هل اتوضى مرة ثانية؟

السلام عليكم ورحمة الله وبركاته، انا كنت اتروش بعدها استخدمت الشطاف (للاستنجاء) بعدها استخدمت المنشفة بدون ما اغسل يدي من بعد الشطاف لاني بمسك المنشفة من جهة وحدة ثم بعدها اغسل يدي المهم في طرف من الجهة الي مسكتها بيدي وانا تو مخلصه من الاستنجاء لمست كتفي (المنشفة الي مسكتها مسكت كتفي) ثم بعدها قلت اغسل كتفي؟ قلت لا هذه وسوسة وغسلت يدي وتوضيت ايش رايكم؟ يعني كأن الشطاف مسك كتفي وانا تو استعملته للاستجاء ماغسلته واخاف جاه رذاذ او شيء هل ينقل النجاسة لكتفي وهل اعيد الوضوء او لا؟

انا اقصد هل ارجع اغسل كتفي؟ لان المنشفة جت عليها والمنشفة ممكن تنجست لاني مسكتها وانا توني ماسكه الشطاف والشطاف ممكن تنجس بسبب الاستنجاء!

لا لا تغسلين كتفك ولا تعيدين الوضوء ..
الشطاف ليس به نجاسه واضحه ترينها بعينك .

لا تتوهمين النجاسه .. فجميع الاشياء طاهرة حتى تثبت نجاستها بالعين وترين امامك نجاسه واضحه تشوفينها بعينك .

وغير ذلك فهو وسوسه وتكلف .

الشطاف يبقى طاهر حتى بعد استخدامه للاستنجاء؟ انا ماشفت فيه نجاسه بس اخاف جاه رذاذ من البول (الله يكرمك)، انا صرت اشوف كل شيء متنجس لدرجة اعيد تكرار الغسيل ويدي جلدها صاير رقيق ويخوف

والله يا اختي لم يامرك الله بتعذيب نفسك هكذا .
وللعلم ليس هناك اجر زائد في تكرار الغسيل ولو تقطعت يديك ..
بل بالعكس في كل مرة تكررين الغسيل اعلمي انك ارضيتي الشيطان واتبعتيه .. اعتذر ان قسوت عليك لكن يجب ان تتوقفي عن هذه التصرفات ..

الشطاف يبقى طاهر حتى ترين بعينك نجاسه عليه .. مافيه شئ في الدين اسمه اخاف انه حصل وانا ما ادري .. الدين مبني على اليقين في جميع الاحكام وليس الشك والخوف والتوهم .

ولو افتراضنا افتراض جاء رذاذ من البول فهو من يسير النجاسه المعفو عنها .

اختي هل تتبعين البرنامج العلاجي للخبير ؟؟؟

الله يسعدك يا رب ويبارك فيك ، انا قرأت العلاج لكن الى الان ما اتبعته لاني اذا داهمتني الافكار انسى كل شيء وما اقدر اسيطر على نفسي او اخفف توتري الا اذا كررت للاسف لكن ان شاء الله بحاول اكثر الين اتعبه كويس جزاكم الله خير الجزاء

اتبعه *