وساوس عديدة

تكفين حلم جاوبيني ادري اني ازعجتك اسفه صدق

1- وسواس الابتسام قبل شوي كنت اسمع قران بالجوال وكنت اسمع واقول لا ما استوعبت واعيد واعيد واعيد بعدين حسيت اني راح ابتسم ! بديت اشد عضلات وجهي عشان ما ابتسم والله احس اني عاصية واني مخلدة بالنار واليأس ما يتركني وساوس الكفر اخاف منه وهو حديث نفس كيف بهذا راح يصير فعل وان شاء الله ما يصير لان ما راح ارحم نفسي حتى الحين جاء سب وحسيت اني راح ابتسم عشان السب !!

2- اول كنت لما اصلي اتخيل اني اصلي قدام ناس واني احسن صلاتي بس كنت اتجاهل يروح ويرجع او اذا قريت قران او الاذكار بصوت عالي شوي احس تجيني ذي التخيلات

3- اذا شفت مقال عن الرسول صلى الله عليه وسلم او الصلاة ..الخ من امور الدين ما اكمل اقول اكمل بعدين واحسني عصيت الله بهذا الفعل اقول راح اقرأ بعدين والاسباب هي اني بعض الصحابة اساميهم تكون صعبة شوي واقعد اصور الشاشة عشان اعرف كيف انطق بعدين او الايات اللي تكون موجودة بالمقال او الفتوى اقعد اصور والاحاديث بعض الكلمات ما اعرف انطقها واقول لو تجاهلتها بيكون كفر واصور عشان بعدين انطق ما كنت كذا ابدًا

4- لما اجلس مع اهلي او بوقت المدرسة ...الخ انسى الوسواس او يجيني بس ما اهتم لكن بعدين اقول تراهم ما سبوا ولا قالوا اشياء كفرية مثلك وما سوو كذا وكذا واحزن ومرات اطنش واذا جلست لحالي افكر ان بالمستقبل محد راح يبقى معي حتى اخواتي راح نفترق وش راح اسوي بحالي واني ما راح اتشافى ابدًا بس اواسي نفسي ان ربي قادر على كل شيء ليش تقولين كذا بس ما ينفع معي ابدًا اقول ربي غاضب علي واتضايق ضيقة مو طبيعية ادري بتقولين طبقي العلاج انا ابي اطبق بس ذي الافكار والضيقة واليأس ما يتركوني

5- لو كنت اقرأ ايه وحدة بس او مقطع بالجوال اقرأ او اسمع عادي وابي اطلع من البرنامج او الموقع وتطيح عيني على الايه او ان المقطع ينعاد اجلس اعيدهم من جديد واذا ما عدت احسني بكذا كفرت

6- في مرة كان نومي متقطع صحيت وكنت اسمع صوت جوال اخوي الصغير جدًا عالي ومشغل مقطع فيه موسيقى قلت لنفسي ان هو مشغل مقطع فيه موسيقى واللوحة اللي فيها سورة من سور القران عنده لازم اقصر بس نمت لما صحيت تذكرت اللي صار واقول يمكن كفرت لاني ما قمت عشان اقصر ومرات اخواتي يحطون اغاني او يغنون واستحي اقول لهم قصروا انا مذنبة كذا لاني ما تكلمت ؟

7- مرات احس اني ماراح اتشافى واشوف الناس تصلي تذكر الناس بطاعة الله...الخ اجلس اقول يا حظهم واحسدهم واحزن على نفسي ومرات احسني اتسخط فهل لو تبت من التسخط وصبرت على هذا البلاء اخذ اجر ولا عشاني تسخطت بالبداية ما ينفع ؟

8- انا قد قريت عن وحدة انها سبت الله وهي معصبة والحين انا خايفة اني اسب الله وانا معصبه رغم اني قريت من زمان من قبل شهور بس الحين اللي تذكرته وصرت اذا عصبت احس بسب بحديث النفس وانا اللي سبيت بارادتي كفرت او لا ؟

