وسوسه البول

حاضر إن شاء الله هنفذه من النهاردة

اسفه بتعبك معايا بس نفسي ارتاح فعلا و اتخلص منه انا دلوقتي موسوسه طهاره بشكل مرهق
يعنى المايه اللى بتتطاير وقت التشطيف بتكون كتير و بتبقى ساعات من النجاسه عليا على طول ف المايه دى كده مش طاهرة...
انا النهاردة فضلت ف الحمام ساعه إلا ربع... بتشطف كنير لدرجه إن الرطوبه بقت كتييير اوى على شكل ماايه كده و ساعات من كتر التشطيف و قوه المايه بينزل افرازات من مكان البول و فضلت على الحال ده الساعة إلا ربع و برش مايه مكان المايه المتطايره عليا دى.
حسيت إن الموضوع مرهق و اكيد الدين يسر و ربنا لا يكلف نفسا إلا وسعها و انى بشق على نفسى ، بس مش قادره معملش كده لانى ببقا متأكده إن المايه مش طاهرة
انا كاتبه البرنامج و بمشى عليه نسبيا و فيه حاجات الحمدلله بفضل ربنا قوانى عليها ، بس انا عايزة اتخلص من الوسوسه 100٪
اسفه على الإطاله و كثرة الاسئله

سؤال / اختي هل تتبعين البرنامج العلاجي الخاص بالافكار المزعجه ؟
والبرنامج العلاجي للعبادات ؟؟
جلوسك في الحمام ساعه إلاربع كثيرر جداا جدا
والله لن ترتاحي حتى توقفي هذه الافكار وتتوقفي عن الاستجابه لها
الماء المتطاير الذي به نجاسه لايؤثر على الطهارة سواء كان هذا الماء المتطاير قليل او كثير ليس كلامي بل كلام العلماء.

لا تستعجلي الشفاء التام
لكن المهم ان تتبعي البرنامج وتقوي عزيمتك
وتستعينين بالله في كل أمرك حتى تقوى نفسك وتقوى عزيمتك .
ولا تتنازلين امام اي فكرة وسواسية .

بصراحة لا اتبعه جيدا.... بس إن شاء الله من اللحظه دى هنفذه

هذا واضح من اسالتك يا اختي انك لا تتعبين البرنامج.
في كل سؤال كنت اجيبك واوصيك باتباع البرنامج .

https://www.alkhabeer2.com/t23-topic

https://www.alkhabeer2.com/t505-topic

https://www.alkhabeer2.com/t108-topic

هذه روابط البرنامج لوسواس لافكار المزعجه

https://www.alkhabeer2.com/t1393-topic

https://www.alkhabeer2.com/t218-topic

https://www.alkhabeer2.com/t31-topic

https://www.alkhabeer2.com/t32-topic

https://www.alkhabeer2.com/t33-topic#52

وهذه روابط البرنامج العلاجي لوسواس العبادات وغيرها

انا الفترة دى كنت اجازة من الصلاه و كده ف مكنش فيه وسوسه أبدا و كنت ناويه اول م ارجع ، ارجع بقوة و عزيمه و موسوسش خاالص
فضلت اول اليوم ماشيه تمام لكن جيت على العشا و كل حاجه باظت تانى
( قولتيلى مستحيييل ينزل بول و كذا حد قالى كده بردوا بس جوايا اقتناع إنه بول و الدليل انى بحس بحاجة من مكان البول مش مكان الافرازات ف بقيت قبل كل صلاه بدخل الحمام اتشطف و بعدين اتوضى و اصلى بس بحس إن الموضوع مرهق و متعب و من كتر التشطيف الافرازات بتكون كتيييير اووى و كل شويه ممكن ينزل افرازات تغرقنى و بلاقى افرازات حتى من مكان البول اعتقد بردوا من كتر التشطيف لانى زمان مكنش بيحصل كده)
ف اعمل ايه ؟ خايفه اقول هتجاهل و مش هتشطف و اكون بصلى من غير طهارة وانا عارفه ف بالتالى صلاتى متتقبلش!

حاسه إن الصلاه مرهقه عليا مع إن المفروض العكس و المفروض اننا نحب الصلاه و نرتاح بيها لكن انا لا ببقا دايما شايله همها و هم المجهود اللى هعمله عشان اصلى فرض ( عشان اصلى فرض بياخد منى حوالى نص ساعه او اكتر) مع إن المفروض الصلاه متاخدش دقايق......
بيجى ف بالى كتير انى خلاص اسيب الصلاه طالما هى مرهقه اوى كده بس بقول لا حرام.

