موقفه حياتي بسبب هالوسواس

السلام عليكم ورحمة الله..
انا اعاني من امور كثييره ولا كنت اعرف انه يعتبر وسواس قهري
اخاف خوف شديد من الجروح والالم والدم حتى لو شفته بغيري تجيني نوبة هلع
ولا اتحمل احد يتكلم قدامي كيف انصاب وشنو حس وشنو صار له
على طول تبدا الافكار المزعجه واحس الاصابه كأنها فيني
ومن اسوء الوسواس اللي جاني وعذبني فتره طويله لمن تزوجت عشت بحاله نفسيه صعبه جداً
كنت رافضه زوجي يقرب مني وتجيني نوبات هلع وتشنج والوسواس يزيدني تخويف
ماخليت دكتوره ولا دكتور نفسيين ولا خليت شيخ مارحت لهم ولا احد عرف وش علتي
لدرجه ماتحملت الوضع وطلبت الطلاق واللحين عدت كم سنه واللي حولي يحاولون فيني اتزوج مرا ثانيه وانا رافضه اكمل حياتي مثل باقي الناس مابي اعيش نفس المعاناه وهذا كان اكثر وسواس عذبني(طبعاً انا اعاني كثير من الوساوس بس هذا كان اقواها)
يارب اللقى احد يفهم مشكلتي ويساعدني بحلها

وعليكم السلام
اهم شي بالبدايه انك عرفتي انه وسواس
وثانياً العلاج عندك ومنك وهي تجاهلي اي فكره مزعجه
والتجاهل ماهو سهل ولاصعب وبيزيد التوتر والقلق عندك من البدايه وبعدها بيقل بشكل تدريجي لكن اهم شي ماتستسلمين لأي فكره او تناقشينها او تخلينها تأثر عليك
حاولي تتجاهلين حتى لو تتصنعين وحاولي تبتسمين مع كل فكره مزعجه بيكون لها تأثير
انتي اقوى من هالأفكار السخيفه اللي جالسه تخرب عليك حياتك

أنت تقولين جربت كل شيء من أطباء وغيرهم.
أنا أقول لك هل شكوتي همك وحزنك لله لحي بالدعاء على الله ولا تملي ولا تعجزي تحري ساعات الإجابة وادعي الله بصدق وبيقين إنه سوف يشافيك واحسني الظن بربك انه سوف يعافيك.
صدقيني لن يخيبك الله وسوف يعافيك وأنا على ثقة مما أقول فقط أن أنت صدقتي مع الله في دعاءك ولحيتي على ربك ولم تملي فسوف يأتيك نصر الله وشفائه.