانويت ولازم انوي او استحضر النية قبل ابدأ و ما اقدر احس في شي جالس على قلبي ! اعرف ان هالشي مو طبيعي بس مو قادرة اتجاوزه التردد كبير عندي .. انا جاني الوسواس وانا بعمر اصغر و جلس معي فترة بعدها اختفى من نفسه و الان رجع لي من جديد بسبب اشياء عابره كنت اشك فيها و للحرص اعيد الصلاة و للاسف صار عندي وسواس من جديد ، صاحب الوسواس دايما بعذاب لانه يبحث عن الافضل دايما و مع كذا بالنهاية يلقا نفسه سوى كل الاخطاء

حتى لو ضغط عليك لاتتردين ابدي بالوضوء ولو ضغط عليك استمري حتى تنهين الوضوء ثم الصلاه اذهبي بدون تفكير ثم كبري واكملي صلاتك هل تعتقدين اني لم اجرب وسواسك انا مرت علي معظم الوسواس اعرف شعورك واعرف مايمر بك تماما وكانك تشرحين حالتي اسمعي نصيحتي وكلامي لاتفكرين بالنيه النيه اسهل شي انتي افعلي الفعل فقط اللي هو الصلاه والوضوء والنيه موجوده ياختي بل حتى ان التلفظ بالنيه بدعه والنيه محلها القلب فمن علم ان وقت الصلاه دخل وذهب لدوره المياه أكرمك الله يريد الوضوء فنعقدت النيه للوضوء والصلاه والحمدلله فالنيه معناها القصد في الفعل ونافيه فعل الا بنيه

أولا أبشرك يا أخت أن هذا صريح الإيمان والحمد لله كرهك لهذه الوسواس صريح الإيمان كما قال صلى الله عليه و سلم عندما قالوا له بعض الصحابة إنا نجد في أنفسنا ما يتعاظم أحدنا أن يتكلم به، قال اوجدتموه؟ قالوا نعم، قال ذلك صريح الإيمان،
ثانيا أحذرك من الإسترسال معه يجب أن تستصغري الوسواس وتتجاهليه نهائيا تصرفي معه وكأنه مجنون يتكلم هل نرد على مجنون إذا سبنا أو قال شيء لم يعجبنا ؟ أكيد لا ، تجاهليه ولا تحاولي تصححي الفكرة وتقولي أنا صح وهذا غلط ولا تناقشي الفكرة وتصرفي بشكل طبيعي وإعلمي أنك إذا فشلتي وبقيتي خائفة منه لن يتوقف عند هذا الحد بل سيزيد وينتقل إلى مالا يحمد عقباه حذاري ولا تقولي لست قوية ولا أستطيع لو لم تكوني قوية لما بذلتي جهد في فعل أشياء لأجل أن تريحي نفسك منه كأن تعيدي الوضوء وتطيلي الإستنجاء وغيرها ومن الخدع التي يستخدمها الوسواس يوهمك أنه أنت من تريدين ذلك ليحبطك ويضع الخشبة على عجلات القيادة إستعيني بالله وتذكري معاناة خفيفة في تجاهل خير من معاناة شديدة في تنازل شفاك الله و عافاك

احاول اتجاهل بس قلبي يبقا خايف و مو متطمن و ارجع افكر لعل و عسا ارتاح و للاسف ازيد حيره ، نفس لما امس شكيت بوجود موية قليلة بيدي اصابت مكان نجس و ناظرت للموية لقيت لونها ما تغيرت شميت ريحتها شميت في رائحة نجاسة لكني طنشت و قلت ان الشيطان ممكن حتى الرائحة يخليها تخطر للانسان عشان يوسوس و طنشت لكن الان رجع لي هذا الهاجس واحاول اتجاهله ولا اخليه ببالي ، احاول اتجاهل لكن ارجع افكر من جديد و هنا الخلل

إقرئي الكتاب الذي يحتوي على البرنامج وحاولي تطبيقه حرفيا وسيفيدك بإذن الله فهو يتكلم على أفكار وحيل يستخدمها الوسواس للتضييق على المتعالج

واحنا نقولك التجاهل من خطوات العلاج انتي نجحتي بالتجاهل ولم تغسلي يدك لكن للاسف فشلتي بالصمود والثبات ورجعتي تفكري بالموضوع ونحن نقول لك لما تتجاهلي فكره وسواسيه وتعارضيها لاتغكري بها اطلاقا وانسيها ولو حسيتي بتانيب الضمير هذا مو ضميرك هذا الوسواس يحاول يرجعك بحيث يقولك انتي مقصره ولم تغسلي يدك وعبادتك ستصبح باطله هذا كله الوسواس وليس ضميرك للاسف ان الموسوس وقت الوسوسه لايميز بين تفكيره والوسوسه لاتعيدين ولاتغسلين ولاتفكرين اقطعي التفكير ولاتقنعين نفسك بان هذا وسواس فقط تجاهلي زي لما بطنشي شخص بتكرهيه تخيلي ان شخص تكرهينه يامرك هل راح تطيعينه نفس الشي اعمليه مع الوسوسه وزي مابقول المثل الشعبي الحقران بيقطع المصران احقريه وهيشيل شنطته ويشوف له حد ثاني