اليوم مثلا نزل منى افرازات كتيير و من مكان البول هل ده بسبب التشطيف كتير او لأن المايه بتكون قويه جدا؟
........... تعديل
انا عملت سرش عن اعراض سلس البول عشان اشوف عندى ولا لا بس مفهمتش اوى لكن لقيت الشيوخ بيقولوا إن لو فيه وقت بينقطع فيه نزول البول واجب ان الشخص يستنى الوقت ده مش يصلى على طول
يعنى لو انا الاذان اذن بروح الحمام و بعدين بحس وقتها بنزول حاجه بعده هل استنى شويه و بعدين اتوضى و لا اتوضى على طول و اصلى ؟
انا اللى بلاقيه بيكون مقدار مثلا لو بليتى صباعك حاجه خفيفه بالمايه
انا تعبت و عايزة اعرف الحل انا ببقا متأكده إنه من مكان البول اعمل ايه

عزيزتي استمرارك بهذا الشكل لن يوصلك للشفاء صدقيني
استمررارك في استخدام الماء سيسبب لك مشاكل صحيه ..
مادمتي تفتشين باستمرار وتبحثين بهذه الصورة ستجلبين لنفسك امراض ليست فيك .

وفي حال انتي متاكدة انه بول كما ذكرتي فالكمية التي ذكرتيها قليله ولا تنجس الملابس فخلاص توظأ ولا تنتظرين خروج شئ واخرجي مباشرة حتى لو حسيتي فعلا بخروج شى فالكمية القليلة لا تضر ..
لا تدققين ياختي فانتي معذورة شرعا ولستي محاسبة الله خفف عنك .. فهل تردين هذا التخفيف !!

اتبعي البرنامج والتحسن لا ياتي في يوم وليلة الامر يحتاج صبر ومداومه .

حاضر هتوضا و اصلى على طول و إن شاء الله هنفذ البرنامج
يعنى ده فعلا بول ؟
و هل قبل كل صلاه لازم اتشطف ؟

أنا الحمد لله طبقت البرنامج النهاردة و التقييم كويس و إن شاء الله هستمر على كده و تجاهل بنسبه حلوة
بس عندى سؤال انا بدخل الحمام و بحاول اقلل الوقت و اخرج على طول بس اول م بخرج بينزل افرازات من الشفرتان الكبيرتان هل دى نجسه ولا لا ؟
و اخر سؤال هى الرطوبه و الافرازات دى بتنقض الوضوء ؟
أسفه بتعبك معايا

سعيدة باستمرارك على البرنامج ..

لا ليست نجسة
والرطوبة والافرزات لا تنقض الوضوء ولا تنقض الطهارة وبإمكانك الصلاة اكثر من فرض بوضوء واحد .

حاضر انا كده كده بتوضا قبل كل فرض... بس كنت بقول هل لازم اتشطف من البول اللى قولتلك عليه قبل كل صلاه ؟

لا

تمام ولو اللى بينزل ده وصل للبسى عادى ؟

نعم عادي عزيزتي

الحمدلله انا أحسن عن الاول ب كتير
و الحمدلله كله تمآم
بس بصى انا من كام يوم ايدى كان عليها نجاسه و مسكت التليفون عشان كنت مستعجله و اللى جه ع التليفون نشف خلاص
بس لما باجى امسكه تانى او ايدة تعرق فيه مثلا بفكر إن كده النجاسة اللى عليه مثلا اتنقلت لايدى ده صح ؟
انا كنت عملت سرش قبل كده و كانوا بيقولوا إن لو حاجه رطبه / مبلوله جت على نجاسه ناشفه فيها رأيين
ي إما تنتقل / لا تنتقل
و كانوا كاتبين لو انت موسوس خد بالايسر إنها لا تنتقل

الله يشافيك و كل مريض يا رب

كيف افتح موضوع جديد

أمين.. لما بتفتحى المنتدى فى الصفحه الرئيسية... بتلاقى مواضيع زى وسوسه العقيدة و غيرها ادخلى على اللى انتى عيزاه و هتلاقى دايره زرقا كده عليها تحت مكتوب عليها موضوع جديد

شكرا

الرطوبه لا تنقل النجاسه.