كان عندي وسواس شديد في الطهاره والوضوء و الصلاه في الفاتحه والتحيات والتوتر الف عندي ولو اروح المسجد ابي اصلي اوتر لاني بطي واركز الاشياء حولي واذا احد رفع صوته اتلخبط وفي البيت مقدر اصلي الا في مكان هادي اتعب نفسيا والصلاه نفسي ينقطع ومخارج خروج صعبه ما اخلص الصلاه الا ابي ارتاح من التعب والنفسية سيئه صلاة المفترض ما تتعدى 6 دقايق ليه اصليها بشق الانفس واقعد 15 دقيقة فكتبت هنا بالمنتدى عندي كذا مشاكل فمحد رد علي بس اشوف المواضيع الثانية الردود عليها نفسي مشاكلي وسواس والحلول تطبق البرنامج و القراءه مره واحده وما تعيدها حاولت بس الشيطان كان يغلبني من ناحية الدين وكيف لو مت ترى صلاتك ما قبلت وتحس داخل شي ما يخليك لين تعيد الصلاه او الوضوء او اي شي.
تطبيق البرنامج يحتاج ليه صبر و عزيمه قوية وصراحه فشلت انا فيه و كنت مخير بين يا احاول في تطبيق البرنامج يا اكمل حياتي وكل يوم يزيد علي الوسواس وما راح يوقف الوسواس هذا غير الناس اللي ما تفهم اني عندك مشكله ويقلك انت موسوس صلاه مره ولا عليك لا تيعد واقرا عادي ويحسبونه امر عادي وهو صعب للموسوس.
العلاج بالنسبة لي بعد فضل الله علي
1- كثرة الدعاء والله ان الله قريب مجيب
2- ذهبت لدكتورة نفسية وصرفت لي علاج لان عندي وسواس قهري ولله الحمد اصلي لحالي الان والفاتحه مخارج الحروف تحسنت ولو في ازعاج المسجد اخلص التحيات مع الناس ولو احد كح رفع صوته اقدر اكمل التحيات واسلم مع تاخير بسيط عند الامام عكس الاول قبل العلاج يمكن التشهد الاول ما اكمل كل شوي اعيد مخارج الحروف ما تضبط والتوتر خف جدا والسبب بعد وسوسة الشيطان التوتر مصيبة وهذا العلاج يستخدم في علاج الوسواس القهري وحالات التوتر.
3- الطهاره : وسواس البول بمجرد ما استنجى واتاكد ان البول وقت خلاص ارش موية على راس الذكر والبس ملابسي واطلع في البداية عانيت كل شوي احس بشي بارد واكاد اجزم انه بول خرج وافتش مافيه شي فبحث فوجدت مقطع للشيخ الشينقطي رحمه الله ( https://www.youtube.com/watch?v=QFt4ErYJJ0c) ارجو الاستماع اليه وتطبيقه بفضل الله ثم تطبيق كلام الشيخ بمجرد ما انتهي من الاستنجى والبس ملابسي ومهما حاول ما افتش عن شي والحمدلله انقطع هذا الوسواس.
الله يوفقنا جميعا
منتديات الخبير النفسي 2
موضوع: لمن يشتد عليه وسواس ادخل رجاء 