للاسف من شدة تركيزي على سالفة الاغتسال دخلت اقضي حاجتي و شعرت بالاستنماء و خرج مني شي اقدر احلف انه خرج يعني فعلا مو تخيلات مع اني مو قاصدة و اخجل من اني اتكلم في هالشي و اتفشل منه لكنها مصيبة جالسة تنكد علي وقتي و تاثر ع مقاومتي للوسواس وانا الان مظطرة اغتسل عشان اصلي الفجر ، ما ادري حالتي هذي كيف بقدر اعديها و كيف بحارب باقي الوساوس
اقدر اطنش وما اغتسل بالمرات الجاية اذا تكرر معي هالموقف ؟ احس ما يجوز و وقتها بكون سويت ذنب اكبر
اذا تكرر هالشي فمصيبة ببقى مركزة طول وقت قضاء الحاجة و هالشي بيضرني صحيا و بيأخر محاولات تخلصي من الوسواس ضايعه ومو عارفه كيف اتصرف كل شوي يطلع لي وسواس اصعب من الي قبله

..

لاتغتسلين فكل هذه وساوس ومن الشيطان فمن المستحيل خروج المني بالطريقه التي ذكرتها ولعلمك فالمرأه حتى وهي مع زوجها فهي ابطى من الرجل في الانزال عذرا على كلامي لكن اريد ان ابين لك كيف يلعب الشيطان معك ويستهلك طاقتك في امور لاتنفعك وتكرهك في دينك فقط فكل المسلمين في العالم يستنجون رجالا ونساء بل حتى النبي والصحابه ولا احد منهم اغتسل وحتى لو حلفتي فهذا لايعني انه فعلا نزل منك شي فانتي في حاله مرضيه لاتستطيعين التمييز بين حقيقه ووسوسه تجاهلي واتمنى منك ان تجاهدين الشيطان ولاتطبيقين كلامه وترفضينه كما ننصحك ولاتطبقين كلامنا فنحن اولى بالتصديق منه

المشكلة اني متاكدة هالمره مو مجرد تخيلات متاكدة ١٠٠٪؜ وخايفة ما اغتسل و يكون ذنب علي لو صليت بدون غسل ، دخلت اغتسل و بعد معاناة مع النية و لما قربت اوصل للاخر قطعت نيتي و ما كملت لدرجة صار جسمي بارد و ارتجف و طلعت لين اهدأ و ارجع اغتسل من جديد الوسواس هم عظيم لا يعلم فيه الا الله

لاحول ولاقوة الا بالله المشكله انك تعرفين انه وسواس وتقولين الوسواس هم فلماذا تتبعينه!!!!! يابنتي لاتغتسلي اقول لك لم يخرج مني وانا عانيت من جميع الوساوس واعرف ماهو الوسواس وان استمريتي ع هذا الوضع لن تنحل مشكلتك وسيزداد ويستفحل الوسواس
انتي تحتاجين للذهاب لطبيب نفسي فالذهاب للطبيب التفسي ليس عيبا فهو مثل اي طبيب لكن لاتبقين ع هذا الحال يابنتي والله يشفيك ويلبسك لباس الصحه والعافيه

..

اكتبيلي هنا الي حابته وانا بشوفه و ارد عليك

..

أسأل الله العظيم ان يشفيك ويعافيك وجميع مرضى الوسواس قطعتي قلبي ياليتك تسمعين كلامنا وتتجاهلين ارجوك لاتكلفين على نفسك وتتعبينها بسبب الوساوس لو كان الوسواس رجلا لقتلته

..

حالتي النفسية سيئة ! صعبة تكونين قدام الناس قدوة و ضرب للمثل و انتي بالحقيقة مو قادرة تنوي نية وهي اسهل شي ممكن يسويه الانسان ! الاكل و النوم و الصحة كلهم سيئين و امي تعبت مني جزاها الله كل خير وحاولت و تكلمت و انا اذا صليت صلاة وحده كويسة اصلي باقي الصلوات بشكل عجيب ، ماحس بنيتي حتى لو انطق فيها احس يدي مربوطة و لساني مربوط و قلت لعل و عسا القا هنا حل والقا احد وصل لحالتي و تجاوز
كل مره يجيني وسواس جديد اقول الي قبله كان اهون

ايش اسم الشيخ ؟

ابحثي فاليوتوب عن كلام الشيخ سليمان الرحيلي عن الوسواس وكلام الشيخ عبدالرزاق البدر حفظهم الله وستمعي بقلبك لهم