9- احيانًا احس بغرور بنفسي على وش مدري بس احس بغرور خصوصًا لو قريت مشاكل الناس او احس كأني راح ابتسم بس انا ما ابتسمت هل كذا انا مذنبة ولازم اتوب ولا وسواس واتجاهله ؟

حتى اني ابي اقرأ الروابط اللي ارسلتيها لكن اتذكر اني كل شيء اصوره واقول بعدين اقرأ يعني الايات، الاحاديث ، الاسامي واستثقل القراءة

حلم اليوم تذكرت شيء صار لي يعتبر قديم
لما كنت بالمرحلة المتوسطة كنت اكره معلمة عندي وقتها كنت ثاني متوسط بعدين لما صرت ثالث متوسط مدري وش اللي تغير !
صرت احبها وانتظر حصتها مدري هو حب عادي ولا ايش اليوم قعدت افكر تكفين جاوبيني اتجاهل بس ؟ فيه تفاصيل ما ذكرتها اللي هي ان مرات احسني معجبة بنفسي واقول هي معجبة فيني اكيد ما ودي اكمل واظن بس هذا الشيء طبعًا كنت مراهقة والى الان لكن كنت جاهلة بشكل كبير والحين انا خايفة اكون شاذه بسبب ذا الشيء واقول لنفسي شكلي ماراح احب احد عشان ما اشك جدًا خايفة تكفين ردي

جميع اسألتك وتخيلاتك هي وساوس من الشيطان .
ليس عليك ذنب ولم تكفرين .

ارجعي للروابط التي ارسلتها .. إن لم تتبعين البرنامج العلاجي فستظلين تسألين طوال العمر ولن تكفيك الاجابات ..

نصحتك كثيرا باتباع البرنامج وللاسف مازلتي تهملينه وتضعين كل جهدك ووقتك فيما لا ينفعك .

طيب والشيء الثاني اللي تذكرته ؟

موقف عادي يارغد واحساس طبيعي ..
طبيعي الانسان في حياته يحب بعض الاشخاص وين المشكلة في الموضوع !! ووين الشذوذ في الموضوع !!

طيب انا قد سألتك اني قد نمت عن الصلاة متعمدة لكن ما كنت اعرف ان اللي ينام متعمد يكفر اعتبر كافرة الان ؟ رغم اني اغتسلت بسبب وسواس العقيدة اكثر من مرة لكن ما نويت الاغتسال عن ذا الفعل ؟

لا لستي كافره ..
واساسا ليس هناك غُسل لوسواس العقيدة ..
ففي زمن الرسول صلى الله عليه وسلم لم يكن يأمر من يُسلم بأن يغتسل .
وانتي اصلا مؤمنه لم تكفرين .. كل ماتشعرين به وساوس .


غداً لابد أن تبدأين في الروابط لابد .. لن أجيب على الاسئلة إلا بعد قرأتك لها .

السلام عليكم
ما راح اسألك عن الوسواس
بسألك عن الدورة انا المفروض ان هذا اليوم انتظر واشوف ينزل شيء او لا
الصباح الافرازات كان لونها فيه احمر شوي بعدين كنت ابي افتش قبل الظهر بوقت قصير طبعًا ما قدرت افتش لان كنت حشرانه مرة وما تحملت تبولت والعصر صار نفس الشيء كنت ابي افتش لكن تبولت قبل افتش ما قدرت اتحمل ونمت بعد المغرب وصحيت الساعة 12 تو فتشت ما لقيت شيء واخر مرة رحت الحمام اللي هو العصر
الحين وش اصلي من صلوات اليوم ؟ لان ما عرفت اني طهرت الا الحين علمًا بان علي قضاء صلاة العشاء في اليوم اللي جتني فيه يجوز لي اتأخر في وقت الغسل لين تردين علي ؟

الصلوات اللي تصلينها تبدأ من تأكدك من الطهارة
الصلوات اللي قبل تتأكدين لايلزمك قضاءها .

انا تأكدت الساعة 12بالليل يعني ما اصلي شيء ؟ بس العصر هو اخر وقت دخلت فيه الحمام من بعدها ما نزل شيء اصلي من العصر

صلي الصلوات التي بعد تأكدك من الطهارة .