ساعدوني انا بحاله مايعلم فيها الا الله

تعبت انا بحاله لا يعلم فيها الا الله مرات افكر انهي حياتي بس ادري ماراح استفيد قسم بالله تعبت انقهر ع اني اتجاهل وانا ع يقين او انقهر اني اقهر نفسي واخرب وضوئي واستمع للوسواس ولا انقهر ع عمري اللي راح عليه وضرري لنفسي ولا انقهر ع اني كيف بحل المشكله من بدايتها ماني عارفه كيف وصلت مرحله خلاص اقول مالي داعي بالحياة كل ماهونتها يجي شي يقهرني تعبت تعبت مره انا عندي مشاكل غير الوسواس والمشكله الاكبر هو ابي اتقرب لربي ابي اخشع بصلاتي ابي اصير انسانه نفس الناس عندي حياة وهدف اكرهه نفسي جداً احس اني سيئه وماني قادره اتقبل نفسي وماني قادره اكمل مدري وش قاعده اقول بس خلاص مااقدر تحسبوني منقهره عشان الحياه ماهمني الحياة كلها رايحه اللي قاهرني المصيبه هذي في ديني الوسواس وهذا اللي تعبني وضايقني ليت ماسمعت له ابداً ليتي مااقدر اتحمل خلاص انا بحاله لا يعلم فيها الا الله مابي اكون سلبيه بس عجزت اتقبل نفسي مااقدر كل ماهونتها زادت اذا تجاهلت قلت غلط المفروض مااتجاهل واذا اعطيته وجهه وزدته بديت اخربها واطلع وانا وضوئي ناقص عادي وصلاتي مافيها تركيز ولا خشوع انا بكل الحالتين مخربتها بالصلاه وش اسوي تعبت دايماً اقول ربي عارف نيتي بس احس ماني قادره اعذر نفسي انا اللي غلطت وجبت عالشي لنفسي كيف اقتنع ان الله سبحانه بيتقبل مني وانه عادي اتجاهل واذا تجاهلت وعشت حياتي قلت اي الهى بالدنيا وانسى احل المشكله ذي وش اسوي صدق انا الان احس خلاص تقفلت بوجهي الدنيا يعني في  احسان ظن بالله اني بطلع منها بس مدري كيف احس ماني قادره اتحمل نفسي اكثر وعندي اشياء كثيره غير الوسواس مضايقتني لما تراكم علي كل شي ماقدرت اتحمل بس اهونها واقول اهم شي احل الوسواس هو الاهم هو الزبده بس كيف اقتنع اني بحله كيف ابدا اخ تعب والله الدنيا ماتستاهل كل هالسلبيه بس وش اسوي متعب الموضوع من عرفت نفسي وان بس اضرها واكره ماعمري تمنيت لنفسي شي زين دايم اساعد غيري بس دايماً كنت اهمل نفسي ليه ليه ماحبيت نفسي ابداً ليش ضريتها وكرهتها وانا مالي الا نفسي بالنهايه قسم بالله ماني قادره اتحمل ماني عارفه وش اسوي تعبت تعبت مااقدر اتقبل نفسي عجزت

اللي قاهرني اكثر انه عائق كبير بالحياه يعني لو احد يسألني وش سويتي بحياتك وكيف عشاتي بقول ماعشت شي اصلن كلها راحت للوسواس ماخل لي مجال احط اهداف وامال وطموحات وامنيات واعيش عمري ١٩ سنه الان وتضررت جداً من عرفتي نفسي وانا دائماً اتضرر ماحبت لنفسي الخير مدري ليه واللي يقهر ماني عارفه كيف ابدا احل المشكله ومابي احد يساعدني من اهلي ابي اكون قويه ابي احاول بنفسي ولا ادري متى اتجاهل ومتى ععيد الوضوء او الصلاه ماين معذوره دايم بس مع ذلك ماني عارفه فعشان كذا اتجاهل حتى لو يقين

والله مافي شي يقهر بالحياة الا ان تكون مشكلتك بدينك ولا الباقي والله يهون

غيداء كتب:

والله مافي شي يقهر بالحياة الا ان تكون مشكلتك بدينك ولا الباقي والله يهون

منجد ي غيداء كل شي يهون الا ان المصيبة تكون بالدين احيانا اغار من اللي فيهم اكتئاب عادي او مجرد وسواس مرض او موت اقول هم محظوظين لو تجاهلو ماراح يخسرو شي بالنهاية هم يقدرو يصلو ويقربو من ربهم عكسي انا ومن هم نفس حالتي مو قادرة اصلي ابدا وقت الصلاة يطلع وانا احاول اصلي صار في شي يكتمني صرت في ضيق مو قادره اطلع من ذي الدوامة تعبت جدا من وضعي هذا غير كلام اهلي بسبب اني اتأخر في صلاة الفجر ومن ثم اتأخر عن المدرسة (مجنونة انتي مافيك شي بس تتدلعين )صرت اشيل هم الكلام اللي راح اسمعه بس ايش اسوي

جداً والله اني اغار منهم من زمان بخاطري اصير زيهم دائماً كنت اتخيل صلاتي بخشوع دائماً كنت اتخيل اتقرب ربي وقلبي حاضر معي مو منشغله بالوسواس والله الموضوع يضايق قسم بالله قلبي يتقطع ابي اصير زيهم وحتى في اشياء ببالي كثير ودي اسويها عشان اتقرب لربي بس ماخلاني حتى استمتع وافكر اسويها انا حالياً ماعندي مدرسه بس ذكرتيني بايامها فعلاً كنت دايماً اتأخر واتضايق ونفستي تخرب ومرات الحين اسمع كلام من اهلي مو قصدهم شي ينصحوني بس ، بس ماتتخيلين كيف يوجع قلبي هالكلام صادقه والله اليوم قاعده اتكلم مع نفسي اقول لو مشكلتي بشي ثاني غير الوسواس والله عادي عائق لديني يعني شي يقهر لو اني فيني اكتئاب او اي مرض مقبوله الا هو استغفرالله بس الله يعيننا

السلام عليكم ورحمة الله وبركاته 
من متى وانتي تعانين من هذا الوسواس؟ 
أنا أعتقد أن التوجيه من قبل بعض الناصحين بالتجاهل لايكفي.. لابد وأن يعرف الموسوس ما هو الوسواس وأسبابه.. لأن إذا عرف السبب بطل العجب...
إن من أكبر ما يعانيه الموسوس أنه لا يُعامل كما يُعامل المريض مرض عضوي... بل العكس إذ سيجد من يعاتبه من الجهال.. كذلك هناك فارق كبير بين مريض الوسواس ومريض المرض العضوي وهو أن مريض الوسواس أحيانا يحتاج إلى مرافق فتره العلاج لكن هذا حاصل فقط عند مريض المرض العضوي.
حسب تجربتي يجب عدم البحث عن طريقة لطرد الوسواس وإنما البحث عن طريقة للتمييز بين الأفكار الحقيقية والأفكار الوسواسية.. والميول القهري والميول الأصلي..
وأفضل شيء أن يصيغ الموسوس لنفسه قواعد معينة تعينه على عدم اتباع الوسواس... بل يجب عليه أن ينسف القواعد التي سلكها وبناها من أجل الإحتياط.. حتى أصبح الإحتياط هو الأصل.
لابد وأن نعالج أنفسنا بوعي كامل.. فعندما نتجاهل لابد وأن نعرف ما هو الإحساس المتوقع عند التجاهل وماذا أفعل..

من فترة طويله واذا على الافكار انا اساساً نفسي ماني عارفه هو ايش يعني مرات اقول اساساً مو موسوسه ومرات مدري المهم ماني فاهمه كيف اتعامل معه وفعلاً كلامك صح وانا عارفه ان الانسان لازم يعرف الافكار حقيقه ام لا ويعرف مرضه بالكامل ويعترف فيه ويبدا بالعلاج

جربتي ياغيداء تطبيفين برنامج الخبير النفسي